Luku 10:9 - Panake Pi La: Ula: Buka pita: Kine Pieke Buka

⁹ Koto da yu pa꞉ta꞉ yeni haleme wanda꞉hali wopu mea epeapa꞉peke. Kutupa koto pa꞉ta꞉ haleme wanda꞉hali pa꞉ta꞉ta꞉ Koda꞉na꞉ Kilu Tombuao Hala꞉ ekita꞉ iki teke pa꞉ta꞉ amba꞉ opolo a꞉pa꞉la꞉me lapa꞉peke.

Luku 10:9 Iomraidhean Croise

Ma꞉tiu 3:2

Mo hande hepenina꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu paeyao mina꞉pa꞉lao hoki wala꞉pa꞉peke leekeme.

Ma꞉tiu 4:17

Koto tomona꞉ta꞉ Yesuma꞉ ipika꞉ pi walolota꞉ dupa Koda꞉na꞉ Kilu Tombuao Hala꞉ ekita꞉ teke pa꞉ta꞉ ya꞉la꞉ma꞉ ika꞉ hoke haumanu hoki walaa la꞉ka꞉la꞉pa꞉peke lo hayekeme.

Maka 4:30

Kutupa Yesuma꞉ alota꞉ Koda꞉na꞉ Kilu Tombuao Hala꞉ ekita꞉ alekema꞉ handena꞉ loluma꞉pe o eki onkoluma꞉ loluma꞉pe leekeme.

Maka 6:13

hoke temokomanu wopu tolu liaata꞉ yeni haemeke wanda꞉hali wopuna꞉ youna꞉ honkuma꞉ handeke ale lekeeki holaota꞉ tandelena꞉ peaemekeme.

Luku 10:10

Koto pa꞉la꞉pate da yu ma꞉nda꞉ pa꞉ta꞉ pemeka꞉na꞉ta꞉ mo wanda꞉halima꞉ iki ika꞉ da pa꞉ta꞉ na hatuku pemeka꞉na꞉ta꞉ kota꞉ ikana꞉ma꞉ mo pota꞉ nina꞉ pua hata꞉ alota꞉

Luku 10:11

Ika꞉ daoni tukiki pa꞉ta꞉ ula꞉ dokolota꞉ nika꞉ ankena꞉ ta̱la̱꞉la̱꞉ ekita꞉ iki pa꞉ta꞉ kone koto tandela꞉neasoma꞉pate doeki homeke hone wipee laata꞉ Koda꞉na꞉ Kilu Tombuao Hala꞉ ekita꞉ iki teke siki pa꞉ta꞉ koto epea꞉me hone wotu wia꞉pa꞉peke lapa꞉peke.

Luku 9:2

Kutupa mo haliwekima꞉ Koda꞉na꞉ Kilu Tombuao Hala꞉ ekina꞉ pi walolo hata꞉ yeni haleme wanda꞉hali mea epeawaena꞉ Yesuma꞉ iki tapaeyekeme.

Dioni 3:3

Koto pi leeke handa Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali epima꞉ pa panake weki leke na mendia꞉ka꞉na꞉ta꞉ kota꞉ Koda꞉ ipika꞉ Kilu Tombuao Hala꞉eki na handilieke leekeme.

Dioni 3:5

Yesuma꞉ ipika꞉ pi hombo peaaso alota꞉ I̱ma꞉ neke pa꞉ta꞉ ota꞉ pi alome. Hali homeke a꞉nda꞉ ikalima꞉ make Sipitidima꞉ make ipikita꞉ panake weki leke paa na mendia꞉ka꞉na꞉ta꞉ Koda꞉ ipika꞉ Kilu Tombuao Hala꞉eki pa꞉ta꞉ na honda꞉ pamba pelieke laa

Aposolo 28:28

Kutupa Poloma꞉ lo paeyaaso hata꞉ alota꞉ Hone wia꞉pa꞉peke. Koda꞉ma꞉ ipika꞉ da꞉taasa꞉ pita꞉ mo Diendaili wanda꞉hali pa꞉ta꞉ tapaasa꞉ma꞉ opilimikie laa lea꞉me.

Aposolo 28:31

ma꞉nda꞉ma꞉ sa꞉sa꞉ na pitolo haena꞉ ipikana꞉ma꞉ honkopu haaso hata꞉ Koda꞉na꞉ Kilu Tombuao Hala꞉ ekina꞉ make mo Tekehali Yesu Ketisona꞉eki make pi wala꞉tiki pu hayekeme.