Luku 3:2 - Panake Pi La: Ula: Buka pita: Kine Pieke Buka

² Koto pita꞉ma꞉ kone A꞉nasi Kaiya꞉pasi yaapota꞉ Koda꞉na꞉ yeni peao haepeke you hali haena꞉ta꞉ mo hapu hayeke alena꞉ hayeke hali Sekataiyana꞉ eiyeke Dioni pa꞉ta꞉ta꞉ Koda꞉na꞉ pi epeekeme.

Luku 3:2 Iomraidhean Croise

Ma꞉tiu 11:7

Kutupa mo Dionina꞉ hoki nane telimiki haliweki la꞉ka꞉la paa pulu haena꞉ta꞉ Yesuma꞉ mo wanda꞉hali pa꞉ta꞉ Dionina꞉ pi dupa lawaeyekeme. Ikana꞉ma꞉ mo hapu hala꞉ alena꞉ puluta꞉ aleke handulumeke hone wimipe. Poma꞉ hambe make mea aneya moneya pu tonkua꞉la꞉eki handulumeke hone wimipe. Dia꞉me.

Ma꞉tiu 26:3

Koto pita꞉ kone mo Pa꞉tisi haliweki pita꞉ mo you haliweki paeyaoma꞉ mo yeni peao hayeke you hali Kaiya꞉pasina꞉ da tieke pa꞉ta꞉ a꞉pa momba꞉la pitaa

Maka 1:2

Do pita꞉ hande potopede Aisayama꞉ wape pea ula꞉ ekita꞉ dupa. Koda꞉ma꞉ alota꞉ Opua꞉pe. Ya pi mea puaasa꞉ hali amba꞉la tapaalueke. Naka꞉ pota꞉ epeaena꞉yeke tapaalueke leekeme.

Luku 1:80

Kutupa mo wekita꞉ epeke tupa꞉ daeyaata꞉ ipika꞉ temoko make daeyatia pulu hata꞉ mo Isulai wanda꞉halina꞉ leke popelekena꞉ haluekema꞉ handeteke hata꞉ mo hapu hayeke alena꞉ hao hayekeme.

Dioni 1:23

Dionima꞉ ika꞉ pi hombo peaaso alota꞉ I̱ halo ekita꞉ dupae. Hali homekema꞉ mo hapu hala꞉ alena꞉ hata꞉ wi ala꞉ ekita꞉ dupae. Tekehali epena꞉yeke pota꞉ tikitikina꞉ pilaapa꞉peke. Koto leeke pita꞉ mo potopede hali Aisayama꞉ wape pieke pi kone leekeme.

Dioni 18:24

Koto ekina꞉ A꞉nasima꞉ta꞉ Yesuta꞉ tonkao pelia haena꞉ kone mo yeni peao haemeke you haliwekina꞉ you hali Kaiya꞉pasi pa꞉ta꞉ tapaeyekeme.

Aposolo 4:6

Wanda꞉halina꞉ yeni peao haemeke you haliwekina꞉ you hali A꞉nasi kutupa Kaiya꞉pasi Dioni make A꞉lekesa꞉nda kutupa yeni peao haemeke you haliwekina꞉ you halina꞉ tapake haliweki make mombelemekeme.