Matiyu 11:1 - Songhai de Gao Bible

¹ Waatoo kaŋ Isa na nga yaamarey noo nga taalibi woy cindi hinkaa (12) se ka ben, a hun no din ka koy cawandi, ka waazu gandaa koyrawey ra.

Matiyu 11:1 Iomraidhean Croise

Matiyu 28:20

kʼi cawandi i ma hayey kul dii kaŋ nda ay na war yaamar. Nga ne, ay goo war bande zaari kul hala zamanoo benantaa ga.»

Matiyu 4:23

Isa dira Galile kul bande ka cawandi ngi margahugey ra. A ga Laamaa Alhabar Boryaa waazu. A na wircikoyni kul nda malalkoyni dumi kul noo baani alžamaa ra.

Matiyu 7:28

Waatoo kaŋ Isa na šenney wey har ka ben, nga cawandiyanoo tee jamaa se boŋhaway,

Matiyu 9:35

Isa dira koyrawey nda koyra kanbey kul bande, a ga cawandi margahugey ra, a ga Laamaa Alhabar Boryaa waazu. A ga wirci kul nda dori kul noo baani.

Marku 6:12

Taalibey koy borey waazu ka nee i ma tuubi.

Luka 23:5

Amma i tonton nda gaabi ka nee: «A nka jamaa turandi nda nga cawandoo Žude kul ra. Galile nda a šintin ka kaa hala ne ra.»

Luka 8:1

Alwaati foo banda ga, Isa naaru ka koy koyrawey nda koyra kanbey ra ka Irkoy Laamaa Alhabar Boryaa waazu. Taalibi woy cindi hinkaa (12),

Yehiya 15:10

Nda war gʼay yaamarey dii, war duumi ay bajoo ra sanda takaa kaŋ nda ay nʼay Baabaa Irkoy yaamarey dii, de ay duumi nga bajoo ra.

Yehiya 15:14

Ay cerey ti war nda war ga hayey tee kaŋ ay gʼi ka war yaamar.

Teegoyey 1:2

hala hanoo kaŋ ra a zandi ka koy beenaa ra. Amma za a mana zandi, a na Hundi Henanantaa ka diyawey yaamar kaŋ a nʼi suuba.

Teegoyey 10:38

Isa Nazaret boraa, takaa kaŋ nda Irkoy nʼa yon nda Hundi Henanantaa nda hini, nga kaŋ ga koy nongu nda nonguyaŋ ra ka teegoy henna tee, ka borey noo baani kaŋ Ibilisi nʼi daŋ nga hinoo cire, zama Irkoy goo a bande.

Teegoyey 10:42

A nʼir yaamar ir ma borey waazu ka seedetaray tee kaŋ nga no, Irkoy na nga kayandi baahunantey nda bukawey ciitikaa.

Tesalonik borey bataga 1na 4:2

War ga yaamarey bay kaŋ ir nʼi har war se ir Koyoo Isa albarkaa ra.

Tesalonik borey bataga 2to 3:10

Koyne mo waatoo kaŋ ir cindi war do, ir na war yaamar nda šennoo woo ka nee: «Boro kaŋ si baa goy masi ŋaa.»

Tesalonik borey bataga 2to 3:6

Ir armey, ir ga war yaamar ir Koyoo Isa Almasihu maaɲoo ga, war ma mooru arma kul kaŋ dira takaa si šerre, a si dira nda alaadaa kaŋ a duu a ir ga.

Timote bataga 1na 6:14

ma gaabu yaamaroo ga bila žiibi, bila laybu hala ir Koyoo Isa Almasihu bangayyanoo ga.