Luku 2:9 - Panake Pi La: Ula: Buka pita: Kine Pieke Buka

⁹ Tekehalina꞉ enisolo homeke iki pa꞉ta꞉ opolo epeekeme. Kutupa mo Tekehali ipika꞉ pa̱a̱ pa꞉la꞉ ekima꞉ iki dupaeyekeme. Koto ekina꞉ mo haliwekima꞉ paala꞉ma꞉ wopu homemekepate

Luku 2:9 Iomraidhean Croise

Ma꞉tiu 1:20

Diosepema꞉ koto piki honemanu witolo haena꞉ta꞉ timba ma꞉nda꞉na꞉ ipika꞉ upa pa꞉ta꞉ yama꞉ Koda꞉na꞉ enisolo homeke opolo a꞉pa alota꞉ Deipidina꞉ weki Diosepeo. Meti naka꞉ wanda꞉ haena꞉ muluekema꞉ta꞉ paala꞉ma꞉ na homa꞉peke. Pa ekipeke mo weki pita꞉la꞉ ekita꞉ mo Holi Sipitidima꞉ kone peawala꞉me.

Luku 1:28

Mo hande enisoloma꞉ ipiki pa꞉ta꞉ pua alota꞉ Keiyae. Neketa꞉ Tekehalima꞉ ota꞉ amba꞉ epeaala꞉ wandikie. Neke yaapo hala꞉me leekeme.

Luku 2:8

Kutupa mandane sipisipi handeteke haemeke haliwekima꞉ta꞉ koto data꞉ pa ambu hapeke nane ika꞉ sipisipi ma꞉na꞉ titi timba handeteke haemekepate

Luku 24:4

Mo wanda꞉ sunuta꞉ koto pa꞉ta꞉ hata꞉ hone ti yokolo haena꞉ koto kone hake pupapeke leke yala꞉ yala꞉ piki aka꞉ yama꞉ mea hali yaapo a꞉pa haepekeme.

Dioni 12:41

Koto leeke pita꞉ Aisayama꞉ta꞉ Yesuma꞉ ipika꞉ pa̱a̱ tieke mea hayekeeki handeeke ekina꞉ Yesu pa꞉ta꞉ mulu pa꞉la꞉eki hone witolo hata꞉ leekeme.

Aposolo 12:7

Kuta kone Tekehalina꞉ enisolo homeke epeeketa꞉ mo da panda꞉ pa꞉ta꞉ pa̱a̱ tieke piekeme. Kutupa ipikana꞉ma꞉ Pida a꞉pa lu tiaaso alota꞉ A̱i̱ tiae leekeme. Kutupa hande seni pumanu ipika꞉ kiki pa꞉ta꞉ kone tunkulupa lopa꞉ lopa꞉ piekeme.

Aposolo 27:23

Ame do timba kone ya panda꞉puniao hata꞉ ta꞉ma꞉ni pea halo Koda꞉na꞉ enisolo homeke I̱ teke pa꞉ta꞉ a꞉pa hata꞉ alota꞉

Aposolo 5:19

Kutu pimikipate koto timbata꞉ Tekehali ipika꞉ enisolo ma꞉nda꞉ma꞉ mo dipula da pota꞉ lomba꞉ mea hande aposolo haliweki hama꞉ nane hatuku pua iki pa꞉ta꞉ alota꞉

2 Kotindi 3:18

Kota꞉ niki paeyaota꞉ mo Tekehalina꞉ pa̱a̱ta꞉ na a꞉mbake nika꞉ leke popelekema꞉ta꞉ ipika꞉ pa̱a̱na꞉ su̱a̱ su̱a̱ waloma꞉me. Kutupa koto homeke pa̱a̱ma꞉ kone Tekehali hande Sipitidi pa꞉ta꞉ yama꞉ ipula꞉ ekima꞉ta꞉ nikita꞉ mo hoto paeyao pa daeya꞉tiki pu hala꞉ pa̱a̱ tieke pa꞉ta꞉ ipikima꞉ handomono topo peao hala꞉me.

2 Kotindi 4:6

Mo amba꞉ hande Koda꞉ma꞉ alota꞉ Mo timba꞉ la꞉ pamba꞉la꞉ pa꞉ta꞉ta꞉ mo pa̱a̱ pa꞉la꞉ ekima꞉ pa̱a̱ pina꞉e leeke homeke Koda꞉ma꞉ kone mo pa̱a̱ta꞉ nika꞉ pukina꞉ pa̱a̱ peaya꞉me. Kota꞉ pa꞉la꞉ ekita꞉ Koda꞉ma꞉ ipika꞉ pa̱a̱ta꞉ Ketisona꞉ leke popelekena꞉ nikana꞉ma꞉ hone wiomonoyeke pa̱a̱ peaala꞉me.

1 Timodi 3:16

Mo nika꞉ Ketiso hauna꞉ teketa꞉ ota꞉ hau tieke dia꞉me pita꞉ ma꞉nda꞉ma꞉ lapeke na ya꞉la꞉me. Do ekina꞉ alome. Ipikita꞉ ota꞉ halina꞉ loke kone mea opolo epeekeme. Mo hande Sipitidima꞉ ipika꞉ yako pa꞉la꞉ ekita꞉ ota꞉ ekie laa peneme waleekeme. Kutupa ipikita꞉ enisoloma꞉ make handeekeme. Ipika꞉ bikita꞉ mo tutu ma꞉nda꞉ ma꞉nda꞉ paeyao pa꞉ta꞉manu make walemekeme. Kutu pieketa꞉ mo kenke paeyao pa꞉ta꞉ haemeke wanda꞉halima꞉ ipiki pa꞉ta꞉ hone tulaemekeme. Kutaa ipikita꞉ Koda꞉ma꞉ oli ya nane hatuku mea peekeme.

Hibulu 12:21

Mo potena꞉ ta꞉ta꞉ piki paala꞉ tieke piki haumanu piekeeki Mosesima꞉ handolo hata꞉ alota꞉ I̱ paala꞉ pitolo hata꞉ pututu tieke pa꞉la꞉me leekeme.

Peneme Yaeyekeeki 18:1

Doeki hoki naneta꞉ enisolo ma꞉nda꞉ oli hepeni nane hao hola꞉pa꞉nialo epea꞉eki handoa꞉me. Ipikita꞉ wele tieke pa꞉ta꞉ ipulu ipika꞉ yameeke leke yale yale piki pa̱a̱ma꞉ta꞉ do kenke paeyao pa̱a̱ peaya꞉me.

Peneme Yaeyekeeki 20:11

Kutupa mo hakepiki kini sea tieke pita꞉ mo seana꞉ pila꞉ hali yaapo handoa꞉me. Kutupa mo kenke ya yaapota꞉ ipika꞉ leke popelekena꞉ na haena꞉ loluekema꞉ pa pindipa pualu pitolo hata꞉ alupaepeme.