Luku 7:39 - Panake Pi La: Ula: Buka pita: Kine Pieke Buka

³⁹ Mo hande Pa꞉tisi halima꞉ kotoeki handaata꞉ ipika꞉ honema꞉ kone alota꞉ Do halita꞉ Koda꞉na꞉ potopede hali ya꞉ka꞉na꞉ yoluta꞉ ipikana꞉ma꞉ ipikita꞉ do wanda꞉ma꞉ wataasa꞉me laa peneme handolo pia꞉me. Ipikana꞉ma꞉ koto wanda꞉na꞉ pa꞉la꞉ hoke hauta꞉ hone ulu pia꞉me laa hone wiekeme.

Luku 7:39 Iomraidhean Croise

Ma꞉tiu 20:16

Koto pi Yesuma꞉ lo a꞉mbolo hata꞉ alota꞉ Koto ekina꞉ mo ame biki na ula꞉ mandane wanda꞉hali woputa꞉ titina꞉ haena꞉ laata꞉ mo ame biki tieke ula꞉ mandane wanda꞉hali woputa꞉ wetepe halo yapilimikie laa leekeme.

Ma꞉tiu 21:11

Kutu pieketa꞉ mo ipiki hatuku epemeke wanda꞉halima꞉ iki pa꞉ta꞉ alota꞉ Do halita꞉ mo Ka꞉lili kenke nane hala꞉ da Na꞉sa꞉tetena꞉ potopede hali Yesue lemekeme.

Maka 7:21

Wanda꞉halina꞉ puki tukiki pa꞉ta꞉ wia hone pa꞉ta꞉ ipu hala꞉ hau manuta꞉ dupae. Hoke honemanu make loke apa꞉taasa꞉ hau make pake nala꞉ hau make hali homena꞉ lita꞉la꞉eki make

Luku 12:17

Kutupa mo halima꞉ ipika꞉ honema꞉ kone alota꞉ Mo hande ne napekemanu poka꞉ mepi pea wia꞉peke alena꞉ ana꞉ na pa꞉la꞉ma꞉ eki puluepe laa hone wiekeme.

Luku 15:2

hande Pa꞉tisi haliwekima꞉ make mo hande Lo Pi walo haemeke haliwekima꞉ make kotoeki handaata꞉ pi la la pitolo hata꞉ ika꞉ kone alota꞉ Do halima꞉ta꞉ mo hoke haliweki handa꞉ mea꞉tiki pea ne kone homeke pa꞉ta꞉ netiki pitelememe laa lemeke handa

Luku 16:3

Koto leeke ekina꞉ mo halima꞉ hone witolota꞉ Yaka tiekema꞉ta꞉ I̱ta꞉ do paeyaaluekema꞉ pita꞉la꞉ma꞉ I̱ta꞉ eki pulua꞉pe laata꞉ I̱ta꞉ mo hombomanu awapeke make honkopu na halome. Kutupa make honke lapeketa꞉ yaala꞉ pa꞉la꞉me.

Luku 18:4

Koto ekina꞉ mo pi yokaalu peao hayeke halima꞉ titina꞉ amba꞉la mo wanda꞉na꞉ pota꞉ epeaapeketa꞉ kiatiki piekepate pa hosiki hao hao pea ipika꞉ honema꞉ kone alota꞉ Koda꞉ pa꞉ta꞉ make paala꞉ma꞉ na homolopate wanda꞉hali pa꞉ta꞉ make hone na witolopate

Luku 3:8

Ika꞉ pimi hoke haumanu paeyao amba꞉ hoki waleme ekina꞉ wanda꞉halima꞉ handena꞉ mo epeke kiliki a꞉ela꞉ tima꞉ pa꞉la꞉eki pina꞉ epeke haumanu pea꞉pa꞉peke. Koto ekina꞉ta꞉ ikana꞉ma꞉ Nika꞉ meita꞉ Eipoloha꞉ma꞉e laa kutupiki pimanu na lapa꞉peke laata꞉ Dionima꞉ iki pa꞉ta꞉ alota꞉ Opua꞉pe. Koda꞉ma꞉ do toopimanu meaata꞉ Eipoloha꞉ma꞉na꞉ mondu semba꞉lala꞉ wanda꞉hali ana꞉na꞉ wepia haena꞉ lapeke ya꞉la꞉me alome.

Luku 7:16

Koto ekina꞉ta꞉ wanda꞉hali paeyaoma꞉ dupiki hau hando hao pututuma꞉ homolo hata꞉ Koda꞉na꞉ biki mea miniliaaso hata꞉ alota꞉ Ota꞉ aneke potopede ma꞉nda꞉ niki tukiki pa꞉ta꞉ a꞉pa꞉la꞉me. Koda꞉ma꞉ ipika꞉ wanda꞉hali tamba꞉ muluekema꞉ yeke a꞉pa꞉la꞉me lemekeme.

Luku 7:37

Kutupa koto da teke pa꞉ta꞉ta꞉ hali yolo hayeke wanda꞉ ma꞉nda꞉ hayekeme. Koto wanda꞉ma꞉ Yesuta꞉ mo Pa꞉tisi halina꞉ da pa꞉ta꞉ a꞉pa ne no pila꞉me lemeeki opuaata꞉ ipikana꞉ma꞉ta꞉ a꞉la꞉ba꞉seta꞉ toopima꞉ wepiki kanakena꞉ mo totopo wotu piki oeta pambekeeki mea mina꞉ mo da pa꞉ta꞉ epeekeme.

Luku 7:38

Kutupa mo wanda꞉ma꞉ Yesuna꞉ hoki nane a꞉pa ipika꞉ anke teke pa꞉ta꞉ tiao hata꞉ ipika꞉ e̱ tonda꞉pa꞉ta꞉ Yesuna꞉ ankena꞉ lopena꞉ leekeme. Kutupa ipika꞉ itikima꞉ Yesuna꞉ ankena꞉ mo hande e̱ tonda꞉pa꞉ honia nunu peata꞉ mo totopo wotu piki oetata꞉ Yesuna꞉ ankena꞉ holayekeme.

Luku 7:40

Koto ekina꞉ Yesuma꞉ alota꞉ Saimonoo. Neke pa꞉ta꞉ I̱ma꞉ pi siki ma꞉nda꞉ lonoe leekeme. Mo halima꞉ Yesuna꞉ pi litolo hata꞉ alota꞉ Aowe disao. La kie leekeme.

Dioni 4:19

Mo wanda꞉ma꞉ ipiki pa꞉ta꞉ alota꞉ Aneke halio. Ameta꞉ neke handolome laa Koda꞉na꞉ pi la꞉ mea halo hale hali ya꞉ka꞉ta꞉me leekeme.

Dioni 7:12

Mo wanda꞉hali paeyaoma꞉ Yesu pa꞉ta꞉ pi alo hata꞉ hambiliki hambilikima꞉ pimikime. Mandane wanda꞉halima꞉ta꞉ Ipikita꞉ epeke halie lemekepate mandane wanda꞉halima꞉ta꞉ Dia꞉me laa Wanda꞉hali pa꞉ta꞉ ya pi lo hala꞉ halie lemekeme.

Dioni 9:24

Kutupa hoto yaapo peao hande mendieke pa꞉ta꞉ kone leke holupiki halita꞉ mo haliwekima꞉ wi la ipiki pa꞉ta꞉ alota꞉ Koda꞉ pa꞉ta꞉ pi la꞉ witolo hata꞉ ota꞉eki lapeke laa nikana꞉ma꞉ hone uluma꞉me. Koto hande halita꞉ hoke hau pita꞉la꞉ halie la lemekeme.