Luku 12:5 - Panake Pi La: Ula: Buka pita: Kine Pieke Buka

⁵ Ikana꞉ma꞉ mo hali homeke ma꞉nda꞉ liaata꞉ ipika꞉ temokota꞉ oni ti to hala꞉ ale pa꞉ta꞉ baapeke ya꞉la꞉ wele pa꞉la꞉ Koda꞉ pa꞉ta꞉ paala꞉ma꞉ homa꞉pa꞉peke. Iki pa꞉ta꞉ ota꞉ loa꞉ma꞉ Ipiki pa꞉ta꞉ homeke paala꞉ma꞉ homa꞉pa꞉peke aleo.

Luku 12:5 Iomraidhean Croise

Ma꞉tiu 10:28

Mo ika꞉ loke lia homalo pa꞉lemepate ika꞉ temoko lia homaaluekema꞉ wataapeke na ya꞉la꞉ wanda꞉hali pa꞉ta꞉ paala꞉ma꞉ na homo hapa꞉peke. Pate mo ika꞉ loke pita꞉ temoko yaapo ti to hala꞉ ale pa꞉ta꞉ tapao hoeyaapeke Koda꞉ pa꞉ta꞉ homeke ota꞉ paala꞉ma꞉ homo hapa꞉peke.

Ma꞉tiu 25:41

Kota꞉ mo ipika꞉ hoe nanema꞉ halimi wanda꞉hali iki pa꞉ta꞉ta꞉ dupa lelieke. Ikita꞉ Koda꞉na꞉ hoeyaalo pa꞉la꞉ wanda꞉hali yeleme ekina꞉ I̱ ame̱le̱ na hake mina꞉pa꞉lao pupe laa Ikita꞉ mo Sadani ipika꞉ enisolo tonka꞉na꞉ mina꞉yeke Koda꞉ma꞉ wepia ula꞉ na paelo pa꞉la꞉ ti to hala꞉ ale pa꞉ta꞉ pupe laa lelieke.

Ma꞉tiu 25:46

Koto wanda꞉halita꞉ honiki na paeyo hala꞉ hoke yenki mu hala꞉ pa꞉ta꞉ tapaalieke. Pate mo tikitiki wopu piki wanda꞉hali ikita꞉ honiki na paeyo deto hala꞉ pa꞉ta꞉ pelimikie leekeme.

Ma꞉tiu 5:22

Pa ameta꞉ I̱ma꞉ iki pa꞉ta꞉ alota꞉ Epima꞉ ipika꞉ yankeke pa꞉ta꞉ mineke pankea꞉ka꞉na꞉ta꞉ kota꞉ ipikita꞉ pi yokaaluna꞉ mea haena꞉ lelieke. Kutupa hali ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ I̱ma꞉ dopi taapeke ekie lea꞉ka꞉na꞉ta꞉ kota꞉ koto someta꞉ Ka̱le̱sete tieke pa꞉ta꞉ mea haena꞉ lelieke. Kutaa make ma꞉nda꞉ epima꞉ ipika꞉ yankeke pa꞉ta꞉ alota꞉ Neketa꞉ you hoke hone wopu na wiki someo lea꞉ka꞉na꞉ta꞉ kota꞉ koto someta꞉ ti to hala꞉ pa꞉ta꞉ pua꞉peke ya꞉la꞉eki teke pa꞉ta꞉ hala꞉me.

Maka 13:23

Kutu pilimipate wotu handeteke hapa꞉peke. Epolo pa꞉la꞉ haumanu paeyao amba꞉ titina꞉ iki pa꞉ta꞉ la kua꞉me leekeme.

1 Desalonaika 4:6

Do ekina꞉ta꞉ hali ma꞉nda꞉ma꞉ ipika꞉ Ketiso yankeke tekipuleke lao hoke hau ma꞉nda꞉ na pea꞉pa꞉peke aleo. Koto pita꞉ iki pa꞉ta꞉ kinki wopu pitolo hata꞉ loma꞉ ekita꞉ dupa. Kutupiki hau pu haleme wanda꞉halita꞉ Tekehalima꞉ wape walieke laa loma꞉me.

Hibulu 10:31

Mo deto hala꞉ Koda꞉na꞉ hoke yenki tukiki pa꞉ta꞉ taapolo talo pea꞉ka꞉na꞉ta꞉ ota꞉ paala꞉ piki haue.

2 Pida 2:4

Koda꞉ma꞉ta꞉ mo hoke hau pieke enisolo manuna꞉ yenkita꞉ pa na mina꞉pa꞉lae yekepate ikita꞉ oni ti uleke pa꞉ta꞉ hoto paeyao seni puma꞉ tonkao timba꞉ la꞉papeke pa꞉ta꞉ haena꞉ la꞉la꞉me. Koto pa꞉ta꞉ta꞉ iki pi yokaalu pulu peleme nate yu wia haena꞉ la꞉la꞉me.

Peneme Yaeyekeeki 14:7

Ipikana꞉ma꞉ anekema꞉ alota꞉ Koda꞉ paala꞉ma꞉ homaaso hata꞉ ipika꞉ tieke hala꞉ ekina꞉ biki mina꞉liape. Pa ekipeke ipikana꞉ma꞉ mo hande wanda꞉hali pi yokaalu pulu pa꞉la꞉ nate a꞉pa꞉leke loa꞉me. Do kenke make oli ya make dawala make opa꞉la꞉ ikalimanu make koto ale paeyao wa꞉pa꞉la꞉ Koda꞉ pa꞉ta꞉ panda꞉puniao yeiya꞉ laaso hata꞉ yeni pea꞉pa꞉peke lea꞉me.

Peneme Yaeyekeeki 15:4

Tekehali neketa꞉ epima꞉ paala꞉ma꞉ na homilia꞉pe. Naka꞉ hau tieke laaluekema꞉ta꞉ epima꞉ kiaalia꞉pe. Neke homeke homeke yako peleme. Wanda꞉hali paeyaota꞉ neke pa꞉ta꞉ a꞉pa panda꞉ puniao yeiya꞉ laaso hata꞉ yeni pilimikie. Pa ekipeke naka꞉ yakopiki hau manuta꞉ paeyaoma꞉ amba꞉ handelememe lememe.

Peneme Yaeyekeeki 20:14

Kutupa homa꞉la꞉eki pita꞉ homo hala꞉ kenke yaapota꞉ oni ti uleke pa꞉ta꞉ yola꞉ mea lopaeya꞉me. Do ti uleke kiaketa꞉ yaapo peao homa꞉la꞉ekie.