Luku 17:2 - Panake Pi La: Ula: Buka pita: Kine Pieke Buka

² Kutu pita꞉la꞉ someta꞉ ipika꞉ make pa꞉ta꞉ toopi tieke aneke mea endiao oni dawala ikali pa꞉ta꞉ lopaaso yoluta꞉ epolo pia꞉me. Ekipeke. Ipiki pa hata꞉ta꞉ do hosiki wekiwandiki sunu ma꞉nda꞉ hondo hoke hau pina꞉ pu tialieke.

Luku 17:2 Iomraidhean Croise

Ma꞉tiu 17:27

Pateta꞉ do wanda꞉halima꞉ niki pa꞉ta꞉ hoke hone wiaama꞉na꞉ mo ikali leke pa꞉ta꞉ pua naka꞉ kimai lopaapeke. Kutaata꞉ ota꞉ titina꞉ endilipi ta꞉pelita꞉ yola꞉ mea ipika꞉ kake ankoto peaata꞉ koto kake pa꞉ta꞉ta꞉ silipa mani homeke handa꞉ wilimikie. Koto manima꞉ta꞉ mo ya tembolo dakisi make naka꞉eki make ana꞉ pilieke. Kotoeki mea pua dika꞉ dakisi hala꞉peke leekeme.

Ma꞉tiu 18:10

Ikana꞉ma꞉ dupiki wekiwandiki sunu pa꞉ta꞉ pa alema꞉ handali mina꞉ma꞉ wopu handeteke hapa꞉peke alome. Pa ekipeke. Mo wekiwandiki ika꞉ hepeni hala꞉ enisolo tonuma꞉ mo ya hepeni hala꞉ Apa꞉na꞉ leke popelekena꞉ teke pa꞉ta꞉ hata꞉ handeteke hao halememe alome.

Ma꞉tiu 18:14

Pa do mandake tupa꞉ kone mo naka꞉ hepeni hala꞉ Apa꞉ma꞉ make do wekiwandiki sunu homeke ma꞉nda꞉ alu pina꞉ hone na pa꞉la꞉me alome leekeme.

Ma꞉tiu 26:24

Koto pa꞉la꞉pate mo Wanda꞉halina꞉ Eiyeke pa꞉ta꞉ Baibolona꞉ wape pa꞉la꞉ tupa꞉ homilia꞉pate pa Wanda꞉halina꞉ Eiyeke mina꞉yeke a꞉nda꞉ lomba꞉la꞉ halita꞉ ota꞉ a꞉ta꞉ tiekee. Koto halita꞉ na mendia꞉ka꞉na꞉ yoluta꞉ epolo pia꞉me leekeme.

Maka 9:42

Hali epima꞉ do I̱ pa꞉ta꞉ hone tulaaseme weki wandiki sunu homeke ma꞉nda꞉ma꞉ hoke hau pina꞉ pu tiaena꞉ lea꞉ka꞉na꞉ta꞉ kota꞉ koto halina꞉ make pa꞉ta꞉ toopi hombeleke mea tonkao oni dawala pa꞉ta꞉ mo hali mea lopaeya꞉ka꞉na꞉ yoluta꞉ epolo pia꞉me leekeme.

Dioni 21:15

Ne no paeyeketa꞉ Yesuma꞉ Saimono Pida pa꞉ta꞉ alota꞉ Dionina꞉ eiyeke Saimonoo. I̱ pa꞉ta꞉ pukima꞉ homolo hata꞉ do haliweki ankulalipikipe leekeme. Pidama꞉ ipika꞉ pi hombo peaaso alota꞉ Aowe Tekehalio. I̱ma꞉ neke hone pa꞉la꞉ ekita꞉ handeleme leekeme. Yesuma꞉ ipiki pa꞉ta꞉ alota꞉ Kota꞉ ya sipisipi ma꞉na꞉ ikikisunu nakana꞉ma꞉ punao hapeke leekeme.

1 Kotindi 9:15

Koto la꞉la꞉pate I̱ma꞉ta꞉ koto tupa꞉ aleta꞉ ma꞉nda꞉ na molome. Kutupa ame make aleta꞉ ma꞉nda꞉ muluekema꞉ iki pa꞉ta꞉ do wape ota꞉ na tapaasome. Kie laapa꞉na꞉ I̱ amba꞉la homa꞉peke aleo. I̱ma꞉ iki ame̱le̱ ota꞉ pa hameke e pokolo ekina꞉ pi laaso ekita꞉ hali homeke a꞉nda꞉ma꞉ Paeki ala꞉me laa pi laapa꞉na꞉yeke loa꞉me.

1 Kotindi 9:22

Mandane detepiki hone tulaaseme wanda꞉hali ame̱le̱ hata꞉ I̱ma꞉ta꞉ iki muluekema꞉ pa detepiki hali leke halome. Koto ekina꞉ wanda꞉hali paeyao pa꞉ta꞉ hau paeyaoma꞉ iki muluekema꞉ iki haleme tupa꞉ kone I̱ make hatiki pu halome.