Luku 9:12 - Panake Pi La: Ula: Buka pita: Kine Pieke Buka

¹² Welealo nane nate pambolo haena꞉ta꞉ mo 12 disaipolo haliwekima꞉ Yesu pa꞉ta꞉ a꞉pa alota꞉ Do niki haloma꞉ alena꞉ta꞉ wanda꞉hali na hake alena꞉ma꞉ do wanda꞉halita꞉ mo da sunu make mo napeke ne make pelia꞉peke damanu weina꞉ma꞉ pena꞉ tapae lemekeme.

Luku 9:12 Iomraidhean Croise

Ma꞉tiu 14:13

Dioni lia꞉me lemekeeki opuaata꞉ Yesuma꞉ koto kenke mina꞉pa꞉lao kawasona꞉ pita꞉ mea keneme pa꞉ta꞉ peekeme. Ipiki peekeeki wanda꞉halima꞉ opitolota꞉ ika꞉ teke damanu mina꞉pa꞉lao mo ikali tea꞉ lopa꞉la꞉ ankema꞉ Yesu telimea pemekeme.

Ma꞉tiu 15:23

Koto leekepate Yesuma꞉ ipiki pa꞉ta꞉ pi homeke siki ma꞉nda꞉ ota꞉ na leekeme. Kutu pieketa꞉ mo disaipolo haliwekima꞉ ipiki pa꞉ta꞉ a꞉pa honke alo alota꞉ Ipikana꞉ma꞉ niki teliolo hata꞉ wi wopu la꞉ paleke ipula꞉ma꞉ ipika꞉ da pa꞉na꞉ tapae lemekepate

Ma꞉tiu 15:32

Yesuma꞉ ipika꞉ hoki nane tolu haemeke haliweki ipiki pa꞉ta꞉ epena꞉ wi la꞉mipi pea iki pa꞉ta꞉ alota꞉ Do wanda꞉hali pa꞉ta꞉ ya pukima꞉ e̱ ala꞉me leekeme. Hoto tepona꞉ I̱ ame̱le̱ haememe. Kutupa ameta꞉ napeke ne ma꞉nda꞉ dia꞉me. I̱ma꞉ ika꞉ da nina꞉ tea꞉ma꞉ homa꞉ paleke tapaa tapaa pua꞉ka꞉na꞉ kota꞉ pota꞉ hopikina꞉ tea꞉ma꞉ pua homilimikie leekeme.

Luku 9:11

Kutu pimikieki opitolo hata꞉ wanda꞉hali wopuma꞉ momba꞉latia pulu hata꞉ Yesu teli mea pemekeme. Yesuma꞉ mo epemeke wanda꞉hali handaata꞉ ta꞉na꞉ma꞉ homolo hata꞉ Koda꞉na꞉ Kilu Tombuao Hala꞉ ekina꞉ pi walolota꞉ yeni homemeke wanda꞉halita꞉ mea epeaeyekeme.

Luku 9:13

Koto lemekepate Yesuma꞉ alota꞉ Ikana꞉ma꞉ kone mo wanda꞉hali ne hala꞉pa꞉peke leekeme. Koto leeke ikana꞉ma꞉ alota꞉ Niki pa꞉ta꞉ta꞉ palaowa wala꞉ kiki homekena꞉ ta꞉peli yaapo pea homeke wia haloma꞉me. Naka꞉ honema꞉ta꞉ nikana꞉ma꞉ do wanda꞉hali paeyaona꞉ ne paeyao hambalo pomonope laa lota꞉ pimikime.

Dioni 6:1

Koto pimanu laata꞉ mo hande tunkula꞉pa pitieke Ka꞉lili ikali mone tea꞉na꞉ pa la꞉ka꞉la peekeme. Koto ikali biki ma꞉nda꞉ta꞉ Taibitiasi lo hala꞉me.

Pilipai 1:19

Pa ekipeke mo ikana꞉ma꞉ yeni peao halemeke mo Yesu Ketisona꞉ temokoma꞉ I̱ tamba꞉ mina꞉la꞉ ekina꞉ make I̱ta꞉ dipula da mina꞉pa꞉lao pomu halueke hone ulume.