Matiyu 2:2 - Songhai de Gao Bible

² i nee: «Man Alyahuudey kokoyoo kaŋ hayandi? Ir dii nga handaraa waynahunay. Ir kaa ka sujudu a se.»

Matiyu 2:2 Iomraidhean Croise

Zaburey 2:6

«Agay hunday no kʼay kokoyoo gorandi Siyoŋ tondi hondu henanantaa ga.»

Zaburey 45:11

Ay ize woyoo, ma maa, ma guna, ma ni haŋaa gaaru, dirɲa ni jamaa nda ni baabaa hugoo.

Kabuyaney 24:17

Ay ga dii a, amma manʼti sohõ da, ay gʼa gaaya, amma manʼti nda maanay. Handaray fatta Yakuba ra, kokoy gobu fatta Izirayel ra. A ga Mowab borey kar lakkaley ga kʼi say, a ga Seti izey kul kar boŋkurunbey ga kʼi say.

Matiyu 2:3

Kaŋ kokoyoo Herod maa woo, a zalba, de Žerizalem kul zalba a bande.

Matiyu 21:5

«Wa nee woy-izoo kaŋ ti Siyoŋ koyraa se: ‹Ni kokoyoo ne ma kaa ni ga, binoo ga yay, a žigi farkaa woy nda farka-ize boŋ, adabba kaarumay izʼaru.›»

Matiyu 27:11

I na Isa ka koy goforneroo jine. Goforneroo nʼa hãa ka nee: «Ni ti Alyahuudey kokoyoo wala?» Isa nee: «Ni hunday kʼa har.»

Luka 19:38

I nee: «Albarka ma bara kokoyoo se kaŋ goo kaa ir Koyoo maaɲoo ga. Alaafiyaa ma bara beenaa ra, daržaa ma tee beenaa se beene!»

Luka 2:11

Hõ Dawda koyraa ra, Hallasikaw hayandi war se kaŋ ti ir Koyoo Almasihu.

Luka 23:3

Pilat na Isa hãa ka nee: «Ni ti Alyahuudey kokoyoo wala?» A nʼa zaabi ka nee: «Ni hunday kʼa har.»

Luka 23:38

Hantum goo nga se beene kaŋ ga nee: «Woo ti Alyahuudey kokoyoo.»

Yehiya 1:49

Nataniyel nʼa zaabi ka nee: «Rabbi, Irkoy Izʼaroo ti ni, Izirayel kokoyoo ti ni.»

Yehiya 12:13

i na teenayɲaa sarbayyaŋ zaa ka fatta kʼa kubay. I ga kaati ka nee: «Hozaana! Albarka ma bara boraa se kaŋ goo kaa ir Koyoo maaɲoo ga kaŋ ti Izirayel kokoyoo!»

Yehiya 18:37

Pilat nee a se: «Adiši kokoy ti ni?» Isa zaabi ka nee: «Ni hunday kʼa har kokoy ti agay. Hayaa kaŋ se ay hayandi, hayaa kaŋ se ay kaa aduɲɲa ra, manʼti kala ka seedetaray tee cimoo ga. Boro kul kaŋ ti cimoo wane ga haŋajer ay šennoo se.»

Yehiya 19:19

Pilat hantum haya ga kʼa daŋ kanjandibundoo ga. Hantumoo ti: «Isa Nazaret boraa, Alyahuudey kokoyoo».

Yehiya 20:28

Toma nʼa zaabi ka nee: «Ni ti ay Koyoo, ay Irkoy!»

Yehiya 5:23

hala borey kul ma Izʼaroo beerandi sanda takaa kaŋ nda i ga Baabaa Irkoy beerandi. Boro kaŋ si Izʼaroo beerandi si Baabaa Irkoy beerandi kaŋ nʼa sanba.

Yehiya 9:38

A nee: «Ay naanay, ay Koyoo.» A sujudu Isa jine.

Eberewey batagaa 1:6

Amma waati kaŋ a ga nga Izʼaru jinaa sanba aduɲɲa ra koyne, a ga nee: «Irkoy almalaykey kul ma sujudu a se.»

Bangandiroo 22:16

Agay Isa, ay nʼay almalaykaa sanba a ma hayey wey seedetaraa tee war se war mʼa ka too Egilizey do. Agay ti Dawda hayroo kaŋ ga hima nda tuuri kabe taaga kaŋ zay ka fatta tuuroo kaŋ dunbandi linjoo ga, subbaahi handaray nerantaa.»