Luku 24:6 - Panake Pi La: Ula: Buka pita: Kine Pieke Buka

⁶ Ipikita꞉ do pa꞉ta꞉ na ula꞉me. Ipikita꞉ amba꞉ tiao pa꞉la꞉me. Mo hande ipiki Ka꞉lili hata꞉ lea꞉eki manuta꞉ niminaasemepe.

Luku 24:6 Iomraidhean Croise

Ma꞉tiu 12:40

Hande Dionata꞉ ta꞉peli tiekena꞉ weleke pa꞉ta꞉ timba꞉ tepo nate tepo pea pitiekeme. Kota꞉ mo Wanda꞉halina꞉ Eiyeke make mandake tupa꞉ kone timba꞉ tepo nate tepo pea kenke tukiki pa꞉ta꞉ wilieke.

Ma꞉tiu 16:21

Koto natena꞉ kini pu meata꞉ Yesuma꞉ ipika꞉ disaipolo tonu peneme yao alo hata꞉ dupa leekeme. I̱ta꞉ ota꞉ Diutuseleme da nane polueke. Kutu pua꞉ka꞉na꞉ta꞉ koto pa꞉ta꞉ mo you haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make I̱ tanda tieke ota꞉ wotu kilimikie leekeme. I̱ kiao limika꞉na꞉ta꞉ homuluepate hoto tepo naku pa꞉ta꞉ wia paa da꞉taa tiao halueke leekeme.

Ma꞉tiu 27:63

Hande ya pi lo haya꞉ somema꞉ pa hande haya꞉ dina꞉ ipikana꞉ma꞉ alota꞉ Hoto tepo natena꞉ wiaata꞉ I̱ta꞉ paa mea tialieke leekeeki niminaasoma꞉me.

Ma꞉tiu 28:6

Ipikita꞉ do pa꞉ta꞉ na ula꞉me. Ipika꞉ amba꞉ hande la꞉ wia꞉ tupa꞉ kone tiao pa꞉la꞉me. Ipika꞉ hande toko hoimiki lapa꞉ da panda꞉ doma꞉ a꞉pa handa꞉pe.

Maka 16:6

Mo hande wekihalima꞉ iki pa꞉ta꞉ alota꞉ Na penkili pea꞉pa꞉peke. Ikana꞉ma꞉ Na꞉sa꞉tete hali Yesu mo a꞉ka꞉tei wapepiki tina꞉ tamendiaemeke hali weitelememe. Ipikita꞉ do pa꞉ta꞉ na ula꞉me. Amba꞉ tia꞉me. Ipika꞉ toko wimiki alena꞉ koto handa꞉pe leekeme.

Maka 8:31

Yesuma꞉ panake pi ma꞉nda꞉ ipika꞉ disaipolo haliweki pa꞉ta꞉ walolo hata꞉ alota꞉ Wanda꞉halina꞉ Eiyeketa꞉ tanda tanda tieke wotu milieke leekeme. Mo tondiki haliwekima꞉ make yeni peao haleme you haliwekima꞉ make wape pea wala꞉tiki pu haleme haliwekima꞉ make ipiki kiao limika꞉na꞉ta꞉ homilieke leekeme. Kutu pimika꞉na꞉ta꞉ hoto tepo wia paa tiaalieke leekeme.

Luku 24:34

hande Tekehalita꞉ ota꞉ da꞉ta hata꞉ Saimono pa꞉ta꞉ ipiki peneme yaala꞉me laa hotiolo pitimiki ale pa꞉ta꞉ opolo pepekeme.

Luku 24:5

Koto ekina꞉ ota꞉ paala꞉ tiekema꞉ homolo hata꞉ mo wanda꞉ sunuta꞉ kenke nane you mina꞉niao haena꞉ mo hali yaapoma꞉ alota꞉ Ekipeke mo amba꞉ da꞉ta hala꞉ halita꞉ mo hali toko u hala꞉ alena꞉ weitelemepe.

Luku 9:22

Yesuma꞉ paa pi ma꞉nda꞉ alo alota꞉ Wanda꞉halina꞉ Eiyeketa꞉ tanda tieke ota꞉ wotu meaata꞉ mo Diu tondiki haliwekima꞉ make yeni peao haleme you haliwekima꞉ make wape pea ula꞉ Lo Pimanu wala꞉tiki pu haleme haliwekima꞉ make ipiki kialimikie. Ipikita꞉ homena꞉ lulu pelemepate hoto tepo wiaata꞉ paa tialieke leekeme.

Luku 9:44

Ikana꞉ma꞉ I̱ma꞉ la kulu polo pi opua hone na yonka꞉lapa꞉peke. Wanda꞉halina꞉ Eiyeketa꞉ mo mandane haliwekina꞉ kiki pa꞉ta꞉ hala꞉ monealieke leekeme.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

2 Desalonaika 2:5

Na niminaasemepe. Do alo pi paeyaota꞉ I̱ iki ame̱le̱ hande mandake hama꞉ pita꞉ma꞉ la kua꞉me.