Luku 16:9 - Panake Pi La: Ula: Buka pita: Kine Pieke Buka

⁹ Kutupa Yesuma꞉ la꞉tia pulu hata꞉ alota꞉ I̱ma꞉ iki pa꞉ta꞉ alome. Do kenkena꞉ hamoko ale manuma꞉ta꞉ mandane wanda꞉hali naka꞉ yankeke halena꞉ lena꞉ lapeke. Kutu pika꞉na꞉ta꞉ mo hande hamoko alemanu paelia꞉ dina꞉ta꞉ neketa꞉ pa hao hala꞉ da nane handa꞉ milieke.

Luku 16:9 Iomraidhean Croise

Ma꞉tiu 19:21

Yesuma꞉ ipiki pa꞉ta꞉ alota꞉ Naka꞉ honema꞉ I̱ta꞉ ota꞉ epeke haupiki some halueke hone wika꞉na꞉ta꞉ kota꞉ mo naka꞉ wia hale ala꞉ta꞉ ala꞉ta꞉ paeyao mandane wanda꞉halima꞉ hambena꞉ laata꞉ mo milipi manita꞉ mandane natehali wanda꞉hali pa꞉ta꞉ halehale pea꞉peke. Kutu pika꞉na꞉ta꞉ kota꞉ nakana꞉ma꞉ mo hepeni tukiki pa꞉ta꞉ta꞉ ale epeke epeke wopu mu halipikie. Koto ekina꞉ta꞉ ya hoki telia꞉peke leekeme.

Ma꞉tiu 6:19

Mo maka꞉ta꞉ ikiki pu o bisapu inkikima꞉ no o haliwekima꞉ pake no kutu pulu peleme kenke pa꞉ta꞉ ika꞉ alemanu na amu pikita꞉

Ma꞉tiu 6:24

Homeke ma꞉nda꞉ma꞉ mo you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ kota꞉ ma꞉nda꞉ pa꞉ta꞉ pukima꞉ homolota꞉ ma꞉nda꞉ta꞉ honditi pilieke o ma꞉nda꞉ pa꞉ta꞉ta꞉ hone wopu pitolo hata꞉ta꞉ ma꞉nda꞉ta꞉ kiaalieke. Kutaa ikana꞉ma꞉ make mo mani pita꞉ Koda꞉ yaapoma꞉ ika꞉ you hali yaapo haena꞉ laa ipilika꞉ e homeke dina꞉ pokaapa꞉peke na ya꞉la꞉me.

Luku 11:41

Koto ekina꞉ ika꞉ kapo make kawasomanu pa꞉ta꞉ ula꞉ ale manuta꞉ mo nate hali wanda꞉hali pa꞉ta꞉ pa hala꞉pa꞉peke. Kutu piki hau a꞉nda꞉ pimika꞉na꞉ta꞉ kota꞉ ika꞉eki paeyao ota꞉ hake wotu pilieke leekeme.

Luku 12:33

Ika꞉ ala꞉ta꞉ ala꞉ta꞉ta꞉ tapao mani meaata꞉ mo natehali wanda꞉hali pa꞉ta꞉ hala꞉pa꞉peke. Kutupa na kukutu pulu pa꞉la꞉ mani pausa meaata꞉ ika꞉ hamoko ale manuta꞉ oli ya nane na paeya꞉niake pa wia halo pelemeeki homeke amu pu hapa꞉peke. Ekipeke koto naneta꞉ mo pake no haleme haliwekima꞉ make bisapu inkikima꞉ make na hoeyaalimikie.

Luku 14:14

Kutu pika꞉na꞉ta꞉ Koda꞉ma꞉ kone neke yenki kilieke. Ekipeke. Kutupiki wanda꞉halima꞉ta꞉ naka꞉ yenki kia꞉peke na ya꞉la꞉ ekina꞉ Koda꞉ma꞉ta꞉ mo ipika꞉ pi opua pea꞉tiki pimi wanda꞉hali homa tialimi natena꞉ta꞉ naka꞉ yenki kilieke leekeme.

Luku 16:11

Koto ekina꞉ta꞉ nakana꞉ma꞉ do kenkena꞉ ula꞉ hamoko alemanu a꞉nda꞉ tikitikina꞉ na handeteke haeka꞉na꞉ta꞉ kota꞉ epima꞉ Neketa꞉ mo deto hala꞉ ekina꞉ hamoko alemanu epeke tupa꞉ handeteke hapeke laa hone tulao kilia꞉pe.

Luku 16:13

E pokaasa꞉ halima꞉ta꞉ you hali yaapona꞉ e pokaasa꞉ hali hapeke na ya꞉la꞉me. Puluekema꞉ taapo haya꞉ka꞉na꞉ta꞉ hali ma꞉nda꞉ta꞉ puki halolo hata꞉ta꞉ hali ma꞉nda꞉ta꞉ honditi pilieke o hali ma꞉nda꞉ pa꞉ta꞉ homu wopu pitolo hata꞉ta꞉ hali ma꞉nda꞉ta꞉ kiaalieke. Kutupa make ikana꞉ma꞉ Koda꞉ pita꞉ mani yaapo ika꞉ you hali yaapo haena꞉ laa ipilika꞉ e yaapota꞉ homeke dina꞉ pokaapeke ana꞉ na pelememe leekeme.

Luku 16:4

Koto ekina꞉ta꞉ ameta꞉ I̱ma꞉ pulu polo ekita꞉ hone witolome. Kutu pulu pua꞉ka꞉na꞉ta꞉ kota꞉ yaka e paelia꞉ dina꞉ta꞉ ika꞉ da pa꞉ta꞉manu ipupe lena꞉yeke yaka yankeke tonu halueke leekeme.

Aposolo 10:31

Mo halima꞉ alota꞉ Koniliesio. Naka꞉ yeni pu haleeki make naka꞉ mani halo haleeki make Koda꞉ma꞉ hone wita꞉la꞉me.

Aposolo 10:4

Koniliesima꞉ mo enisolo pa꞉ta꞉ paala꞉ tieke homa handake witolo hata꞉ alota꞉ Tekehalio. Aleke ka꞉ta꞉pe leekeme. Kutupa ipiki pa꞉ta꞉ alota꞉ Naka꞉ yeni pu haleeki make naka꞉ mani halo haleeki make oli hepeni da nane pua Koda꞉ pa꞉ta꞉ naka꞉ pi laasa꞉me leekeme.

2 Kotindi 4:17

Kutupa do hosiki pa ta꞉ka꞉li minoloma꞉ ka꞉nda꞉ manuma꞉ta꞉ koto ka꞉nda꞉ ota꞉ lombeipiki pa u halopa꞉la꞉ seliapo piki pa̱a̱ mea ipilieke.

Diudi 1:21

Kutupa ikana꞉ma꞉ta꞉ mo nika꞉ Tekehali Yesu Ketiso ipika꞉ a꞉ta꞉ma꞉ homolo kita꞉la꞉ deto hala꞉eki muluekema꞉ yu wia꞉ hata꞉ta꞉ Koda꞉na꞉ pukima꞉ homa꞉la꞉eki oto pa꞉ta꞉ hapa꞉peke.