Luku 12:8 - Panake Pi La: Ula: Buka pita: Kine Pieke Buka

⁸ Yesuma꞉ alota꞉ I̱ma꞉ iki pa꞉ta꞉ ota꞉ pi alome. Ma꞉nda꞉ epima꞉ wanda꞉halina꞉ leke popelekena꞉ peneme yaaso hata꞉ I̱ta꞉ Ketisona꞉ halie lea꞉ka꞉na꞉ta꞉ kota꞉ mo Wanda꞉halina꞉ Eiyekema꞉ make mo Koda꞉na꞉ enisolo manuna꞉ leke popelekena꞉ make homeke hau kone pilieke.

Luku 12:8 Iomraidhean Croise

Ma꞉tiu 8:20

Yesuma꞉ ipika꞉ pi hombo peaaso alota꞉ Keao hala꞉ kika manuma꞉ kone ika꞉ polu peleme ale ula꞉me. Kutaa ba manuma꞉ make ika꞉ pelia꞉pa꞉peke dakemanu hao hala꞉me. Pate mo Wanda꞉halina꞉ Eiyekema꞉ ipika꞉ you wia pelia꞉peke da panda꞉ ma꞉nda꞉ na ula꞉me.

Luku 15:10

Koto tupa꞉ kone hoke hali homekema꞉ Koda꞉ pa꞉ta꞉ hone ma꞉nda꞉ la꞉ka꞉lea꞉ka꞉na꞉ta꞉ kota꞉ oli Koda꞉na꞉ enisolo manuma꞉ koto ekina꞉ta꞉ ta꞉na꞉ tiekema꞉ homilimikie laa leekeme.

2 Timodi 2:12

Kutupa nikana꞉ma꞉ mo ka꞉nda꞉manu epena꞉ kone aela꞉ bao haoma꞉ka꞉na꞉ta꞉ kota꞉ ipiki ame̱le̱ mandake piki you wanda꞉hali kone halumeke. Nikana꞉ma꞉ ipiki a꞉nda꞉ kiaoma꞉ka꞉na꞉ta꞉ kota꞉ ipikana꞉ma꞉ niki make kiaalieke.

1 Dioni 2:23

Ma꞉nda꞉ epima꞉ a꞉nda꞉ mo Eiyeke hoki walea꞉ka꞉na꞉ta꞉ kota꞉ Ateke make hoki wala꞉la꞉me. Ma꞉nda꞉ epima꞉ Eiyeke a꞉nda꞉ pukima꞉ homea꞉ka꞉na꞉ta꞉ kota꞉ Ateke make pukima꞉ homa꞉la꞉me.

Peneme Yaeyekeeki 2:10

Mo mulu peleme tanda manuna꞉ paala꞉ma꞉ na homa꞉pa꞉peke. Opia꞉pe. Mo Sadanima꞉ta꞉ iki la handolo hata꞉ iki ma꞉nda꞉ hondo dipula mea lopaalieke. Kutupa ika꞉ ka꞉nda꞉ma꞉ homelemeeki manuta꞉ kiki yaapo natena꞉ pua paelieke. Homa꞉la꞉eki epena꞉ kone I̱ pa꞉ta꞉ hone tulaa pelia hapa꞉peke. Kutu pimika꞉na꞉ta꞉ ika꞉ a꞉nda꞉ pea bepolaaseme ekina꞉ ta꞉na꞉ma꞉ homolo peleme yenkita꞉ da꞉ta꞉la꞉eki kulueke.

Peneme Yaeyekeeki 2:13

Ika꞉ haleme pa꞉ta꞉ta꞉ I̱ma꞉ hone ulume. Mo Sadanima꞉ ipika꞉ kilu tombuao hala꞉eki ula꞉ alena꞉e. Ikita꞉ I̱ pa꞉ta꞉ ota꞉ hau pu halememe. Kutupa mo Sadani hala꞉ alena꞉ yaka hande hone tulao hao hata꞉ e pokawao haya꞉ hali A꞉ntipa꞉si lu homaeya꞉ nate nina꞉ kone I̱ pa꞉ta꞉ hone tulao halemeeki hoki na walememe.