Luku 8:12 - Panake Pi La: Ula: Buka pita: Kine Pieke Buka

¹² Mo pota꞉na꞉ lopea꞉ wae ale manuta꞉ pi opiteleme wanda꞉hali ana꞉na꞉ halememe. Mo hoke Sadanima꞉ hande pi ika꞉ puki pa꞉ta꞉ yoka꞉ mea ikana꞉ma꞉ koto pi pa꞉ta꞉ hone na tulao tamba꞉ mina꞉la꞉eki na mina꞉yeke do hau pu hala꞉me.

Luku 8:12 Iomraidhean Croise

Ma꞉tiu 13:19

Mo hande Koda꞉na꞉ Kilu Tombuao Hala꞉ ekina꞉ pi wala꞉la꞉ ekina꞉ pi opitelemepate hone wopu wia na mea mendieleme wanda꞉hali ikita꞉ mo hande pota꞉na꞉ lopeeke wae manuma꞉ handelememe. Ika꞉ puki pa꞉ta꞉ nokopeeke pi manuta꞉ Sadanima꞉ a̱i̱ a꞉pa yoka꞉ mea pula꞉me.

Ma꞉tiu 13:4

Kutupa ipikana꞉ma꞉ tande lea꞉tiki pulu haena꞉ mandane wae manuta꞉ pota꞉na꞉ lopa꞉ lopa꞉ pieke ekita꞉ ba titima꞉ a꞉pa talopu nemekeme.

Maka 4:15

Mo hande pota꞉na꞉ haleme wanda꞉hali pa꞉ta꞉ pi alemanu lopa꞉ lopa꞉ pu hala꞉me. Kutupa opitolo haena꞉ kone mo tandeleeke pi ale manuta꞉ Sadanima꞉ koto kone a꞉pa yoka꞉ mea pu hala꞉me.

Luku 8:11

Kutupa Yesuma꞉ alota꞉ Do onkoluma꞉ alo ekina꞉ teketa꞉ dupae. Mo hande wae aleta꞉ Koda꞉na꞉ pie.

Luku 8:13

Mo toopi panka꞉ panka꞉ pa꞉la꞉ kenkena꞉ lopa꞉la꞉ wae ale manuta꞉ wanda꞉hali ma꞉nda꞉ma꞉ Koda꞉na꞉ pi opua ta꞉na꞉ma꞉ homolo hata꞉ mina꞉lemepate ota꞉ wopu na mendiki hosiki haota꞉ mo la handa꞉la꞉ ekimanu ipula꞉ dina꞉ta꞉ paa lopo halememe.

Luku 8:5

Hali ma꞉nda꞉ma꞉ ipika꞉ e pa꞉ta꞉ wae alemanu a꞉pa tandeleekeme. Tandela꞉tia pulu haena꞉ mandane wae ale manuta꞉ pota꞉na꞉ lopa꞉ lopa꞉ piekeme. Kutu pieke mo wanda꞉halina꞉ ankema꞉ tumba tumba piki hau make ba titima꞉ make a꞉pa yata꞉po nemekeme.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.