Luku 13:4 - Panake Pi La: Ula: Buka pita: Kine Pieke Buka

⁴ Kutupa make mo hande Sailoa꞉me da pa꞉ta꞉ haliao a꞉emeke da hokulu tieke lombolo hata꞉ lu sesape pieke 18 wanda꞉hali pa꞉ta꞉ta꞉ eki hone witelemepe. Mo hande dama꞉ lieke ekina꞉ta꞉ ika꞉ hoke hauta꞉ mo Diutuseleme haleme wanda꞉hali paeyaona꞉ pimiki hoke hau ota꞉ lombei peake tupa꞉ pimikieki peneme yaasa꞉pe.

Luku 13:4 Iomraidhean Croise

Ma꞉tiu 18:24

Kotoeki kini pu mea pokuluekema꞉ haena꞉ ipika꞉ e pokaeyeke hali homeke hatuku epemekeme. Koto halima꞉ta꞉ mo Kini halina꞉ 10 milioni kina tondiki mea hayekeme.

Ma꞉tiu 6:12

Mandane wanda꞉halima꞉ niki pa꞉ta꞉ hoke hau pimi ekimanu nikana꞉ma꞉ pa paeyaaso hamono nika꞉ hoke hau puma꞉ ekimanu make nakana꞉ma꞉ koto tupa꞉ pa paeyawapeke.

Luku 11:4

Mandane wanda꞉halima꞉ niki pa꞉ta꞉ hoke hau pimieki nikana꞉ma꞉ pa paeyaasoma꞉ ekina꞉ nika꞉ hoke hau puma꞉eki make nakana꞉ma꞉ koto tupa꞉ pa paeyawapeke. Ka꞉nda꞉ piki la handa꞉la꞉eki pa꞉ta꞉ niki na hatuku a꞉pa꞉peke laa lapa꞉peke leekeme.

Luku 13:3

Ota꞉ dia꞉me. I̱ma꞉ iki pa꞉ta꞉ ota꞉ loa꞉me. Iki make ika꞉ piteleme hoke haumanu na kiaemeka꞉na꞉ta꞉ kota꞉ iki make mo hande Ka꞉lili haliweki homemeke tupa꞉ kone homilimikie.

Luku 13:5

Ota꞉ dia꞉me. I̱ma꞉ iki pa꞉ta꞉ ota꞉ loa꞉me. Iki make ika꞉ piteleme hoke haumanu na kiaemeka꞉na꞉ta꞉ kota꞉ koto tapake homemeke tupa꞉ kone homilimikie leekeme.

Dioni 9:11

ika꞉ pi hombo peaaso ipikana꞉ma꞉ alota꞉ Mo hande Yesu biki leleme halima꞉ kenke dakole peao yaka lekena꞉ kitao I̱ pa꞉ta꞉ alota꞉ Mo Sailoa꞉me ikali pa꞉ta꞉ pua naka꞉ leke popeleke tanda꞉pa꞉peke lea꞉me laa koto leeke handaa I̱ pua tandepoa꞉pate ala꞉ta꞉ ala꞉ta꞉ koto kone handoa꞉me leekeme.

Dioni 9:7

ipiki pa꞉ta꞉ alota꞉ Mo hande tunkula꞉ pa ula꞉ Sailoa꞉me ikali pa꞉ta꞉ pua naka꞉ leke popeleke tanda꞉pa꞉peke laa leekeme. Koto ikali bikita꞉ Tapaala꞉me laa lo haemekeme. Koto ekina꞉ mo hali puata꞉ ipika꞉ leke popeleke tanda꞉pa ala꞉ta꞉ handolo hata꞉ la꞉ka꞉la paa epeekeme.

Aposolo 28:4

Mo da haliwekima꞉ hande keto ipika꞉ kikina꞉ hapulia꞉eki handaata꞉ ika꞉ kone ane mone pitolo hata꞉ alota꞉ Do halima꞉ta꞉ ketete pea hali ma꞉nda꞉ litolo pa꞉la꞉me lememe. Dawala pa꞉ta꞉ na homea꞉pate pa ipika꞉ ketetena꞉ homilieke lememe.