Luku 23:8 - Panake Pi La: Ula: Buka pita: Kine Pieke Buka

⁸ Hetodima꞉ta꞉ Yesu hando haota꞉ ta꞉na꞉ tiekema꞉ homeekeme. Pa ekipeke. Hetodima꞉ta꞉ mo Yesuma꞉ pieke ekimanu opu haota꞉ Yesu handulueke laa nate hokuluna꞉ yu wia hatia peekeme. Ipikana꞉ma꞉ta꞉ Yesuma꞉ na handeke hau ma꞉nda꞉ pina꞉e hone wia hayekeme.

Luku 23:8 Iomraidhean Croise

Ma꞉tiu 14:1

Mo hande Ka꞉lili kenke handeteke hayeke hali Hetodima꞉ta꞉ Yesuma꞉ pieke ekina꞉ pi laemeke ekimanu opuaata꞉

Maka 6:14

Wanda꞉halima꞉ Yesuna꞉ biki kende tupa꞉ wina꞉ lemeke handaa Kini Hetodima꞉ Yesuma꞉ tapaeyeke haliwekima꞉ pieke ekimanu opiekeme. Mandane wanda꞉halima꞉ alota꞉ Bapitaisi peao hayeke hali Dionita꞉ homa kone paa tiao pia꞉ka꞉ta꞉me laa koto pa꞉la꞉ ekima꞉ do wele pita꞉la꞉ ekimanu pitolo pia꞉ka꞉ta꞉me lemekeme.

Maka 8:34

Yesuma꞉ pota꞉na꞉ titi yola pemeke wanda꞉hali make ipika꞉ disaipolo haliweki make ipiki pa꞉ta꞉ epena꞉yeke wi lemipi peaata꞉ iki pa꞉ta꞉ alota꞉ Ya hoki nane toluekema꞉ hone pa꞉la꞉ halima꞉ ipiki pa꞉ta꞉ kone hone ula꞉ ekimanu tunkulaata꞉ ipika꞉ a꞉ka꞉tei wapepiki ti mea tia ya hoki nane telina꞉e leekeme.

Luku 4:23

Koto lemeke handaa Yesuma꞉ mo wanda꞉hali pa꞉ta꞉ alota꞉ Ota꞉ loa꞉me laa Ikana꞉ma꞉ I̱ pa꞉ta꞉ make mo wanda꞉halima꞉ amba꞉ loma꞉ loma꞉ pa꞉la꞉me pi siki ma꞉nda꞉ dupa lelimikie. Dokeda halio. Naka꞉ yenita꞉ naka꞉ kone mea epeapeke lelimikie. Kutupa pi ma꞉nda꞉ make I̱ pa꞉ta꞉ dupa lelimikie. Hau ma꞉nda꞉ ma꞉nda꞉ mo Kapeneami teke da nane hata꞉ pi hande hau manuta꞉ nikana꞉ma꞉ amba꞉ opuma꞉me. Kota꞉ do naka꞉ ota꞉ teke da pa꞉ta꞉ make kutupiki homeke haumanu kone pie laa lelimikie laata꞉

Aposolo 8:19

I̱ma꞉ make yaka kiki hali ma꞉nda꞉na꞉ youna꞉ ua꞉ka꞉na꞉ Holi Sipitidi mina꞉ loa꞉me do wele pita꞉la꞉eki ma꞉nda꞉ kipe leekeme.