Ester 9:5 - Songhai de Gao Bible

⁵ Woo ga, Alyahuudey na ngi iberey kul kar nda takuba, i nʼi wii, i nʼi derandi. I na haya kaŋ kan i se tee borey se kaŋ ga konna ey.

Ester 9:5 Iomraidhean Croise

Nehemi 9:24

Ngi hayroo huru gandaa ra, i nʼa mayray, nʼna gandaa gorokey, Kanaŋ borey kayna i jine, nʼnʼi daŋ kabey ra, ngi kokoyey nda gandaa jamawey, hala i ma haya tee i se kaŋ i baa.

Ester 3:13

Dontokawyaŋ na batagawey ka koy kokoyoo laamaa zamnarey kul ra, ka nee kaŋ i ma Alyahuudey kul halaci, kʼi wii kʼi tuusu, kʼa dii za aru sooga hala aru žeena, nda zanka, nda woy, woo kul ma teendi zaari folloku ra, handu woy cindi hinkantoo (12to) zaari woy cindi hinzantoo (13to) ra, maanaa Adar handoo ra. I ma ngi almanoo taa sanda alganiima.

Ester 8:11

Batagawey ra, i daŋ kaŋ kokoyoo nee kaŋ koyra foo kul ra Alyahuudey ga hin ka marga ka wongu ka ngi boŋ hallasi. A nee kaŋ dumi kul wala laamaa zamnari kul kaŋ borey kaa kʼi wongu, Alyahuudey ga hin kʼi kar kʼi halaci hala i ma ben. I ga hin ka ngi iberey woyey nda izey wii, ka ngi kabehayey zaa.

Ester 9:6

Sus koyraa kaŋ kuubandi nda cete ra, Alyahuudey na aru boro zangu guu (500) halaci kʼi wii.

Zaburey 92:12

Ay moɲey ga dii agay nkuwawey, de ay haŋawey ga maa goy futu teekey se kaŋ ga kay ya ne.

Tesalonik borey bataga 2to 1:6

Ir ga bay kaŋ Irkoy ga šerre, a ga borey zarabi kaŋ ga war zarabi,