Žozuwe 21:41 - Songhai de Gao Bible

⁴¹ Lewi borey koyrawey kul hinnaa Izirayel borey mayraa game ti koyra woytaaci cindi yaaha (48) nda ngi hawsawey.

Žozuwe 21:41 Iomraidhean Croise

Šintinoo 49:7

Ngi hottayyanoo ma laali, zama a ga koron. Ngi futuyanoo ma laali, zama a ga laala. Ay gʼi say Yakuba gandaa ra. Ay gʼi say-say Izirayel gandaa kul ra.

Taarikey 1na 6:64

nda Kedemot nda nga hawsawey, nda Mefat nda nga hawsawey.

Alhukumoo 33:10

I ma ni hantumey kaŋ kayandi cawandi Yakuba se ka Izirayel cawandi ni ašariyaa. Yala i ma dugu daŋ ni niinoo cire, i ma sargari kaŋ tonandi hala a ma ben daŋ ni sargari tonadogoo ga.

Žozuwe 21:3

Woo ga, Izirayel borey na Lewi borey noo ngi tuboo ra koyrayaŋ wey nda ngi hawsawey ka sawa nda Abadantaa yaamaroo.

Žozuwe 21:40

Koyrawey kul hinnaa kaŋ Merari izey duu ey, alaayan beeri ka koy alaayan beeri, ti koyra woy cindi hinka (12). Merari izey ka tee Lewi boro alaayan beeri kokorantey ka alkurra kar.

Žozuwe 21:42

Koyrawey wey affoo kul goo nda labu kʼa kuubi kʼa bere, takaa woo da no koyrawey wey kul se.