Luku 24:5 - Panake Pi La: Ula: Buka pita: Kine Pieke Buka

⁵ Koto ekina꞉ ota꞉ paala꞉ tiekema꞉ homolo hata꞉ mo wanda꞉ sunuta꞉ kenke nane you mina꞉niao haena꞉ mo hali yaapoma꞉ alota꞉ Ekipeke mo amba꞉ da꞉ta hala꞉ halita꞉ mo hali toko u hala꞉ alena꞉ weitelemepe.

Luku 24:5 Iomraidhean Croise

Luku 1:29

Metima꞉ koto pi opiekepate Eki hau pulu polo ekina꞉ ala꞉pe laa ipika꞉ honema꞉ mo pi teke wotu weiyekeme.

Luku 24:4

Mo wanda꞉ sunuta꞉ koto pa꞉ta꞉ hata꞉ hone ti yokolo haena꞉ koto kone hake pupapeke leke yala꞉ yala꞉ piki aka꞉ yama꞉ mea hali yaapo a꞉pa haepekeme.

Luku 24:6

Ipikita꞉ do pa꞉ta꞉ na ula꞉me. Ipikita꞉ amba꞉ tiao pa꞉la꞉me. Mo hande ipiki Ka꞉lili hata꞉ lea꞉eki manuta꞉ niminaasemepe.

Aposolo 2:24

Kutu pimipate Koda꞉ma꞉ mo hande toopi ka꞉ka꞉na꞉ pa꞉ta꞉ Yesu paa mea tiaeyekeme. Mo hande lapa꞉ pimiki toopima꞉ta꞉ Yesu miniki pita꞉peke ana꞉ na pitolo hata꞉ mo hande homaasa꞉ ekima꞉ Yesu tonkaeyeke ekita꞉ Koda꞉ma꞉ ka꞉la꞉pa꞉ tapawaeyekeme.

Hibulu 7:8

Hande Lipaena꞉ tapaketa꞉ homa꞉peke yeke haliweki hata꞉ kone mo hande wanda꞉halina꞉ kiki yaapo wikieki manuna꞉ homeke hondo mia꞉tiki pimikipate pa mo Baiboloma꞉ na homeke pa hao hala꞉ halie la꞉la꞉ Melekisedekema꞉ta꞉ mo hande kiki yaapo alena꞉ homeke homeke lo hondo taiti miekeme.

Peneme Yaeyekeeki 1:18

I̱ta꞉ deto hala꞉ halie. I̱ta꞉ homoa꞉pate ameta꞉ tiao hoto paeyao pa hatia pu hala꞉ hali halome. I̱ma꞉ta꞉ homa꞉la꞉ ekina꞉ make mo homo hala꞉ kenkena꞉ pota꞉ ki handeteke halo halie.

Peneme Yaeyekeeki 2:8

Mo Semena siosina꞉ enisolo pa꞉ta꞉ dupa lae. Do pita꞉ mo hande titina꞉ make wetepena꞉ make hala꞉ halima꞉ ala꞉me. I̱ta꞉ homaaka꞉na꞉ paa da꞉taa halo somee ala꞉me.