Luku 3:1 - Panake Pi La: Ula: Buka pita: Kine Pieke Buka

¹ Mo Loma꞉ Kapomani titina꞉ You hali Sisa Taibitiasi ipika꞉ bapi 15 peao handeteke hayeke da yu paeyaota꞉ pa handeteke hayekeme. Koto pita꞉ma꞉ta꞉ ipikana꞉ma꞉ mea haena꞉ leeke Kapomani you haliweki manuma꞉ ika꞉ handeteke hatia epena꞉ leeke kenke manuta꞉ dupa handeteke haemekeme. Pontiasi Pailedita꞉ Diudia kenke handeteke hayekeme. Hetodita꞉ Ka꞉lili kenke handeteke hayekeme. Kutupa Hetodina꞉ hameke Pilipita꞉ Idulia make Data꞉kenaidisi koto kenke yaapo handeteke hayekeme. Laisaniasita꞉ Abilini kenke handeteke hayekeme.

Luku 3:1 Iomraidhean Croise

Kini Pieke 49:10

Diudama꞉ta꞉ mo kinina꞉ minu hala꞉ dolo miniki halieke. Kutupa ipika꞉ monduma꞉ monduma꞉ pilia꞉ wekiwandikina꞉ wekiwandiki pa꞉ta꞉ yama꞉ kini halimanu hoto paeyao handeteke hao hatiki pilimikie. Tutu manuma꞉ta꞉ ipika꞉ dakisi hambuluekema꞉ ala꞉ta꞉ ala꞉ta꞉ mea a꞉palimikie. Kutupa ipiki pa꞉ta꞉ homu pitolo hata꞉ panda꞉punialimikie.

Ma꞉tiu 14:1

Mo hande Ka꞉lili kenke handeteke hayeke hali Hetodima꞉ta꞉ Yesuma꞉ pieke ekina꞉ pi laemeke ekimanu opuaata꞉

Ma꞉tiu 14:3

Do pi leeke ekina꞉ teketa꞉ hosiki amba꞉ leke Hetodima꞉ Dioni da꞉ka꞉pa꞉ minina꞉ laata꞉ senipuma꞉ tonkao dipula mea pitaena꞉ leekeme. Koto ka꞉nda꞉ epeeke ekina꞉ teketa꞉ mo hande Hetodima꞉ ipika꞉ hameke Pilipina꞉ weteke Hetodiasi mieke ekima꞉ piekeme.

Ma꞉tiu 14:6

Hetodina꞉ mendieke natena꞉ ne tieke pambeekeme. Kutu pieke dina꞉ta꞉ mo hande Hetodiasina꞉ wanekema꞉ mo wanda꞉halina꞉ leke popelekena꞉ ma꞉nda꞉ liekeme. Kutu pieke handaa Hetodima꞉ ta꞉na꞉ wotu pieke handaa

Ma꞉tiu 22:17

Naka꞉ wili honeta꞉ eki hone wilipe. Niki opuomono lakia꞉peke. Mo kapomani tieke Sisa pa꞉ta꞉ dakisi mani hala꞉la꞉ ekita꞉ a꞉pa꞉la꞉pe o hoela꞉pe. Halomana꞉pe o na halomana꞉pe lemekeme.

Ma꞉tiu 27:2

Kutaata꞉ mo haliwekima꞉ Yesu mea senima꞉ tonkaota꞉ mo hande Loma꞉ Kapomani You hali tieke Pailedi pa꞉ta꞉ hatuku pemekeme.

Maka 6:17

Amba꞉ta꞉ Hetodima꞉ Dioni yola꞉ mea epena꞉yeke haliweki tapaota꞉ Dionita꞉ tonkao dipula mea lopaeyekeme. Hetodiasima꞉ honke leeke handaa piekeme. Hetodiasita꞉ Hetodina꞉ hameke Pilipina꞉ wanda꞉ hayekepate Hetodima꞉ petolo miekeme.

Maka 6:21

Hetodima꞉ ipika꞉ mendieke nate epeeke handaata꞉ ne pambuluekema꞉ ipika꞉ kapomani tumiki haliweki make ipika꞉ a꞉nda꞉ tumiki haliweki make Ka꞉lili nane haemeke hali tieke tieke make wi la꞉ mepi pieke a꞉pa mombelemekeme. Koto dina꞉ta꞉ Hetodiasima꞉ Yaka natee hone wiekeme.

Luku 13:31

Koto dina꞉ kone mandane Pa꞉tisi haliwekima꞉ Yesu pa꞉ta꞉ a꞉pa alota꞉ Kini Hetodima꞉ neke luekema꞉ taapa꞉la꞉me. Neketa꞉ do da yu mina꞉pa꞉lao ota꞉ ame do kone pua꞉peke lemekeme.

Luku 2:1

Mo Sisa Okasitasima꞉ ipika꞉ kilu tombuao hayeke da wanda꞉hali paeyaona꞉ bikimanu wape pina꞉yeke momba꞉lapa꞉peke laa leekeme.

Luku 23:24

Koto ekina꞉ Pailedima꞉ Yesu homena꞉e lemekeeki telia piekeme.

Luku 3:19

Koto pa꞉la꞉pate Dionima꞉ mo kapomani hali tieke Hetodi pa꞉ta꞉ la halolo hata꞉ alota꞉ Neketa꞉ hoke haumanu peleme laa la haleekeme. Ekipeke. Hetodi ipika꞉ hamekena꞉ weteke Hetodiasi pa ipika꞉ handa꞉mea make ipikana꞉ma꞉ ti teke wotu yoka꞉tiki pomieke handa leekeme.

Luku 9:7

Mo Ka꞉lili da kenke pa꞉ta꞉ you hali Hetodima꞉ koto pieke ekina꞉ pi paeyao opieke ekima꞉ pomoma꞉ homeekeme. Pa ekipeke mandane haliwekima꞉ dupiki pi la alualu pimikime. Mo bapitaisi peao hayeke hali Dionita꞉ paa tiao a꞉pa hala꞉me lemekeme.

Aposolo 23:26

Kolodiusi Laisiasima꞉ nika꞉ kapomani you hali Pilikisi neke pa꞉ta꞉ keiyae alome.

Aposolo 24:27

Kutupa hao bapi yaapo yapeeketa꞉ Pilikisima꞉ kapomani you hali haya꞉ ekita꞉ pa Posiasi Pesitasima꞉ miekeme. Kutu pieketa꞉ Pilikisima꞉ta꞉ mo Diu haliweki ta꞉na꞉ma꞉ homaaluekema꞉ Polota꞉ dipula pa pita꞉ pelia haena꞉ laa peekeme.

Aposolo 26:30

Kutupa mo hande kini hali tiaota꞉ mo kapomani you hali make Benisi make mo iki ame̱le̱ pitimiki wanda꞉hali make tiao mina꞉pa꞉lao puaata꞉

Aposolo 4:27

Ota꞉ leekeme laata꞉ Do daoni tieke pa꞉ta꞉ Hetodi pita꞉ Pontiasi Pailedi yaapoma꞉ make mo Diendaili haliweki pita꞉ Isulai wanda꞉hali ame̱le̱ make paeyaoma꞉ momba꞉laata꞉ naka꞉ yakopiki E Pokaeya꞉ Halita꞉ hande Ketiso haena꞉ lele hali Yesu mea lopaaluekema꞉ tiao haememe.