Luku 8:44 - Panake Pi La: Ula: Buka pita: Kine Pieke Buka

⁴⁴ Kutupa mo wanda꞉ma꞉ mo wanda꞉hali anka꞉lopuna꞉ puata꞉ Yesuna꞉ hoki nanema꞉ a꞉pa ipika꞉ dopieke dau honiki wataeyekeme. Koto tomona꞉ kone hande we yapeeke ekita꞉ paeyekeme.

Luku 8:44 Iomraidhean Croise

Ma꞉tiu 20:34

Yesuma꞉ ipiliki pa꞉ta꞉ a꞉ta꞉ma꞉ homolo hata꞉ ipilika꞉ leke wataeyekeme. Kutu pieke pita꞉ma꞉ta꞉ ipilika꞉ leke ki laata꞉ epeke tupa꞉ handepekeme. Koto ekina꞉ta꞉ ipilikana꞉ma꞉ ipika꞉ hoki nane telimea pepekeme.

Ma꞉tiu 8:3

Koto leeke Yesuma꞉ ipika꞉ kiki tindipao wataaso hata꞉ alota꞉ Aowe. I̱ hone pa꞉la꞉me. Naka꞉ kindi yenita꞉ epeao epeke loke halena꞉ alome leekeme. Koto leeke tomona꞉ kota꞉ mo somena꞉ kindi yenita꞉ hapua mateekeme.

Ma꞉tiu 9:20

Ikana꞉ma꞉ koto pulu haena꞉ta꞉ wanda꞉ homeke Yesuna꞉ hoki nanema꞉ a꞉pa ipika꞉ dopieke dau nepoko wataeyekeme. Mo wanda꞉ta꞉ bapi 12 tukiki pa꞉ta꞉ hayeke andusa꞉ we wopu yopu lombei peao hayekeme.

Maka 6:56

Yesu peeke alena꞉ paeyao pa꞉ta꞉ da nane make daonimanu make topu topu da nina꞉ make opolo peeke dina꞉ da nane yeni hapa wimiki wanda꞉hali mea tia pua makedi yalao tu uma꞉ uma꞉ pimikime. Kutupa mo wanda꞉halima꞉ Yesuna꞉ dau honiki wataaluekema꞉ honke lemekeme. Wataemeke wanda꞉halina꞉ yeni tandelemekeme.

Luku 13:13

Koto laa Yesuma꞉ ipika꞉ kiki mo wanda꞉na꞉ loke manda wieke dina꞉ koto kone ipikana꞉ma꞉ ipika꞉ hoki tindi paeyekeme. Koto ekina꞉ta꞉ Koda꞉na꞉ biki mea miniliaeyekeme.

Luku 7:38

Kutupa mo wanda꞉ma꞉ Yesuna꞉ hoki nane a꞉pa ipika꞉ anke teke pa꞉ta꞉ tiao hata꞉ ipika꞉ e̱ tonda꞉pa꞉ta꞉ Yesuna꞉ ankena꞉ lopena꞉ leekeme. Kutupa ipika꞉ itikima꞉ Yesuna꞉ ankena꞉ mo hande e̱ tonda꞉pa꞉ honia nunu peata꞉ mo totopo wotu piki oetata꞉ Yesuna꞉ ankena꞉ holayekeme.

Luku 8:43

Kutupa mo wanda꞉hali anka꞉lopuna꞉ mo bapi 12 andusa꞉na꞉ we yopu hayeke wanda꞉ ma꞉nda꞉ hayekeme. Ipika꞉ yeni tamba꞉ mina꞉yeke dokeda haliweki pa꞉ta꞉ ipika꞉ mani paeyao hala꞉tiki piekepate ipika꞉ yenita꞉ ota꞉ na epeaeyekeme.

Luku 8:45

Yesuma꞉ mo wanda꞉hali pa꞉ta꞉ lota꞉ pitolo alota꞉ I̱ta꞉ epima꞉ wataeya꞉pe leekeme. Mo wanda꞉halima꞉ alota꞉ Niki ma꞉nda꞉ma꞉ na wataoma꞉me lemeketa꞉ Pidama꞉ Yesuna꞉ pi hombo peaaso alota꞉ Tekehalio. Do wanda꞉halima꞉ neke mea hopa꞉liao daka꞉paasa꞉ handa꞉e leekeme.

Dioni 5:13

mo yeni tandelaeyeke halima꞉ make Yesu na handeekeme. Pa ekipeke wanda꞉hali wopu koto pa꞉ta꞉ mombelemeke handa Yesu amba꞉ peekeme.

Aposolo 19:12

Koto ekina꞉ wanda꞉halima꞉ Polona꞉ yonkeleke pa꞉ta꞉ ta̱leeke dau munku tupa꞉ tumbulieke ekimanu make hako leke howao yameeke daumanu make yeni haemeke wanda꞉hali pa꞉ta꞉ mea pemekepate yeni tandelatiki pea hoke temokomanu opulu batiki pimikime.

Aposolo 5:15

Mo aposolo haliwekima꞉ koto haumanu pu haemeke ekina꞉ da wanda꞉halima꞉ yeni hapa papu wimiki wanda꞉halita꞉ tu mea pua pota꞉na꞉ yapa꞉ta꞉ yamaoma꞉ yamaoma꞉ peaata꞉ mandaneeki bedina꞉ uma꞉ uma꞉ pea paeyao pota꞉na꞉ wimikime. Koto hau pimiki ekita꞉ Pida pota꞉na꞉ yopulu hata꞉ ipika꞉ suasuama꞉ kone mo wimiki mandane wanda꞉hali ankulatiki yapena꞉ pimikime.