Luku 16:3 - Panake Pi La: Ula: Buka pita: Kine Pieke Buka

³ Koto leeke ekina꞉ mo halima꞉ hone witolota꞉ Yaka tiekema꞉ta꞉ I̱ta꞉ do paeyaaluekema꞉ pita꞉la꞉ma꞉ I̱ta꞉ eki pulua꞉pe laata꞉ I̱ta꞉ mo hombomanu awapeke make honkopu na halome. Kutupa make honke lapeketa꞉ yaala꞉ pa꞉la꞉me.

Luku 16:3 Iomraidhean Croise

Ma꞉tiu 20:8

Nate pambolo pulu haena꞉ta꞉ mo hande e teke halima꞉ mo e haliweki handeteke haena꞉ leeke hali pa꞉ta꞉ alota꞉ Mo haliweki wi laa mombelao ika꞉ yenkimanu hala꞉peke. Yenki halolo hata꞉ mo ota꞉ wetepe siki kini pea e pokeme haliwekina꞉eki amba꞉la kini pea hala꞉tiki puaata꞉ ota꞉ titina꞉ kini pimi haliwekina꞉ ekita꞉ paeyaaso hata꞉ hala꞉peke leekeme.

Maka 10:46

Ikana꞉ma꞉ Dietiko da pa꞉ta꞉ opolo pemekeme. Kutupa Yesuma꞉ ipika꞉ disaipolo haliweki make wanda꞉hali wopu make Dietiko da nane mina꞉pa꞉laaso haena꞉ Timeiya꞉sina꞉ eiyeketa꞉ Batimeiya꞉si leke holupiki hali hata꞉ mani honke loluekema꞉ yeke pota꞉ nepokona꞉ pitiekeme.

Luku 12:17

Kutupa mo halima꞉ ipika꞉ honema꞉ kone alota꞉ Mo hande ne napekemanu poka꞉ mepi pea wia꞉peke alena꞉ ana꞉ na pa꞉la꞉ma꞉ eki puluepe laa hone wiekeme.

Luku 16:2

Koto leeke mo teke halima꞉ mo ipika꞉ e pokao hayeke hali wi la꞉mea alota꞉ Do nakana꞉ma꞉ pitelema꞉ aleme ekita꞉ ota꞉ alemepe laata꞉ Nakana꞉ma꞉ naka꞉ handeteke hawale alemanu paeyao sikita꞉ wapena꞉ mu wia yaka kikina꞉ u neae. Pa ekipeke. Ameta꞉ nakana꞉ma꞉ yaka ala꞉ta꞉ ala꞉ta꞉ handeteke hawapeke na ya꞉leke loa꞉me leekeme.

Luku 16:20

Kutupa mo hamoko halina꞉ pota꞉ kake pa꞉ta꞉ mandane haliwekima꞉ta꞉ mo natehali hayeke hali homeke La꞉satesi mea pua wia꞉tiki pu haemekeme. Mo halita꞉ tete tete pambeekeme.

Luku 16:22

Kutu pea꞉tiki pu hao mo hande natehalita꞉ homeekeme. Kutupa mo hande enisolo manuma꞉ ipikita꞉ Eipoloha꞉ma꞉ yaapo lopulao pitina꞉ mea pemekeme. Kutupa mo hande hamoko hali make homeeketa꞉ ipika꞉ toko mea hoimikime.

Luku 16:4

Koto ekina꞉ta꞉ ameta꞉ I̱ma꞉ pulu polo ekita꞉ hone witolome. Kutu pulu pua꞉ka꞉na꞉ta꞉ kota꞉ yaka e paelia꞉ dina꞉ta꞉ ika꞉ da pa꞉ta꞉manu ipupe lena꞉yeke yaka yankeke tonu halueke leekeme.

Luku 18:4

Koto ekina꞉ mo pi yokaalu peao hayeke halima꞉ titina꞉ amba꞉la mo wanda꞉na꞉ pota꞉ epeaapeketa꞉ kiatiki piekepate pa hosiki hao hao pea ipika꞉ honema꞉ kone alota꞉ Koda꞉ pa꞉ta꞉ make paala꞉ma꞉ na homolopate wanda꞉hali pa꞉ta꞉ make hone na witolopate

Dioni 9:8

Kutupa ipika꞉ da wanda꞉halima꞉ make mo pitu hata꞉ honke lea꞉tiki piekeeki opimiki wanda꞉halima꞉ make alota꞉ Do halita꞉ hande pitu hata꞉ honke lo pita꞉tiki pia꞉ hali dia꞉ya꞉ka꞉ta꞉pe laa lemekeme.

Aposolo 3:2

Kutupa hali homeke mendieke pa꞉ta꞉ kone pota꞉ ota꞉ pomua꞉peke na yeke hali nate paeyao mea tia pua꞉tiki pea mo tembolo da pota꞉ kake bikita꞉ Seliapopiki Pota꞉ Kake koto pa꞉ta꞉ mo tembolo da tukiki pa꞉ta꞉ yopua꞉tiki pimiki wanda꞉hali pa꞉ta꞉ mani ma꞉nda꞉ kipee laa honke la꞉tiki pina꞉ yeke pua tu wia꞉tiki pimikime.

Aposolo 9:6

Tiao oni da nane naka꞉ pulu peleeki loluekema꞉ pue leekeme.

2 Desalonaika 3:11

Nikana꞉ma꞉ doeki aloma꞉ ekina꞉ teketa꞉ taa iki tukiki pa꞉ta꞉ mandakena꞉ haleme wanda꞉halita꞉ soka꞉la꞉ pamba pa pitu hata꞉ mandane wanda꞉halina꞉ pita꞉la꞉eki manuna꞉ wakopu tia pomu dupi dupi la꞉tiki pu haleme ekita꞉ opu haloma꞉me.