Luku 10:2 - Panake Pi La: Ula: Buka pita: Kine Pieke Buka

² Kutupa ipikana꞉ma꞉ iki pa꞉ta꞉ alota꞉ Ne napeke wotu mo ena꞉ta꞉ pota꞉la꞉pate mo ne momba꞉laapeke wanda꞉halita꞉ aneke hapu dia꞉me. Koto ekina꞉ta꞉ mo e teke halima꞉ ipika꞉ ena꞉ ne mea momba꞉laalo peleme wanda꞉hali ana꞉na꞉ tapaena꞉ ikana꞉ma꞉ yeni pu hapa꞉peke.

Luku 10:2 Iomraidhean Croise

Ma꞉tiu 20:1

Mo hepenina꞉ Kilu Tombuao Hala꞉ ekita꞉ do tupa꞉e. Nate homeke ma꞉nda꞉na꞉ hali homeke ma꞉nda꞉ma꞉ mandane haliweki yenki haluekema꞉ ipikana꞉ma꞉ ipika꞉ waini pu e pokaena꞉yeke da ka꞉la꞉paaso siki weilu peekeme.

Maka 13:34

Do tupa꞉e leekeme. Hali ma꞉nda꞉ma꞉ kimisu pea꞉ka꞉na꞉ta꞉ da mina꞉pa꞉lao ipika꞉ e pokaaseme haliwekima꞉ handeteke haena꞉ laa ika꞉ kaukata walaa tapa tapa pea kutupa pota꞉ kake handeteke hala꞉ halima꞉ wopu handeteke haena꞉ lelieke leekeme.

Maka 16:15

Yesuma꞉ iki pa꞉ta꞉ alota꞉ Kenke paeyao pa꞉ta꞉ puaata꞉ wanda꞉hali paeyao pa꞉ta꞉ do pi seliapo wala꞉pa꞉peke laa

Maka 16:20

Yesuta꞉ oli hepeni nane pua hata꞉ disaipolo wanda꞉halima꞉ kenke paeyaona꞉ do pi seliapo wala꞉tiki pu hayekeme. Kutupa Tekehalima꞉ mandakena꞉ e pokolo hata꞉ wanda꞉halima꞉ ika꞉ pi ota꞉ pie lena꞉yeke wele pieke ekimanu pimikime. Kutu pimikime.]

Luku 9:1

Yesuma꞉ mo 12 disaipolo haliweki pa꞉ta꞉ Ipupa꞉e laa homeke pa꞉ta꞉ mea momba꞉laota꞉ ikana꞉ma꞉ yenimanu mea epeaena꞉ make hoke temokomanu paeyaosiki tolu lina꞉yeke Yesuma꞉ iki pa꞉ta꞉ wele pita꞉la꞉ biki pita꞉ honkopu yaapo hale hale piekeme.

Aposolo 11:19

Hande Sidipeni lia Ketiso wanda꞉hali luekema꞉ pimiki pita꞉ da mina꞉pa꞉lao pemeke wanda꞉halita꞉ mo Pinisia nane make Saipotasi nane make A꞉ndioko nane make pulu hata꞉ Diu wanda꞉hali pa꞉ta꞉ homeke pi wala꞉tiki pimikime.

Aposolo 13:2

Kutupa Tekehali pa꞉ta꞉ ne na neke panda꞉puniaaso haena꞉ mo Holi Sipitidima꞉ alota꞉ Banabasi Solo yaapo yaka walo polo e pokaena꞉yeketa꞉ pa nane haena꞉ lape leekeme.

Aposolo 13:4

Koto ekina꞉ hande hali yaapota꞉ mo Holi Sipitidima꞉ tapaaso haena꞉ oni Selusia nane pepekeme. Koto pa꞉ta꞉ opolo pua Saipotasi nane palai kawaso tiekena꞉ pita pepekeme.

Aposolo 20:28

Holi Sipitidima꞉ ikita꞉ handeteke halo peleme haliweki mea hamina꞉ leeke handa ika꞉ kone handeteke hao mo ma꞉na꞉titi paeyao make handeteke hapa꞉peke lea꞉me. Tekehalima꞉ ipika꞉ Eiyekena꞉ wema꞉ kone mieke tapake wanda꞉halita꞉ ikana꞉ma꞉ handeteke hapa꞉peke lea꞉me.

Aposolo 22:21

Koto loa꞉pate ipikana꞉ma꞉ I̱ pa꞉ta꞉ alota꞉ Pue. I̱ma꞉ta꞉ papate kone pa mo Diendaili wanda꞉hali pa꞉ta꞉ neke tapaalueke lea꞉me leekeme.

Aposolo 8:4

Koto ekina꞉ mo hande pindipa ta꞉ta꞉ ta꞉ta꞉ pea pemeke wanda꞉halima꞉ mo hande Koda꞉na꞉ Pi Seliapo latia tia pomimikime.

1 Kotindi 12:28

Kutupa Koda꞉ma꞉ta꞉ mo siosina꞉ mea haena꞉ la꞉la꞉ wanda꞉hali dupa. Titina꞉ amba꞉lata꞉ aposolo haliwekie. Koto hoki naneta꞉ Koda꞉na꞉ pi la꞉ mea halo haleme tapakee. Koto hoki naneta꞉ mo Koda꞉na꞉ pimanu epeke walo haleme tapake mea haena꞉ la꞉la꞉me. Koto hoki naneta꞉ mo na handeke haumanu puluekema꞉ wele peaaseme haliweki make pa ika꞉ hoki naneta꞉ yeni tandelaaseme haliweki make mo tamba꞉ mineleme haliweki make mandane mandane e pokaena꞉ handeteke haleme haliweki make pi ta꞉ta꞉ ta꞉ta꞉ aleme haliweki make Koda꞉ma꞉ paeyao mea haena꞉ la꞉la꞉me.

1 Kotindi 15:10

Kutu pua꞉pate ame pa I̱ do halo ekita꞉ Koda꞉ma꞉ ipika꞉ pa hameke a꞉ta꞉ma꞉ homa꞉la꞉ ekima꞉ peaala꞉me. Kutupa koto ipikana꞉ma꞉ I̱ pa꞉ta꞉ pa hameke a꞉ta꞉ma꞉ homa꞉la꞉ ekima꞉ta꞉ wele na piki paekie laa pi lapeke na ya꞉la꞉me. Dia꞉me. I̱ma꞉ta꞉ honkopu hao ipika꞉ e pokaaso hata꞉ mo hande aposolo haliweki paeyao kone wetepeaowa꞉me. Kutu pua꞉pate I̱ma꞉ ya kone na pua꞉me. Koda꞉na꞉ pa a꞉ta꞉ma꞉ homa꞉la꞉ ekima꞉ I̱ pa꞉ta꞉ pita꞉ peaeya꞉me.

2 Kotindi 6:1

Koto ekina꞉ nikana꞉ma꞉ Koda꞉ ame̱le̱ e pokaasoma꞉ tapake hata꞉ iki Koda꞉na꞉ a꞉ta꞉ma꞉ homa tamba꞉ mina꞉la꞉eki meleme wanda꞉hali pa꞉ta꞉ta꞉ do meleme hauta꞉ na hoeyaapa꞉peke laa honke aloma꞉me.

Pilipai 2:25

Ya honema꞉ta꞉ nika꞉ Ketiso yankeke Epa꞉pototaitisi iki nane epena꞉ ota꞉ tapaapeke ya꞉la꞉me hone ulume. Ipikita꞉ I̱ yaapo mandakena꞉ Koda꞉na꞉ e pokaaso hata꞉ mo Pi Seliapo hoeyaama꞉na꞉ sa꞉sa꞉ pitolo hata꞉ haopa꞉me. Kutupa ipikita꞉ I̱ tamba꞉ muluekema꞉ ika꞉ pi lawaasa꞉ hali make haya꞉me.

Pilipai 2:30

Ketisona꞉ e pokaaluekema꞉ hone witolo hata꞉ta꞉ ipiki homaapa꞉na꞉ hone na wieke ekima꞉ ipikita꞉ tekepa꞉ta꞉ homeekepate piekeme. Kutupiki hauta꞉ ikana꞉ma꞉ I̱ tamba꞉ mea꞉pa꞉peke na ya꞉la꞉ ekita꞉ ipikana꞉ma꞉ pealuekema꞉ piekeme.

Kolosi 1:29

Doeki pu paeyaaluekema꞉ a꞉ yeketa꞉ do I̱ pa꞉ta꞉ e poka꞉la꞉ Ketisoma꞉ kita꞉la꞉ wele wopu piki honkopuma꞉ta꞉ kima꞉ na homeke a꞉ka꞉li apa꞉la꞉ mea baatia pulu honkopu hao e poko halome.

Kolosi 4:12

Ika꞉ tapake some ma꞉nda꞉ ombu Epa꞉petasi Yesu Ketisona꞉ pa hameke e pokaasa꞉ halima꞉ a꞉taloe la꞉neaasa꞉me. Ipikana꞉ma꞉ta꞉ hoto paeyao ikina꞉ pukima꞉ e̱ alo haena꞉ yeni peaatiki pu hala꞉me. Ikita꞉ Koda꞉na꞉ hone pa꞉la꞉eki ota꞉ epeke tupa꞉ opitolo hata꞉ da̱o̱la hamena꞉ Koda꞉ pa꞉ta꞉ honke lao hala꞉me. Ipikana꞉ma꞉ dupiki hauta꞉ iki hone homeke wia keileke Ketiso wanda꞉hali hamena꞉ yeke peaasa꞉me laa loa꞉me.

1 Desalonaika 2:9

Kametitio. Nikana꞉ma꞉ e tieke poka weleke we puma꞉eki ikana꞉ma꞉ hone ta wili handa꞉e. Nikana꞉ma꞉ iki pa꞉ta꞉ Koda꞉na꞉ Pi Seliapo walaaso hata꞉ta꞉ nikana꞉ma꞉ iki ka꞉nda꞉ma꞉ homaapa꞉na꞉yeke timba make natena꞉ make u̱ na peliki nika꞉ nemanu hambuluekema꞉ e poko haoma꞉me.

1 Desalonaika 5:12

Kametitio. Ika꞉ pota꞉manu tondepeao iki waleleme haliwekita꞉ Tekehalima꞉ mea haena꞉ leekeme. Iki ame̱le̱ hata꞉ pokeleme ekina꞉ ikana꞉ma꞉ iki pa꞉ta꞉ panda꞉pea hamina꞉yeke honke aloma꞉me.

2 Desalonaika 3:1

Kametonuo. Paeyaaso pita꞉ dupa. Tekehalina꞉ pita꞉ hande iki pa꞉ta꞉ peo la꞉pa wia꞉ tupa꞉ mo mandane wanda꞉hali pa꞉ta꞉ make a̱i̱ peo lena꞉e. Kutupa ikana꞉ma꞉ do pita꞉ seliapoe la kende tupa꞉ wina꞉ lena꞉ nika꞉na꞉ yeni peao hapa꞉peke.

1 Timodi 4:10

Koda꞉ta꞉ wanda꞉hali paeyaona꞉ pa꞉ta꞉la꞉la꞉ hali hala꞉me. Koto pa꞉la꞉pate ipikita꞉ ota꞉ mo ipiki pa꞉ta꞉ hone tulaasoma꞉ wanda꞉halina꞉ da꞉taasa꞉ hali hala꞉me. Koto ekina꞉ta꞉ nikana꞉ma꞉ koto da꞉taa hao hala꞉ Koda꞉ pa꞉ta꞉ hone ti laloma꞉ ekina꞉ta꞉ bepolaluekema꞉ honkopu hao e wopu poko haloma꞉me.

2 Timodi 4:5

Kutu pina꞉ kone neke pa꞉ta꞉ ekipiki haumanu epena꞉ kone kota꞉ koto ekima꞉ neke hoeyaama꞉na꞉ naka꞉ hone lu tombua tombua pitolo hata꞉ hapeke. Ka꞉nda꞉manu epena꞉ kone da̱o̱la hata꞉ka꞉na꞉ mo Pi Seliapo wala꞉la꞉ hali hata꞉ e poko hapeke. Kutupa neketa꞉ Koda꞉na꞉ e pokaasa꞉ hali hata꞉ naka꞉ ka꞉la꞉ e poko hapeke.

Pailimono 1:1

Polo I̱ta꞉ Yesu Ketiso hone witolo hata꞉ dipula polo hali I̱ make nika꞉ kame Timodi dikana꞉ma꞉ mo dika꞉ e yankeke some Pailimono neke pa꞉ta꞉ wape pitopa꞉me.

Hibulu 3:6

Mosesita꞉ pa e pokaasa꞉ hali homeke hayekepate Ketisota꞉ Koda꞉na꞉ eiyeke yaalo hata꞉ Koda꞉na꞉ wanda꞉hali ota꞉ epeke tupa꞉ handeteke hala꞉me. Koto handeteke hala꞉ wanda꞉halita꞉ nikie. Nikana꞉ma꞉ a꞉nda꞉ nika꞉ Tekehalima꞉ ota꞉ pealieke hone wita꞉la꞉eki pita꞉ aela꞉ baasa꞉ hau yaapo a꞉nda꞉ ota꞉ wopu miniki haoma꞉ka꞉na꞉ alome.

Peneme Yaeyekeeki 2:1

Mo Epesese siosina꞉ enisolo pa꞉ta꞉ dupa lae. Do pita꞉ mo hande watake hata꞉ hombulanka꞉manu ipika꞉ popeke nane kikina꞉ miniki hata꞉ mo watake hata꞉ koloma꞉ wepiki ola꞉pake keo panka꞉la꞉ ale anka꞉lopuna꞉ pomina꞉la꞉ somema꞉ tapaasa꞉me.