Luku 3:8 - Panake Pi La: Ula: Buka pita: Kine Pieke Buka

⁸ Ika꞉ pimi hoke haumanu paeyao amba꞉ hoki waleme ekina꞉ wanda꞉halima꞉ handena꞉ mo epeke kiliki a꞉ela꞉ tima꞉ pa꞉la꞉eki pina꞉ epeke haumanu pea꞉pa꞉peke. Koto ekina꞉ta꞉ ikana꞉ma꞉ Nika꞉ meita꞉ Eipoloha꞉ma꞉e laa kutupiki pimanu na lapa꞉peke laata꞉ Dionima꞉ iki pa꞉ta꞉ alota꞉ Opua꞉pe. Koda꞉ma꞉ do toopimanu meaata꞉ Eipoloha꞉ma꞉na꞉ mondu semba꞉lala꞉ wanda꞉hali ana꞉na꞉ wepia haena꞉ lapeke ya꞉la꞉me alome.

Luku 3:8 Iomraidhean Croise

Ma꞉tiu 21:43

Koto ekina꞉ta꞉ iki pa꞉ta꞉ I̱ma꞉ dupa alome. Mo iki pa꞉ta꞉ kieke Koda꞉na꞉ Kilu Tombuao Hala꞉ ekita꞉ paa yoka꞉ mea mo epeke kiliki a꞉elo pa꞉la꞉ wanda꞉hali pa꞉ta꞉ halieke alome leekeme.

Ma꞉tiu 3:8

Mo ika꞉ hoke haumanu hoki walaa ota꞉ mina꞉pa꞉laaseme hau peneme yaasa꞉ ekimanu homeke pu hapa꞉peke.

Ma꞉tiu 3:9

Eipoloha꞉ma꞉ta꞉ nika꞉ meie lomeka꞉na꞉ta꞉ mo Koda꞉ma꞉ kulu pa꞉la꞉ hoke yenkita꞉ wendulumekee hone na wia꞉pa꞉peke. Lono opie. Koda꞉ma꞉ta꞉ do ula꞉ toopimanu mea Eipoloha꞉ma꞉na꞉ wekiwandiki au lapeke ya꞉la꞉me alome.

Luku 13:25

Mo da teke halima꞉ta꞉ tiao pota꞉ pokilieke. Kutu pia꞉ka꞉na꞉ta꞉ iki hama hata꞉ta꞉ pota꞉ kake kilikili laaso alota꞉ Tiekeo. Niki epomono pota꞉ lomba꞉e lelimipate ipikana꞉ma꞉ hombo peaaso alota꞉ Ikita꞉ I̱ na handoloma꞉ Ikita꞉ hanema꞉ epelemepe laa lelieke.

Luku 13:26

Koto leliepate ikana꞉ma꞉ ipika꞉ pi hombo peaaso dupa lelimikie. Nikita꞉ neke ame̱le̱ mandakena꞉ pita꞉ ne ikali noma꞉ hande make nakana꞉ma꞉ta꞉ mo nika꞉ da sunu pa꞉ta꞉ pimanu wala꞉tiki pomime laa lelimikie.

Luku 14:9

Kutupa mo hande iki ipupa꞉ lea꞉ halima꞉ mo hali tieke epea꞉ka꞉na꞉ta꞉ Do hali pitina꞉ koto da panda꞉ mina꞉pa꞉lao pue laa neke pa꞉ta꞉ a꞉pa lelieke. Koto lea꞉ka꞉na꞉ta꞉ neketa꞉ yaala꞉ tieke minolo hata꞉ hoki nane pitulu pelipiki yeke loa꞉me.

Luku 19:40

Yesuma꞉ ika꞉ pi hombo peaaso hata꞉ alota꞉ I̱ma꞉ iki pa꞉ta꞉ Pi na lapa꞉pee loa꞉ka꞉na꞉ta꞉ kota꞉ do toopimanu ika꞉ kone e̱ alo hata꞉ poya꞉ tieke lelimikie leekeme.

Luku 19:9

Yesuma꞉ mo hali pa꞉ta꞉ alota꞉ Da꞉ta꞉la꞉ ekita꞉ ame do da pa꞉ta꞉ a꞉pa꞉la꞉me. Pa ekipeke do halita꞉ Eipoloha꞉ma꞉na꞉ mondu tanka꞉la꞉ peala꞉ tapake hali yeke loa꞉me.

Luku 5:21

Koto leekeeki opuaata꞉ mo Lo Pimanu wala꞉la꞉ haliweki make mo Pa꞉tisi haliweki paeyaoma꞉ ika꞉ ika꞉ kone pi pi alo alota꞉ Mo Koda꞉na꞉ biki hoeyaaso pimanu ala꞉ halita꞉ epi ya꞉ka꞉ta꞉pe. Ma꞉nda꞉na꞉ hoke hau manuta꞉ Koda꞉ma꞉ homeke ana꞉na꞉ paeyaapeke ya꞉la꞉taa lemekeme.

Dioni 8:33

Mo haliwekima꞉ ipika꞉ pi hombo peaaso alota꞉ Nikita꞉ Eipoloha꞉ma꞉na꞉ tapake haliweki haloma꞉pate hoto homeke a꞉nda꞉ nikana꞉ma꞉ hali ma꞉nda꞉ pa꞉ta꞉ tala꞉liao hata꞉ ipika꞉ e pa hameke na pokao haoma꞉me laa Nakana꞉ma꞉ alota꞉ Ikita꞉ ka꞉la꞉pa꞉ tapao halimikie ale ekita꞉ eki epina꞉ alepe lemekeme.

Dioni 8:39

Mo haliwekima꞉ ipika꞉ pi hombo peaaso alota꞉ Nika꞉ apa꞉ta꞉ Eipoloha꞉ma꞉e lemekeme. Yesuma꞉ ika꞉ pi hombo peaaso alota꞉ Ikita꞉ Eipoloha꞉ma꞉na꞉ wekitonu haemekena꞉ yoluta꞉ Eipoloha꞉ma꞉na꞉ pieke ekimanu kone pulu pimime.

Aposolo 26:20

Mo Damasikasi da wanda꞉hali pa꞉ta꞉ amba꞉la wala kutupa Diutuseleme da pa꞉ta꞉ make mo Diudia nane paeyao make kutupa Diendaili wanda꞉hali pa꞉ta꞉ make iki paeyaoma꞉ Koda꞉ pa꞉ta꞉ la꞉ka꞉lolo hata꞉ hone ma꞉nda꞉ la꞉ka꞉la witolo epeke haumanu pina꞉yeke pi waloendi pu haowa꞉me.

Loma꞉ 4:16

Eipoloha꞉ma꞉ Koda꞉ pa꞉ta꞉ hone tulaeyeke ekina꞉ Koda꞉ma꞉ hande pi la꞉ wiekeme. Koda꞉ma꞉ta꞉ Eipoloha꞉ma꞉ ipika꞉ hoki nane halo pimiki wanda꞉hali paeyao pa꞉ta꞉ hande la꞉ wieke pita꞉ iki pa꞉ta꞉ pa hameke halena꞉yeke loa꞉me. Hande Lo Pimanu oto pa꞉ta꞉ haleme wanda꞉hali pa꞉ta꞉ homeke dia꞉ya꞉la꞉pate hande Eipoloha꞉ma꞉ma꞉ pieke tupa꞉ Koda꞉ pa꞉ta꞉ hone tulao haleme wanda꞉hali pa꞉ta꞉ make hala꞉la꞉me. Eipoloha꞉ma꞉ta꞉ niki paeyaona꞉ apa꞉ hala꞉me.

Loma꞉ 9:7

Kutupa mo Eipoloha꞉ma꞉na꞉ tapake wanda꞉hali paeyaota꞉ Koda꞉ ipika꞉ weki wandikimanu na halememe. Koda꞉ma꞉ Eipoloha꞉ma꞉ pa꞉ta꞉ alota꞉ Aisa꞉kema꞉ monduma꞉ monduma꞉ pu tia epeleme wanda꞉hali homeketa꞉ naka꞉eki halimikie leekeme.

Pilipai 1:11

Kutu pilie ekima꞉ta꞉ ika꞉ halemeeki tukiki pa꞉ta꞉ta꞉ mo Yesu Ketiso homekema꞉ puemena꞉ lapeke ya꞉la꞉ hau manuma꞉ iki tukiki pa꞉ta꞉ tumbaalieke. Iki tumbaeya꞉ka꞉na꞉ta꞉ kota꞉ koto hauma꞉ta꞉ Koda꞉na꞉ pi lao yeiya꞉ laalieke.