Tesalonik borey bataga 2to 3:7 - Songhai de Gao Bible

⁷ War hunday ga takaa bay kaŋ nda war ga hima kʼir denden, zama ir mana dira nda šiiriyan war game.

Tesalonik borey bataga 2to 3:7 Iomraidhean Croise

Yaasawey 31:18

A ga maate kaŋ woo kaŋ nga ga duu a ga boori, nga fitillaa si buu cijinoo ra.

Korent borey bataga 1na 11:1

Wʼay guna ka tee takaa kaŋ nda ay ga Almasihu guna ka tee.

Korent borey bataga 1na 4:16

Woo maaganda se ay gʼa ŋaaray war ga, war ma tee ay dendenkey.

Filipi borey batagaa 3:17

Agʼarmey, war kul mʼay guna ka tee, war ma borey guna kaŋ ga dira nda takaa kaŋ war dii a ir ga.

Filipi borey batagaa 4:9

Hayey kaŋ war nʼi denden, war duu ey, war maarʼey ka dii ey ay ga, wʼi tee, woo ra Irkoy kaŋ ti Alaafiyakoyoo ga hanga war.

Tesalonik borey bataga 1na 2:10

War nda Irkoy ti ir seedaa, war kaŋ ga naanay, takaa kaŋ nda ir dira nda henanyan war bande, nda šerretaray, nda takaa kaŋ nda laybu sii ir ga.

Tesalonik borey bataga 1na 5:14

Ir armey, ir gʼa wiri war ga, war ma borey hoyray kaŋ si šerre, borey kaŋ biney hun, wa biney daŋ, wa borey faaba kaŋ sii nda hini, wa suuri borey kul se.

Tesalonik borey bataga 2to 3:6

Ir armey, ir ga war yaamar ir Koyoo Isa Almasihu maaɲoo ga, war ma mooru arma kul kaŋ dira takaa si šerre, a si dira nda alaadaa kaŋ a duu a ir ga.

Tesalonik borey bataga 2to 3:9

Manʼti ir nka sii nda fondo, amma ir nka baa ir ma tee war se boroyaŋ kaŋ war mʼi guna ka tee hala war mʼir denden.

Timote bataga 1na 4:12

Boro kul masi donda ni, ni zankataraa maaganda se. Tee ganakey se boro kaŋ i mʼa guna ka tee, šenni ra, nda teegoy ra, nda baji ra, nda naanayyan ra, nda henanyan ra.

Tit batagaa 2:7

ka tee i se boro kaŋ i mʼa guna ka tee haya kul here teegoy henna teeyan ra. Ni cawandiyanoo ma kaaray, a ma teendi nda taka henna.

Piyer bataga 1na 5:3

Borey kaŋ talfandi war ga, war masi gaabi daŋ i ga, wa tee feeji kuroo se boroyaŋ kaŋ i mʼi guna ka tee.