Luku 15:6 - Panake Pi La: Ula: Buka pita: Kine Pieke Buka

⁶ peiyokona꞉ tia da pelieke. Kutupa ipika꞉ yankeke titi make ipika꞉ da wanda꞉hali make paeyao ipupe laa wi alota꞉ Hande alupia꞉ ma꞉na꞉ homeketa꞉ handa꞉ ua꞉ma꞉ niki paeyaoma꞉ ta꞉na꞉ma꞉ homomana꞉e laa lelieke.

Luku 15:6 Iomraidhean Croise

Luku 1:58

Kutu pieke handaa ipika꞉ tapake wanda꞉halima꞉ make ipiki ame̱le̱ haemeke wanda꞉halima꞉ make Tekehalima꞉ ipiki ota꞉ epeaeyekeeki handaata꞉ pea꞉ paeyaoma꞉ make Elisa꞉bedima꞉ make ta꞉na꞉ma꞉ homemekeme.

Luku 15:10

Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

Luku 15:24

Pa ekipeke. Do yaka wekita꞉ amba꞉ homea꞉pate kone ameta꞉ paa tiala꞉me. Alu pia꞉pate kone ameta꞉ handa꞉ ula꞉me leekeme. Kutupa koto kone ikana꞉ma꞉ ta꞉na꞉ma꞉ homolo hata꞉ mo ne pamba꞉la꞉eki kini pimikime.

Luku 15:5

Kutupa handa꞉ wiata꞉ ta꞉na꞉ma꞉ homolo hata꞉ hande sipisipi ma꞉na꞉ hopula꞉ mea

Luku 15:7

I̱ma꞉ iki pa꞉ta꞉ ota꞉ pi alome. Koto tupa꞉ kone oli hepeni naneta꞉ pa mandane 99 hone ma꞉nda꞉ na la꞉ka꞉lapeke epeke tupa꞉ haleme wanda꞉hali pa꞉ta꞉ ta꞉na꞉ma꞉ make homelemepate pa mo hoke hali homekema꞉ hone la꞉ka꞉lea꞉ka꞉na꞉ta꞉ kota꞉ oli hepeni naneta꞉ ota꞉ ta꞉na꞉ tiekema꞉ homilimikie laa leekeme.

Dioni 15:14

Kutupa I̱ma꞉ dupa꞉pa꞉ aloeki opua pimika꞉na꞉ta꞉ ikita꞉ yaka yankeke titi halimikie.

Dioni 3:29

mo wanda꞉ teke halina꞉ hameketa꞉ mandakena꞉ hata꞉ kone wanda꞉ teke halima꞉ lelie pi opitolo hata꞉ta꞉ ta꞉na꞉ma꞉ homilieke. Koto ekina꞉ yaka ta꞉na꞉ma꞉ homa꞉la꞉ ekita꞉ tumba ula꞉me laa

Aposolo 11:23

Banabasita꞉ oli da opolo puaata꞉ Koda꞉ma꞉ epeaeyekeeki handaata꞉ ta꞉na꞉ma꞉ wopu homeekeme. Kutupa paeyao pa꞉ta꞉ Tekehalina꞉ pi da̱o̱la hata꞉ wopu miniki hao hapa꞉peke laa pi waleekeme.

Aposolo 15:3

Koto ekina꞉ mo siosi tapakema꞉ tapaemeketa꞉ pua mo Pinisia nane make Sametia nane make pomu lopa mo Diendaili wanda꞉halima꞉ Koda꞉ pa꞉ta꞉ puki la꞉ka꞉laemekeeki walolo hata꞉ koto pima꞉ mo Ketiso wanda꞉hali paeyaota꞉ ta꞉na꞉ma꞉ homaemekeme.

Pilipai 1:4

Kutupa ikina꞉ Koda꞉ pa꞉ta꞉ I̱ma꞉ yeni peaaso pita꞉ma꞉ta꞉ ta꞉na꞉ pita꞉ hata꞉ peatiki pu halome.

Pilipai 2:17

Koda꞉ pa꞉ta꞉ lia halo haemeke tupa꞉ ikana꞉ma꞉ make ika꞉ Koda꞉ pa꞉ta꞉ hone tulaleme ekima꞉ta꞉ koto tupa꞉ kone pu halememe. Koto pu halemeeki mandaata꞉ eki a꞉nda꞉ pitolo ya we holaemeka꞉na꞉ta꞉ kota꞉ ta꞉na꞉ma꞉ homolome. Pina꞉e. Koto ekina꞉ta꞉ I̱ma꞉ iki ame̱le̱ mandakena꞉ ta꞉na꞉ma꞉ homoloma꞉me.

Pilipai 4:1

Ya yankeke tonuo. Ikana꞉ma꞉ I̱ma꞉ hande loa꞉ pimanu paeyao hone witolo hata꞉ ika꞉ mo Tekehali pa꞉ta꞉ haleme ekita꞉ ota꞉ taka꞉lao hao hapa꞉peke. O ya yankeke tonuo. Ikita꞉ ya puki piki wanda꞉halie. I̱ma꞉ iki ame̱le̱ mandakena꞉ haluekema꞉ hone wopu pa꞉la꞉me. Ikana꞉ma꞉ I̱ ta꞉na꞉ma꞉ homa꞉ tiao halememe. I̱ma꞉ make iki pa꞉ta꞉ paleke na hao halome.

1 Desalonaika 2:19

Wetepena꞉ nika꞉ Tekehali Yesu paa la꞉ka꞉la epea꞉ka꞉na꞉ta꞉ kota꞉ ipika꞉ leke popelekena꞉ mombela hata꞉ta꞉ nikana꞉ma꞉ aleke muluma꞉pe. Nika꞉ hone pualo poloma꞉ ekita꞉ alekepe. Eki yenki epeke muluekema꞉ ta꞉na꞉ma꞉ homuluma꞉pe. Koto yenkita꞉ iki homekee. Ikita꞉ nika꞉ ta꞉na꞉ma꞉ homaasa꞉eki make nika꞉ mulu poloma꞉eki make nika꞉ hone pualo poloma꞉eki makee.

1 Pida 2:10

Amba꞉ta꞉ iki Koda꞉na꞉ wanda꞉hali na haemepate ameta꞉ ipika꞉eki halememe. Amba꞉ta꞉ iki Koda꞉na꞉ a꞉ta꞉ma꞉ homa꞉la꞉ hau hone na wimipate ameta꞉ ipika꞉ a꞉ta꞉ma꞉ homa꞉la꞉ hau a꞉pa꞉leke melememe.

1 Pida 2:25

Amba꞉ ikita꞉ alu pimi sipisipi ma꞉na꞉ leke haemepate ameta꞉ mo sipisipi handeteke hala꞉ hali tomuemena꞉ hatuku mea epeleme. Ipikita꞉ mo ika꞉ temoko handeteke hala꞉ halie.