Luku 23:11 - Panake Pi La: Ula: Buka pita: Kine Pieke Buka

¹¹ Kutupa Hetodi make ipika꞉ a꞉ndeli minimiki haliweki ame̱le̱ Yesu eto eto lao pa ale au laemekeme. Kutupa ota꞉ epeke au leke dau hokulu mea yamao paa Pailedi pa꞉ta꞉ tapaa moneayekeme.

Luku 23:11 Iomraidhean Croise

Ma꞉tiu 14:1

Mo hande Ka꞉lili kenke handeteke hayeke hali Hetodima꞉ta꞉ Yesuma꞉ pieke ekina꞉ pi laemeke ekimanu opuaata꞉

Ma꞉tiu 14:3

Do pi leeke ekina꞉ teketa꞉ hosiki amba꞉ leke Hetodima꞉ Dioni da꞉ka꞉pa꞉ minina꞉ laata꞉ senipuma꞉ tonkao dipula mea pitaena꞉ leekeme. Koto ka꞉nda꞉ epeeke ekina꞉ teketa꞉ mo hande Hetodima꞉ ipika꞉ hameke Pilipina꞉ weteke Hetodiasi mieke ekima꞉ piekeme.

Ma꞉tiu 14:6

Hetodina꞉ mendieke natena꞉ ne tieke pambeekeme. Kutu pieke dina꞉ta꞉ mo hande Hetodiasina꞉ wanekema꞉ mo wanda꞉halina꞉ leke popelekena꞉ ma꞉nda꞉ liekeme. Kutu pieke handaa Hetodima꞉ ta꞉na꞉ wotu pieke handaa

Maka 9:12

Kutupa Yesuma꞉ iki pa꞉ta꞉ alota꞉ Titina꞉ amba꞉la Elaidia ota꞉ ipilieke. Ala꞉ta꞉ ala꞉ta꞉ tikitiki yao wina꞉yeke ipilieke laata꞉ Mo hande Wanda꞉halina꞉ Eiyeke pa꞉ta꞉ tanda tieke mu yaala꞉ma꞉ homao kiaalo peleme ekita꞉ eki eki pa la꞉la꞉pe leekeme.

Luku 23:10

Kutupa mo yeni peao haemeke you haliweki make mo Lo Pi walo haemeke haliweki paeyao teke pa꞉ta꞉ leke a꞉pa honkopu tieke haaso hata꞉ Yesu pa꞉ta꞉ ma̱leke limikime.

Dioni 19:5

Koto ekina꞉ Yesuta꞉ mo tekeke hake pu manuma꞉ wepieke you aka꞉ pambao mo wepiki dau dopua hama꞉ nane peekeme. Pailedima꞉ iki pa꞉ta꞉ alota꞉ Hande hali doma꞉ handa꞉pe leekeme.

Dia꞉mesi 2:2

Hamoko hali ma꞉nda꞉ma꞉ ipika꞉ kikina꞉ kolo lini pitao dau epekeeki pambaaso hata꞉ ika꞉ pi hotieleme pa꞉ta꞉ epea꞉ka꞉na꞉ta꞉ kutupa hoke dau pambao natehali hali make epea꞉ka꞉na꞉ta꞉

Dia꞉mesi 2:3

ikana꞉ma꞉ mo epeke dau pambaala꞉ hali pa꞉ta꞉ ta꞉na꞉ma꞉ homolo hata꞉ Neke do sea seliapona꞉ a꞉pa pitie laata꞉ Kutupa mo hande natehali hali pa꞉ta꞉ta꞉ Neketa꞉ pa tiao hae o I̱ pilu sea anke teke pa꞉ta꞉ pukuna꞉ pitie laa lemeka꞉na꞉ta꞉