Žozuwe 24:18 - Songhai de Gao Bible

¹⁸ Abadantaa ka jamawey kul gaaray ir jine, waaniwaani Amor borey kaŋ ga goro gandaa ra. Ir mo, ir ga Abadantaa gana, zama nga ti ir Koyoo.»

Žozuwe 24:18 Iomraidhean Croise

Zaburey 116:16

Ay gʼa wiri ni ga, Abadantaa! Agay ti ni tamoo, ni tamoo, ni koŋŋaa izʼaroo. Nʼna karfey feeri kʼi kaa ay ga.

Fattaroo 10:2

hala ma duu ka deede ni izey nda ni izey izey se takaa kaŋ nda ay na Misira borey bere-bere nda takaa kaŋ nda ay nʼay tammaasawey daŋ i jine. Nga ra war ga bay kaŋ agay ti Abadantaa.»

Fattaroo 15:2

Abadantaa ti ay gaaboo nda ay doonoo addaliloo. A tee ya ne hallasiyan. Nga ti ay Koyoo, ay gʼa saabu. Nga ti ay baabaa Koyoo, ay ga maaɲoo jer.

Fattaroo 23:31

Ay ga ni laboo kanjey kayandi Kakaarey teekoo ga ka koy Filisti borey teekoo nda saajoo ka koy Efrat isaa ga. Zama ay ga gandaa borey daŋ ni kaboo ra, de nʼgʼi gaaray ni jine.

Teegoyey 7:45

Waatoo kaŋ ir baabey duu a, ngi nda Žozuwe nʼa hurandi ka gandawey dii kaŋ Irkoy nʼi gaaray ir baabey jine. A cindi no din hala Dawda waati.

Alhukumoo 10:21

Nga no mʼa ka bolsay, nga ti ni Koyoo, nga no ka teegoy beeri hunburantey wey kaŋ ni moɲey dii ey tee ni do.

Alhukumoo 33:27

Irkoy kaŋ gay a ga bara manʼti kala tugudoo, waati kul a goo goyoo ga, a na iberoo gaaray ni jine ka nee ma ne: ‹Mʼa halaci!›

Žozuwe 23:9

Abadantaa na jama beeri gaabanteyaŋ gaaray war jine, war binde, boro kul mana kay war jine hala hõ zaaroo.

Žozuwe 24:17

Zama Abadantaa, ir Koyoo no kʼir žigandi ka hun Misira, tamtaray hugoo ra, ir nda ir baabey. Nga no ka tammaasa beerey wey tee ir moɲey cire, nga no kʼir hawgay fondaa kul bande kaŋ ir nʼa tee, nda jamawey kul game kaŋ ra ir bisa.

Žozuwe 24:19

Žozuwe nee jamaa se: «War si hin ka Abadantaa gana, zama Koy henanante no, Koy no kaŋ ga canse war se. A si war hooyanoo nda war zunubey yaafa.