Luku 8:16 - Panake Pi La: Ula: Buka pita: Kine Pieke Buka

¹⁶ Yesuma꞉ alota꞉ Hali ma꞉nda꞉ma꞉ lamepa ka꞉waata꞉ sini tiekema꞉ na mea dopuaniao o bedi tokele pa꞉ta꞉ na u hala꞉me. Koto hau na pikita꞉ wanda꞉hali a꞉pa honda꞉ pambetiki pitolo handena꞉ yeketa꞉ mo lamepa u hala꞉ alena꞉ u hala꞉me.

Luku 8:16 Iomraidhean Croise

Luku 11:33

Ma꞉nda꞉ma꞉ ipika꞉ ola꞉pake ka꞉waata꞉ na a꞉mbao u hala꞉ o mo disi kawaso tieke oto pa꞉ta꞉ na wilieke. Koto hau na pikita꞉ mo da pa꞉ta꞉ wanda꞉hali a꞉pa honda꞉ pamba꞉tiki pitolo handena꞉ mo lamepa u hala꞉ alena꞉ u hala꞉me.

Luku 8:15

Kutupa mo epeke kenkena꞉ lopa꞉la꞉ wae ale manuta꞉ pi opua homu pu haleme wanda꞉hali ikana꞉ma꞉ honkopu hao epeke tupa꞉ minaata꞉ ika꞉ kiliki aneke a꞉eluekema꞉ pa putia pelimikie leekeme.

Aposolo 26:18

Ika꞉ leke kilaowalena꞉ yeke neke tapaasome lea꞉me. Ikana꞉ma꞉ timba꞉ lo pamba꞉la꞉eki la꞉ka꞉la mina꞉pa꞉lao pa̱a̱na꞉ epoemena꞉yeke pua꞉me. Hande Sadanina꞉ wele pa꞉la꞉eki la꞉ka꞉la mina꞉pa꞉lao Koda꞉na꞉eki hamina꞉yeke pua꞉me. Koto ekina꞉ ika꞉ hoke hau pita꞉la꞉ ekimanu Koda꞉ma꞉ pa tombuao hala꞉eki muemena꞉yeke pua꞉me. Kutupa ikana꞉ma꞉ yaka pi mina꞉leke handa talopu mea haena꞉ lolo wanda꞉hali ame̱le̱ tukiki pa꞉ta꞉ a꞉pa hamina꞉yeke pua꞉me lea꞉me.

Peneme Yaeyekeeki 1:20

Do yaka popeke nane miniki halo watake hata꞉ hombulanka꞉ manuna꞉ make do watake hata꞉ koloma꞉ wepiki ola꞉pake keo panka꞉la꞉ alemanu yaapona꞉ a꞉mbao ula꞉ teketa꞉ dupae. Do watake hata꞉ hombulanka꞉ manuta꞉ mo hande watake hata꞉ siosi manuna꞉ enisolomanue. Kutupa do watake hata꞉ ola꞉pake keo panka꞉la꞉ ale manuta꞉ mo hande watake hata꞉ siosimanue lea꞉me.

Peneme Yaeyekeeki 11:4

Mo wekitisi hali yaapota꞉ mo olipi ti yaapo pita꞉ ola꞉pake keo panka꞉la꞉ ale yaapoe. Ipilikita꞉ mo kenke Tekehalina꞉ puki tikitiki halepeme.