Nehemi 2:3 - Songhai de Gao Bible

³ ay na kokoyoo zaabi ka nee: «Yala kokoyoo ma duu aloomur! Macin se agay ndumoo si huru cere ra, ka gar koyraa kaŋ ra ay baabey saarawey goo kayri, nuune na ganbey diinandi?»

Nehemi 2:3 Iomraidhean Croise

Kokoyey 1na 1:31

Batšeba hanse ka gunguma kokoyoo jine ka nee: «He ay koyoo, ay kokoyoo Dawda, ma huna abada!»

Kokoyey 2to 25:8

Nebukanezar kaŋ ti Babiloŋ kokoyoo laamaa jiiri woy cindi yaggantoo ra (19to), handu guwantoo, zaari iyyantoo ga, Nebuzaradaŋ kaŋ ti kokoyoo lakkalkaw maanawey jineboraa nda Babiloŋ kokoyoo boro kaa Žerizalem.

Taarikey 2to 21:20

Jiiri waranza cindi hinka (32) bara a se waatoo kaŋ a ga huru kokoytaraa ra. A na jiiri yaaha tee kokoytaraa ra, a si goro kala Žerizalem. A buu, boro kul mana nimsi nda nga buuroo. I nʼa sutura Dawda koyraa ra, amma manʼti kokoyey saarawey ra.

Taarikey 2to 28:27

Akaz koy nga hayragey gar alaahara, i nʼa sutura Žerizalem koyraa ra, i manʼa daŋ Izirayel kokoyey saarawey ra. Nga izʼaroo Ezekiyas tee kokoy dogoo ra.

Taarikey 2to 32:33

Ezekiyas koy nga hayragey gar alaahara, i nʼa sutura Dawda izʼarey saarawey se beene. Žuda kul nda Žerizalem borey na nga buuyanoo beerandi. Nga izʼaroo Manase tee kokoy dogoo ra.

Taarikey 2to 36:19

I na Irkoy hugoo ton kʼa tee boosu, i na Žerizalem cetaa kayri, i na nuune daŋ nga kokoy hugey kul ra, i na jinay alkadarantey kul hasara.

Nehemi 1:3

I nee ya ne: «Borey kaŋ mana buu tamtaraa ra kaŋyaŋ goo ma huna gandaa zamnaroo ra kaŋ ti Žuda ra goo binemarayyaŋ beeri ra nda kaynayan ra, kayriyaŋ goo Žerizalem cetaa ra, i na nuune ka nga ganbey ton.»

Nehemi 2:13

Cijinoo ra, ay fatta nda koyraa miɲoo kaŋ se i ga nee Gooroo miɲoo, ka koy Dragoŋoo haroo tenje, ka koy koyraa miɲoo kaŋ se i ga nee Birjoo miɲoo here ka Žerizalem cetewey lawre kaŋ ra kayriyaŋ goo nda nga ganbey kaŋ nuune nʼi diinandi.

Ester 8:6

Taka foo nda ay ga hin ka dii bone ga kaŋ ay dumoo ga? Taka foo nda ay ga hin ka dii ay borey ga dere?»

Zaburey 102:14

Nʼga tun, nʼga tamalla Siyoŋ koyraa se, zama waatoo ti woo kaŋ ra nʼga alhormo tee a se, waatoo kaŋ kayandi ti woo.

Zaburey 102:15

Zama ni tamey ga baa nga tondey, i ga hinna nga kayriroo se.

Zaburey 137:6

Yala ay deenoo ma denji ay dankaa ga nda ay mana honga ni, nda ay mana Žerizalem daŋ ay ɲaaloo kul boŋ.

Zaburey 38:7

Ay gunguma hala ay hanse ka kooma, zaaroo kul ay goo binedooray ra.

Sargarey 26:31

Ay ga war koyrawey tee saaji, ay ga war nongu henanantey tee saaji, ay si yee ka maa war dugu sunnaara kaaney.