Ester 7:7 - Songhai de Gao Bible

⁷ Kokoyoo too nda futay, a hun hoyandidogoo ra, a koy kokoy hugoo saddiɲaa ra. Haman cindi no din a ga kokoy woyoo Ester suurandi a ma nga hundoo naŋ nga ra, zama a dii kaŋ kokoyoo na bone kayandi nga se.

Ester 7:7 Iomraidhean Croise

Ester 1:12

Amma kaŋ goykey na kokoyoo dontaa har kokoy woyoo Wasti se, Wasti wanji ka kaa. Kokoyoo hanse ka futu futay laala.

Ester 1:5

Waatoo kaŋ hooraa ben, borey kaŋ goo Sus koyraa ra, kokoyoo na hoyandi tana tee i kul se, boro beerey nda boro kaccey se. Woo mana teendi kala kokoy hugoo saddiɲaa farroo ra jirbi iyye.

Ester 7:10

I na Haman deeji bundoo ga kaŋ a nʼa hanse Mardoše se. Woo ra kokoyoo futayyanoo zunbu.

Zaburey 112:10

Boro futu ga dii a, a si kan a se, a ga hiɲey kaama, a ga halaci. Boro futu ibaayoo ga dere.

Yaasawey 14:19

Boro laaley ga gunguma boro henney se, boro futawey ga batu boro šerrantey hugey miɲey ga.

Yaasawey 14:35

Goykaw lakkalkoyni ga kan kokoy se, nga futuroo ga kaŋ boro boŋ kaŋ ga boro haawandi.

Yaasawey 16:14

Kokoy futayyanoo manʼti kala buuyan dontokaw, lakkalkoyni ga kokoyoo binoo kanandi.

Yaasawey 19:12

Kokoy futuroo ga hima nda ganjihayla soogo booroyanoo, nga borohennataraa ga hima nda harandaŋ kaŋ goo suboo boŋ.

Bangandiroo 3:9

Nga ne, ay ga ni noo boroyaŋ Šaytan margahugoo borey ra, wey kaŋ ga nee Alyahuudu ti ngi, ka gar i manʼti a, i ga taari. Nga ne, ay ga kate ey i ma gunguma ni cewey cire, i ma bay kaŋ ay ga baa ni.

Samiyel 1na 20:7

Nda a nee: ‹A boori›, agay, baffoo si duu agay, ni tamoo, amma nda a futu, ma bay kaŋ a kayandi kaŋ nga ga bone tee.

Samiyel 1na 20:9

Žonataŋ nee: «Abada, masi hongu kaŋ nda ay bay kaŋ ay baabaa ga baa nga ma bone tee ma ne, ay sʼa har ma ne.»

Samiyel 1na 25:17

Ni no ma guna sohõ haya kaŋ nʼga hima kʼa tee, nda manʼti woo, šikka sii ir koyoo nda nga hugoo kul ga bone. Nga woo, boro yaamu no, boro si hin ka šelaŋ a se.»