Žozuwe 3:13 - Songhai de Gao Bible

¹³ Za sargari juwalkey kaŋ ga Abadantaa, laboo kul Boŋkoynoo sundukoo zaa, na ngi cewey daŋ Žurdeŋ isaa haroo ra, Žurdeŋ isaa haroo ga dunbu, haroo kaŋ ga doori ka hun beene ga kay, a ga kay ma nee lalaba.»

Žozuwe 3:13 Iomraidhean Croise

Taarikey 1na 29:11

Abadantaa, jeeray, nda hini, nda darža, nda annuura, nda beeray manʼti kala ni wane, zama haya kul kaŋ goo beenaa ra nda laboo ga, i kul ti ni wane Abadantaa. Kokoytaray mo ti ni wane, Abadantaa. Ni goo haya kul boŋ.

Zaburey 33:7

A ga teekoo harey marga kʼi tee affoo, a ga hari guusu beerey marga nongu foo.

Zaburey 74:15

Ni no ka hari fattadoo nda isa-ize kaataray, ni no ka isayaŋ kaŋ si kogu kogandi.

Zaburey 78:13

A na teekoo fay ihinka kʼi deŋandi, a na harey kayandi sanda cete.

Fattaroo 15:8

Ni hunsaroo gaaboo na haroo marga. Bondawey kay ma nee lalaba. Hari guusey kay teekoo gamoo ra.

Žozuwe 3:11

Sargari juwalkey ga laboo kul Boŋkoynoo amaanaa sundukoo zaa ka huru Žurdeŋ isaa ra war jine.

Žozuwe 4:7

war mʼi zaabi se ka nee: ‹Žurdeŋ isaa haroo nka dunbu Abadantaa amaanaa sundukoo jine. Waatoo kaŋ sundukoo ga Žurdeŋ isaa deŋ, Žurdeŋ isaa dunbu ka hun cere ga.› Tondey wey no ma Izirayel borey hongandi waati kul.»