Žozuwe 21:1 - Songhai de Gao Bible

¹ Lewi borey hugu boŋey man sargari juwalkaa Eleyazar, nda Žozuwe, Nun izʼaroo nda Izirayel borey alkabiilawey hugu boŋey.

Žozuwe 21:1 Iomraidhean Croise

Šintinoo 49:7

Ngi hottayyanoo ma laali, zama a ga koron. Ngi futuyanoo ma laali, zama a ga laala. Ay gʼi say Yakuba gandaa ra. Ay gʼi say-say Izirayel gandaa kul ra.

Fattaroo 6:14

Izirayel borey hugu boŋey maayaŋ ne: Rubeŋ ti Izirayel ize jinaa, nga izʼarey maaɲey ti: Hanok, nda Palu, nda Hesroŋ, nda Karmi. Wey ti Rubeŋ alaayan beerey kaagey.

Fattaroo 6:25

Eleyazar, Haruna izʼaroo hiija Putiyel ize woy foo. A duu a se Pinehas. Wey ti Lewi hugey borey hugu boŋey ka sawa nda ngi alaayan beerey kaagey.

Kabuyaney 35:1

Abadantaa šelaŋ Musa se Mowab ganganey ra, Žurdeŋ isaa jere, Žeriko tenje ka nee:

Kabuyaney 35:8

Koyrawey wey kaŋ war gʼi kaa Izirayel borey tuboo ra kʼi nondi, wey kaŋ goo nda iboobo ga iboobo noo, wey kaŋ goo nda ikaccu ga ikaccu noo. Alkabiila foo kul ga Lewi borey noo ka sawa nda tuboo kaŋ a duu a beeriyanoo.»

Žozuwe 14:1

Tuboo ne kaŋ Izirayel borey duu a Kanaŋ gandaa ra, tuboo kaŋ sargari juwalkaa Eleyazar nda Žozuwe, Nun izʼaroo, nda alkabiilawey hugu boŋey nʼi zamna Izirayel borey game.

Žozuwe 17:4

Selofad ize woyey kaa sargari juwalkaa Eleyazar, nda Žozuwe, Nun izʼaroo, nda alwakiiley jine, i nee: «Abadantaa na Musa yaamar a mʼir noo tubu sanda ir armey.» I nʼi noo baa sanda ngi baabaa armey game ka sawa nda Abadantaa yaamaroo.

Žozuwe 19:51

Wey ti tubey kaŋ sargari juwalkaa Eleyazar, nda Žozuwe, Nun izʼaroo, nda hugu boŋey nʼi zamna nda alkurra Abadantaa jine Silo, cere kubayyan hukkumoo miɲoo ga ka sawa nda Izirayel borey alkabiilawey. Takaa woo nda i na gandaa zamnaroo benandi.