Žozuwe 4:10 - Songhai de Gao Bible

¹⁰ Sargari juwalkey kaŋ ga sundukoo zaa kay Žurdeŋ isaa gamoo ra hala waatoo kaŋ ra šennoo kul kaŋ Abadantaa na Žozuwe yaamar a mʼa har jamaa se kul teendi sanda takaa kaŋ nda Musa na Žozuwe yaamar. Jamaa deŋ nda cahãyan.

Žozuwe 4:10 Iomraidhean Croise

Zaburey 119:60

Ay ga cahã, ay si yay ka ni yaamarey dii.

Fattaroo 12:39

I na laajinoo kaŋ i nʼa ka hun Misira ton kʼa tee takula kaŋ ra dolobiri sii. A mana tun, zama i nkʼi gaaray ka hun Misira, i mana hin ka batu, i mana hin ka šilfanda mo zaa ngi boŋ se.

Yaasawey 27:1

Masi fooma nda suba, zama nʼsi bay haya kaŋ zaari foo gʼa hay.

Waazukaa 9:10

Haya kul kaŋ ni kaboo ga hin kʼa tee, a tee, zama alaahara kaŋ ra nʼga koy, teegoy sii no, laasaabu sii no, bayray sii no, lakkal sii no.

Korent borey bataga 2to 6:2

zama Irkoy nee: «Ay na ni ŋaarayroo taa waatoo kaŋ kan ya ne ra. Hallasiroo zaaroo hane, ay na ni faaba.» Nga ne, sohõ da ti waatoo kaŋ kan a se. Nga ne, hõ ti hallasiroo zaaroo.

Alhukumoo 31:9

Musa na ašariyaa woo hantum kʼa noo sargari juwalkey kaŋ ti Lewi izʼarey kaŋ ga Abadantaa amaanaa sundukoo zaa nda Izirayel boro beerey kul se.

Žozuwe 24:11

War na Žurdeŋ isaa deŋ, de war too Žeriko. Žeriko borey na war wongu: Amor borey, nda Ferezi borey, nda Kanaŋ borey, nda Heti borey, nda Girgaši borey, nda Hewi borey, nda Žebus borey. Ay nʼi daŋ war kabey ra.

Žozuwe 3:13

Za sargari juwalkey kaŋ ga Abadantaa, laboo kul Boŋkoynoo sundukoo zaa, na ngi cewey daŋ Žurdeŋ isaa haroo ra, Žurdeŋ isaa haroo ga dunbu, haroo kaŋ ga doori ka hun beene ga kay, a ga kay ma nee lalaba.»

Žozuwe 4:11

Waatoo kaŋ jamaa kul deŋ ka ben, Abadantaa sundukoo nda sargari juwalkey bisa ka huru jamaa jine.

Žozuwe 4:9

Žozuwe na tondi woy cindi hinka (12) kayandi nongoo kaŋ ra sargari juwalkey cindi ka kay nda amaanaa sundukoo, tondey goo no din hala hõ.