Fattaroo 5:2 - Songhai de Gao Bible

² Firawuuna nee: «Abadantaa ti may kaŋ se ay ga haŋajer ka yadda ka Izirayel naŋ a ma koy? Ay si Abadantaa bay, ay si Izirayel naŋ a ma koy mo.»

Fattaroo 5:2 Iomraidhean Croise

Kokoyey 2to 18:35

Adiši, gandawey koyey kul ra, may no ka hin ka ngi gandaa kaa ay kaboo ra, hala Abadantaa ma hin ka Žerizalem kaa ay kaboo ra?»

Taarikey 2to 32:14

Adiši, gandawey wey kul kaŋ ay baabey nʼi halaci, ngi koyey ra, may no ka hin ka nga jamaa kaa ay kaboo ra, hala war mo war Koyoo ma hin ka war kaa ay kaboo ra?

Taarikey 2to 32:15

Sohõ Ezekiyas masi war darga. A masi war daŋ takaa woo ra. War masi naanay a. Zama ganda sii no, laama sii no kaŋ koyoo hin ka nga jamaa kaa ay kaboo ra wala ay baabey kabey ra, soko war Koyoo ma war kaa ay kaboo ra.›»

Taarikey 2to 32:19

I ga šelaŋ Žerizalem Koyoo ga sanda laboo jamawey jerey koyey ga kaŋyaŋ adamize kaboo kʼi tee.

Nehemi 9:10

Nʼna tammaasayaŋ nda kayfiyaŋ tee, ka Firawuuna nda nga borey gande, nda nga gandaa jamaa kul, zama nʼga kabekunafutaa bay kaŋ i nʼa tee ir hayragey se. Nʼna ni maaɲoo kaataray, woo se a ga bara hala hõ.

Ayuba 15:25

Zama a nka nga kaboo šerre Irkoy ga, a nka kay Hini-kul-koyoo se,

Ayuba 15:26

A boŋšenday ka kaa Irkoy ga, a ga tugu nga koraa tafayroo ra.

Ayuba 21:15

Macin ti Hini-kul-koyoo hala ir mʼa gana? Macin no nga ŋaarayroo gʼa hanse ir se?›

Zaburey 10:4

Boro laalaa ga deenebeeray ka nee: «A si boro zukandi. Irkoy si bara.» Woo ti hayaa kul kaŋ a gʼa hongu.

Zaburey 12:4

Yala Abadantaa ma meekaanawey kul halaci, miɲey kaŋ ga šelaŋ nda bolsay,

Zaburey 12:5

borey kaŋ ga nee: «Ir deeney goo nda albarka, ir goo nda ir miɲey, may no ma hin ir?»

Zaburey 14:1

Donkey boŋkoynoo ka woo don. Woo ti Dawda zabur foo. Lakkal jaŋantaa mma nee nga boŋ se kaŋ Irkoy si bara. I na goy laalayaŋ nda goy harramanteyaŋ tee, boro sii i ra kaŋ ga ihenna tee.

Fattaroo 3:19

Amma ay ga bay kaŋ Firawuuna, Misira kokoyoo si war naŋ war ma koy nda manʼti a nka waazibi a ga.

Fattaroo 7:17

Hayaa ne kaŋ Abadantaa nʼa har, a nee: “Woo ra nʼga kaa ka bay kaŋ agay ti Abadantaa: nga ne, ay ga isaa haroo kar nda goboo kaŋ goo ay kaboo ra, de haroo ga bere ka tee kuri.

Yaasawey 30:9

ya si koy kungu ka ni yankar ka nee: ‹May ti Abadantaa?› Wala ya talka ka koy zay kʼay Koyoo maaɲoo hasara.

Yehiya 16:3

I ga wey tee, zama i manʼay Baabaa Irkoy bay, i manʼay bay.

Rom borey batagaa 1:28

Takaa kaŋ nda i mana ceeci ngi ma Irkoy bay, Irkoy nʼi naŋ i ma hanga ngi lakkal šiirey bande hala i ma haya tee kaŋ si hima.

Tesalonik borey bataga 2to 1:8

nuune beeri ra, ka borey zukandi kaŋ si Irkoy bay, nda wey kaŋ mana yadda ir Koyoo Isa Alhabar Boryaa ga.

Alkaaley 2:10

Alwaddaa din kul izey mo koy ngi hayragey gar alaahara. Alwadda foo izeyaŋ tun dumawey ga kaŋ si Abadantaa bay, a si teegoyoo bay kaŋ a nʼa tee Izirayel se.

Samiyel 1na 2:12

Eli izʼarey manʼti kala boro yaamuyaŋ, i si Abadantaa beerandi.

Samiyel 1na 25:10

Nabal tuuru Dawda dontokey se ka nee: «May ti Dawda, may ti Yišay izʼaroo? Hõ tam booboyaŋ goo no kaŋ ga zuru ngi koyey ga.