Luku 9:3 - Panake Pi La: Ula: Buka pita: Kine Pieke Buka

³ Tapaaso hata꞉ta꞉ dupa leekeme. Iki paeyao pota꞉ poluekema꞉ta꞉ ala꞉ta꞉ ma꞉nda꞉ na mea mina꞉pa꞉peke. Koto alo ale manuta꞉ tumapu o nu o ne o mani o topo pea꞉peke sedi homeke kone na mea mina꞉pa꞉peke.

Luku 9:3 Iomraidhean Croise

Maka 6:7

Kutupa Yesuma꞉ mo hande 12 haliweki ipiki pa꞉ta꞉ epena꞉yeke wi la꞉ mea yaapo la la pu tapa tapa piekeme. Ikana꞉ma꞉ mo hoke temokomanu tolu lina꞉yeke ipika꞉ wele pita꞉la꞉eki haleekeme.

Luku 12:22

Koto hoki naneta꞉ Yesuma꞉ ipika꞉ disaipolo haliweki pa꞉ta꞉ alota꞉ I̱ma꞉ do alo ekita꞉ ikana꞉ma꞉ iki pa hapeke ekina꞉ nemanu make lokena꞉ yama꞉peke alemanu koto alemanu pa꞉ta꞉ta꞉ ka꞉nda꞉ma꞉ na homo hapa꞉peke.

Luku 12:28

Mo ame homeke opa haena꞉ laa beliata꞉ tunkula hapuao tina꞉ yanka꞉peke yeke ambu manuna꞉ au kone Koda꞉ma꞉ lawao haya꞉ka꞉na꞉ta꞉ a꞉pei kota꞉ ika꞉ hone tulaaseme ekita꞉ ota꞉ hodiki ale siki ya꞉ka꞉ta꞉me. Koto alemanu pa꞉ta꞉ kone Koda꞉ma꞉ kutu pu haya꞉ka꞉na꞉ta꞉ kota꞉ ipikana꞉ma꞉ iki make dau ota꞉ ana꞉na꞉ kone yamatiki pilieke.

Luku 22:35

Kutupa Yesuma꞉ ipika꞉ disaipolo haliweki pa꞉ta꞉ alota꞉ Hande I̱ma꞉ iki tapawa꞉ dina꞉ta꞉ pausa o nu o anke dake na kiki pa tapawa꞉ma꞉ ikita꞉ ala꞉ta꞉ ma꞉nda꞉ weimipe laa lota꞉ piekeme. Ikana꞉ma꞉ hombo peaaso alota꞉ Ota꞉ ala꞉ta꞉ homekesiki ma꞉nda꞉ kone dia꞉me lemekeme.

Luku 3:11

Dionima꞉ ika꞉ pi hombo peaaso hata꞉ alota꞉ Hali ma꞉nda꞉ma꞉ ipika꞉ dau yaapo wia꞉ka꞉na꞉ta꞉ kota꞉ ma꞉nda꞉ta꞉ mo dau dia꞉ya꞉la꞉ natehali ma꞉nda꞉ pa꞉ta꞉ hala꞉peke. Kutupa make ne napekeeki wia꞉ka꞉na꞉ta꞉ kota꞉ ne dia꞉ya꞉la꞉ wanda꞉halimanu pa꞉ta꞉ telipea hala꞉pa꞉pekee leekeme.

Luku 5:29

Kutupa Lipaema꞉ta꞉ ipika꞉ da pa꞉ta꞉ Yesuna꞉ aneke ne ma꞉nda꞉ pambaeyekeme. Lipaema꞉ wi leeke epemeke haliweki ame̱le̱ mo dakisi mani mu haemeke haliweki aneke hapu make pa mandane haliweki make ipika꞉ da pa꞉ta꞉ pitimikime.

Luku 9:4

Kutupa ma꞉nda꞉ epima꞉ ta꞉na꞉ma꞉ homolo hata꞉ ipika꞉ da pa꞉ta꞉ iki hatuku pea꞉ka꞉na꞉ta꞉ mo daoni mina꞉pa꞉lalueke hone wimika꞉na꞉ta꞉ kota꞉ koto pua hale da pa꞉ta꞉ homeke hao pua꞉pa꞉peke.

2 Timodi 2:4

Ami hali homekema꞉ ami hali hata꞉ta꞉ ipika꞉ you halina꞉ kakena꞉ homu haluekema꞉ pa mo da wanda꞉halina꞉ pu haleme haumanu tonka꞉na꞉ apa꞉tao na pilieke.