Luku 23:9 - Panake Pi La: Ula: Buka pita: Kine Pieke Buka

⁹ Koto ekina꞉ Hetodima꞉ Yesu pa꞉ta꞉ anemone lota꞉ pita꞉la꞉ ekimanu wotu lota꞉ piekepate Yesuma꞉ hombo peaasa꞉eki ma꞉nda꞉ ota꞉ na piekeme.

Luku 23:9 Iomraidhean Croise

Ma꞉tiu 27:12

pa mo mandane yeni peao haemeke haliweki pita꞉ tondiki haliweki wopuna꞉ lota꞉ pita꞉la꞉ pimanu pa꞉ta꞉ta꞉ ipikana꞉ma꞉ pi siki homeke ma꞉nda꞉ ota꞉ na hombo peayekeme.

Ma꞉tiu 27:14

Pate Yesuma꞉ pi ma꞉nda꞉ ota꞉ na leekeme. Koto ekina꞉ Pailedima꞉ penkili piekeme.

Ma꞉tiu 7:6

Ika꞉ Koda꞉ pa꞉ta꞉ haluekema꞉ wia꞉ haleme alemanu kika pa꞉ta꞉ na hala꞉pa꞉peke. Pa ekipeke ikana꞉ma꞉ paa la꞉ka꞉la iki lu naama꞉na꞉ loa꞉me. Kutupa ika꞉ yenki tiekema꞉ hambeeke munduku teke manuta꞉ mo ma꞉na꞉na꞉ leke pa꞉ta꞉ na lopa moneaapa꞉peke. Kutu pimika꞉na꞉ta꞉ kota꞉ koto munduku manuta꞉ mo ma꞉na꞉manu ika꞉ ankema꞉ pa tombua tombua piliekee.

Maka 15:5

Koto leekepate Yesuma꞉ pi ma꞉nda꞉ na leekeme. Koto ekina꞉ Pailedima꞉ penkili piekeme.

Luku 13:32

Yesuma꞉ ika꞉ pi hombo peaaso alota꞉ Iki puata꞉ koto hande tikene kika pa꞉ta꞉ dupa lapa꞉peke. I̱ma꞉ta꞉ ameta꞉ mo hoke temokomanu tolu lia make yenimanu epeaasoma꞉ laata꞉ belia make kutupata꞉ tuneketa꞉ ya e paeyaalueke laa lapa꞉peke.

Luku 23:10

Kutupa mo yeni peao haemeke you haliweki make mo Lo Pi walo haemeke haliweki paeyao teke pa꞉ta꞉ leke a꞉pa honkopu tieke haaso hata꞉ Yesu pa꞉ta꞉ ma̱leke limikime.

Dioni 19:9

mo da tieke pa꞉ta꞉ paa honda꞉ pamba pua Yesu pa꞉ta꞉ alota꞉ Neketa꞉ hanema꞉ a꞉pa pipe leekepate pa ipika꞉ pi Yesuma꞉ na yoka꞉ mea haleekeme.

Aposolo 8:32

Mo hande halima꞉ mo Baibolo bukana꞉ yata꞉polo pitieke ekita꞉ doeki yeekeme. Ipikita꞉ sipisipi pita꞉la꞉ tupa꞉ kia kia pi na leekeme. Kutupa mo sipisipima꞉ mo itiki tunkulu hala꞉ halina꞉ leke popeleke nane a꞉pa haena꞉ kake a꞉mbaaso hata꞉ pi na la꞉lie tupa꞉ kota꞉ ipikana꞉ma꞉ ipika꞉ kake na a̱a̱ leekeme.

1 Pida 2:23

Kutupa haliwekima꞉ ipiki pa꞉ta꞉ hoke pi alo ipika꞉ loke manda꞉ meaemeketa꞉ ipikana꞉ma꞉ hoke pi la hombo na peayekeme. Kutupa ipikana꞉ma꞉ ika꞉ ka꞉nda꞉ mieke dina꞉ta꞉ dupiki hoke yenki milimikie la hombo na peayekepate Koda꞉ta꞉ tikitiki yao hala꞉ pi yoka꞉ alu pita꞉la꞉ hali pa꞉ta꞉ hone ti lao hayekeme.