Luku 4:6 - Panake Pi La: Ula: Buka pita: Kine Pieke Buka

⁶ Kutu pitolo hata꞉ mo Sadanima꞉ Yesu pa꞉ta꞉ alota꞉ Mo alemanu paeyaota꞉ I̱ pa꞉ta꞉ ka꞉la꞉pate yaka honema꞉ta꞉ hali ma꞉nda꞉ pa꞉ta꞉ haloa꞉ka꞉na꞉ta꞉ ota꞉ ana꞉ pilieke. Koto ekina꞉ta꞉ mo kilu tombuao hala꞉ ekimanu paeyao pita꞉ ika꞉ hamoko alemanu paeyao telipina꞉ nakana꞉ma꞉ handeteke halena꞉ neke kuluekema꞉

Luku 4:6 Iomraidhean Croise

Luku 4:7

neketa꞉ ya biki laaluekema꞉ panda꞉ puniaeka꞉na꞉ta꞉ do alemanu paeyaota꞉ naka꞉eki yelieke leekeme.

Dioni 12:31

Ameta꞉ do kenke wanda꞉halina꞉ pi yokaalu pulu pa꞉la꞉ di ipula꞉me. Ameta꞉ do kenkena꞉ tumiki hala꞉ halita꞉ yoka mea lopaalieke.

Dioni 14:30

Do kenkena꞉ you hali epolo pa꞉la꞉ ekina꞉ I̱ma꞉ta꞉ iki pa꞉ta꞉ pi wotu na lolueke. Ipikana꞉ma꞉ta꞉ I̱ pa꞉ta꞉ hau ma꞉nda꞉ pea꞉peke na ya꞉la꞉pate

Dioni 8:44

Ikita꞉ ika꞉ apa꞉ Sadanina꞉ eiyeke titi halememe. Koto peleme ekina꞉ ika꞉ apa꞉na꞉ hone pa꞉la꞉ ekimanu puluekema꞉ pitelememe. Titi panake pa꞉ta꞉ kone ipikita꞉ hali lita꞉la꞉ hali hayekeme. Ipiki pa꞉ta꞉ ota꞉ hau pita꞉la꞉eki ma꞉nda꞉ na ula꞉ ekina꞉ ipikana꞉ma꞉ ota꞉ hau pea꞉peke na ya꞉la꞉me. Yayapiki pi lea꞉ka꞉na꞉ta꞉ ipika꞉ pita꞉la꞉eki kone ala꞉me. Ipikana꞉ma꞉ yayapiki pi lo hala꞉ ekina꞉ make ipikita꞉ yayapiki pi ala꞉ teke hali hala꞉ ekina꞉ make loa꞉me.

2 Kotindi 11:14

Kota꞉ a꞉pa꞉la꞉ma꞉ hone wopu wia꞉peke na ya꞉la꞉me. Pa ekipeke Sadanima꞉ kone ipikita꞉ mo pa̱a̱piki enisoloma꞉ handeke nono pu hapeke ya꞉la꞉me.

Epesese 2:2

Koto pita꞉ta꞉ ikana꞉ma꞉ do kenkena꞉ hoke hau pita꞉la꞉eki telia꞉ mea pu haota꞉ ya nane haleme wele pita꞉la꞉ temoko manuna꞉ teke halina꞉ pi opu haemekeme. Koto temokoma꞉ta꞉ Koda꞉na꞉ pi na opu haleme wanda꞉halita꞉ ipikana꞉ma꞉ handeteke hala꞉me.

1 Pida 1:24

Kota꞉ mo Baiboloma꞉ alota꞉ Wanda꞉hali paeyaota꞉ pa opa꞉la꞉ ambu tupa꞉ halememe. Kutupa ika꞉ au lo hala꞉ ekita꞉ ambuna꞉ moma opa꞉la꞉ tupa꞉ma꞉ handa꞉la꞉me. Mo ambu hapitolota꞉ ipika꞉ moma make alupilieke.

1 Dioni 5:19

Do kenketa꞉ mo Hoke Temokoma꞉ kilu tombuao hala꞉pate pa nikita꞉ Koda꞉na꞉eki haloma꞉me laa hone uluma꞉me.

Peneme Yaeyekeeki 12:9

Mo popake itiki hake si tieke hombeleketa꞉ tolu lopaeya꞉me. Ipikita꞉ mo hande amba꞉ kiake hayeke keto biki Sadani la꞉la꞉ alee. Ipikana꞉ma꞉ta꞉ mo kenke wanda꞉hali paeyao makeaeyeke halie. Ipikita꞉ ipika꞉ enisolo titi ame̱le̱ oni kenkena꞉ tolu lopaeya꞉me.

Peneme Yaeyekeeki 13:2

Mo sayale hombeleketa꞉ bosikasi tieke ma꞉nda꞉ ipika꞉ biki lepadima꞉ handaa ipika꞉ anketa꞉ peioloma꞉ handeke ale tieke hombelekena꞉ ankema꞉ handaa ipika꞉ kaketa꞉ laeonona꞉ kakema꞉ handea꞉me. Mo hande popake itiki hake si tiekema꞉ta꞉ ipika꞉ honkopu make ipika꞉ kini sea make ipika꞉ handeteke hala꞉eki tieke paeyao mo sayale hombeleke pa꞉ta꞉ halea꞉me.

Peneme Yaeyekeeki 13:7

Kutupa ipikana꞉ma꞉ Koda꞉na꞉ wanda꞉hali ame̱le̱ a꞉nda꞉ pea bepolaena꞉ make tapake ta꞉ta꞉ ta꞉ta꞉ make kapomani ta꞉ta꞉ ta꞉ta꞉ma꞉ handeteke hala꞉ wanda꞉hali make pi ta꞉ta꞉ ta꞉ta꞉ make tutu ta꞉ta꞉ ta꞉ta꞉ make paeyao handeteke haena꞉ waleke halea꞉me.