Tesalonik borey bataga 1na 4:6 - Songhai de Gao Bible

⁶ Woo ga, boro masi kaŋ nga armaa ga, a masʼa tooɲe, zama ir Koyoo ti hayey wey kul faasakaa, sanda takaa kaŋ nda ir bay kʼa har war se, ka yee kʼa šendandi war ga.

Tesalonik borey bataga 1na 4:6 Iomraidhean Croise

Zaburey 140:12

Deene-kaana si tee haya laboo ga, boro futu, bone si hun a bande.

Zaburey 94:1

Faasakaa Irkoy, Abadantaa, faasakaa Irkoy, ni annuuraa cebe!

Fattaroo 20:15

Masi zay.

Fattaroo 20:17

Masi haya kaŋ goo ni cinaa hugoo ra boonay. Masi ni cinaa wandoo boonay, wala nga baɲɲaa, wala nga koŋŋaa, wala nga hawoo, wala nga farkaa, wala haya kul kaŋ ti cinaa wane.»

Yaasawey 11:1

Neešihaya futu manʼti kala almuhal Abadantaa se, neeši tondi kaŋ ga timme ga kan a se.

Yaasawey 16:11

Neešihaya henna nda nga jinawey manʼti kala Abadantaa wane, neeši tondey kul manʼti kala nga almuraadoo.

Yaasawey 20:14

Daykaa mma nee: «A si boori, a si boori!» Nda a hun no a ga nga boŋ saabu.

Yaasawey 20:23

Neeši tondi barmayyan manʼti kala almuhal Abadantaa do, neeši jinay laala si boori.

Yaasawey 28:24

Boro kaŋ na nga baaba wala nga ɲaa kabey koonandi de a ga nee: «Manʼti goy futu no», boraa nda kayrakaw kul ti affoo.

Waazukaa 5:8

Nafaw no ganda se a ma duu kokoy kaŋ ga faari goy daŋ jine.

Sargarey 19:11

War masi zay, war masi war gandaa boro zanba, war masi war gandaa boro hiila.

Sargarey 19:13

Masi ni cinaa kom, masʼa zay. Ni goykaa banaa masi kani ni do hala subaa ra.

Sargarey 25:14

Nda war ga maamala, ma neere ni gandaa boro se wala ma day ni gandaa boro ga, war boro kul masi nga gandaa boro zanba.

Sargarey 25:17

War affoo kul masi nga gandaa boro zanba, ma hunbur ni Koyoo, zama agay ti Abadantaa, war Koyoo.›»

Marku 10:19

Nʼga yaamarey bay: ‹Masi boro wii, masi zina, masi zay, masi taari seedetaray tee›, masi boro kul tooɲe, ‹ni ɲaa nda ni baabaa beerandi.›»

Luka 12:5

Ay ga boraa cebe war se kaŋ war ga hima ka hunbur a. Wa hunbur boraa kaŋ, nda a wiiya banda ga, a goo nda hini ka boro warra žahannam. Ay ga war bayrandi, nga no war ma hunbur a.

Luka 16:28

zama ay goo nda arma guu, a ma koy i bayrandi hala i masi kaa gurzugay dogoo woo ra.›

Rom borey batagaa 1:18

Irkoy futayyanoo ga bangandi ka hun beenaa ra adamizey Irkoy hunburay jaŋaa nda ngi šerretaray jaŋaa se. Ngi no ma cimi ganji nda ngi šerretaray jaŋaa.

Rom borey batagaa 12:19

Ay baakey, war masi faasa war boŋ se, wa naŋ Irkoy futayyanoo ma goy, zama a hantumandi Citaaboo ra ka nee: «Ir Koyoo nee: ‹Agay no ma faasa, agay no ma boro bana.›»

Rom borey batagaa 13:4

Hinoo manʼti kala Irkoy goykaw ni nafaa se. Amma nda nʼga goy laala tee, ma hunbur de, zama a si takubaa zaa yaada. Irkoy goykaw no, a ga Irkoy futayyanoo cebe ka boraa zukandi kaŋ na ilaala tee.

Korent borey bataga 2to 7:11

Zama nga ne, war binemarayyanoo hunday kaŋ sawa nda Irkoy ibaayoo mana kate kala war ma duu ka hayey tee nda cahãyan nda ɲaali, nda faasayan beeri, nda binetunyan beeri, nda hunburay beeri, nda faajiyan beeri, nda gaabandiyan beeri, nda ba zukandiyan beeri. Nongoo kul here war cebe kaŋ war ga henan hayaa woo ra.

Galati borey batagaa 5:21

boonayyaney, suuyaney, ŋaa-ka-hooyan, nda hayey kaŋ ga hima nda wey. Ay ga war bayrandi sanda takaa kaŋ nda ay bay kʼa tee kaŋ borey kaŋ ga hayey wey dumey tee si Irkoy Laamaa tubu.

Efez borey batagaa 4:17

Hayaa kaŋ ay gʼa har kʼa bayrandi ay Koyoo maaɲoo ga manʼti kala war masi yee ka dira sanda dumey kaŋ si Irkoy bay dira takaa, ngi lakkal yaadaa bande.

Efez borey batagaa 4:28

Boro kaŋ ga zay, a ma fay nda zaytaray, a ma gaabandi ka [nga] kabey ka goy henna tee hala a ma hin ka tilasante faaba.

Efez borey batagaa 5:6

Boro kul masi war darga nda šenni koonuyaŋ, zama hayey wey maaganda se Irkoy futayyanoo ga kaa borey ga kaŋ si haŋajer a se.

Alhukumoo 24:7

«Nda boro diyandi kaŋ na nga armaa zay Izirayel borey ra kʼa daŋ baɲɲataray wala a nʼa neere, goy futu teekaa ga wiiyandi. Woo ra nʼga ifutu kaa war game.»

Alhukumoo 32:35

Agay no ma bana, agay no ma alhaku kaa waati kaŋ ngi cewey ga tanši. Zama almasiibaa zaaroo ga baa ka kaa i ga. Hayaa kaŋ kayandi i se ga kaŋ i boŋ nda cahãyan.›

Tesalonik borey bataga 1na 2:11

War ga bay mo kaŋ ir na war affoo kul dii sanda takaa kaŋ nda baaba ga nga izey dii.

Tesalonik borey bataga 2to 1:8

nuune beeri ra, ka borey zukandi kaŋ si Irkoy bay, nda wey kaŋ mana yadda ir Koyoo Isa Alhabar Boryaa ga.

Eberewey batagaa 13:4

Borey kul ma hiijay beerandi, kurɲe nda wande ma laadir, zama woy nda aru izefututaray teekey nda zinateerey, Irkoy gʼi ciiti.

Eberewey batagaa 2:6

Amma boro foo na seedetaray tee nongu foo ra ka nee: «Macin ti boro hala ni, Irkoy ma hongu a? Adamize ti macin hala ma huga nda a?

Žak batagaa 2:6

Amma war, war na talkaa kaynandi. Manʼti almankoyney no ma war daŋ ngi hinoo cire, manʼti ngi no ma war ka koy ciitikey jine?

Žak batagaa 5:4

Nga ne, goykey kaŋ goy war faarey hegaa ra, war na ngi banaa dii, banaa kaati, hegaykey kaatoo huru hala ir Koyoo, Aduɲɲakoyoo haŋaa ra.