Luku 1:2 - Panake Pi La: Ula: Buka pita: Kine Pieke Buka

² Mo amba꞉ hande pieke ekimanu paeyaota꞉ ota꞉ kini pea handaa walemeke haliwekima꞉ niki pa꞉ta꞉ la kimi tupa꞉ kone ikana꞉ma꞉ make ika꞉ wapemanu pa꞉ta꞉ laemekeme.

Luku 1:2 Iomraidhean Croise

Maka 1:1

Koda꞉na꞉ Eiyeke Yesu Ketiso ipika꞉ pi seliapo doe.

Maka 16:20

Yesuta꞉ oli hepeni nane pua hata꞉ disaipolo wanda꞉halima꞉ kenke paeyaona꞉ do pi seliapo wala꞉tiki pu hayekeme. Kutupa Tekehalima꞉ mandakena꞉ e pokolo hata꞉ wanda꞉halima꞉ ika꞉ pi ota꞉ pie lena꞉yeke wele pieke ekimanu pimikime. Kutu pimikime.]

Maka 4:14

Hande wae alemanu tandeleeke halima꞉ Koda꞉na꞉ pi alemanu tandelo hala꞉me leekeme.

Luku 24:48

Ikita꞉ do hau manuna꞉ wekitisie.

Dioni 15:27

Kutupa iki make amba꞉ kone I̱ ame̱le̱ haleme ekina꞉ yaka pi lawaaseme wekitisi haliweki halimikie.

Dioni 16:4

Kutu pulu pelemepate koto haumanu pulu peleme nate epea꞉ka꞉na꞉ta꞉ hande I̱ma꞉ loa꞉ ekimanu ikana꞉ma꞉ hone uemena꞉yeke do pimanu iki pa꞉ta꞉ la kitolome. I̱ta꞉ panake pa꞉ta꞉ kone iki ame̱le̱ haowa꞉ ekima꞉ta꞉ do pimanu iki pa꞉ta꞉ na la kua꞉pate

Aposolo 1:3

Yesuma꞉ ipiki homa hoki nane mo aposolo haliwekima꞉ ipiki ota꞉ wotu handena꞉yeke peneme yao hali tieke yaapo natena꞉ hata꞉ ipika꞉ kone tiaeyekeeki walaata꞉ Koda꞉na꞉ Kilu Tombuao Hala꞉eki iki pa꞉ta꞉ walo hayekeme.

Aposolo 1:8

Koto pa꞉la꞉pate ikita꞉ wele pita꞉la꞉eki milimikie leekeme. Mo Holi Sipitidi epea꞉ka꞉na꞉ta꞉ ikita꞉ yaka wekitisi haliweki Diutuseleme pa꞉ta꞉ make Sametia pa꞉ta꞉ make Diudia paeyao pa꞉ta꞉ make hama hama pea kenke honiki honiki paeyao pa꞉ta꞉manu make la halimikie leekeme.

Aposolo 14:25

Kutupa Peka da pa꞉ta꞉ pi walaka꞉na꞉ A꞉talia da nane puniaepekeme.

Aposolo 16:6

Kutupa mo Pitikia Ka꞉leisia nane yaapo lombei pupa pemekepate mo Holi Sipitidima꞉ mo Eisia nane pi na walena꞉ leekeme.

Aposolo 17:11

Mo da Diu haliwekima꞉ Desalonaika Diu haliwekima꞉ pimiki hau na piki pa epeke tupa꞉ hata꞉ homu pea mo hande pi opuaata꞉ Ota꞉ekipe la handuluekema꞉ mo Baibolo buka pa꞉ta꞉ yata꞉pa nate paeyao weiya꞉tiki pimikime.

Aposolo 26:16

Kutu pitelepate neke tiao hapeke laata꞉ Nakana꞉ma꞉ ya e pokaalena꞉ I̱ma꞉ ya kone neke pa꞉ta꞉ peneme yaowa꞉me lea꞉me. I̱ma꞉ pua꞉ hau nakana꞉ma꞉ handa la haloelena꞉ make I̱ma꞉ neke pa꞉ta꞉ peneme yaalo polo ekina꞉ la haloelena꞉ make neke halena꞉ alome lea꞉me lea꞉me.

Aposolo 4:20

Dikana꞉ma꞉ handopa꞉eki make opupa꞉eki make pa wala꞉peke ya꞉la꞉me leekeme.

Aposolo 8:4

Koto ekina꞉ mo hande pindipa ta꞉ta꞉ ta꞉ta꞉ pea pemeke wanda꞉halima꞉ mo hande Koda꞉na꞉ Pi Seliapo latia tia pomimikime.

Loma꞉ 15:16

Hande I̱ pa꞉ta꞉ ka꞉la꞉ eta꞉ dupae. Yesu Ketiso ipika꞉ e pokaaso hali hata꞉ mo Diendaili wanda꞉halina꞉ e pokaanoyeke ka꞉la꞉me. I̱ma꞉ mo hande Koda꞉na꞉ Pi Seliapo walaaso hata꞉ta꞉ yeni peaasa꞉ hali leke hata꞉ pitolome. Mo hande Diendaili wanda꞉halita꞉ Koda꞉ma꞉ ta꞉na꞉ma꞉ homolo hata꞉ mina꞉yeke pa hala꞉la꞉ ale leke haluekema꞉ pitolome. Mo Holi Sipitidima꞉ make mo hala꞉la꞉ aleta꞉ yako pina꞉ ala꞉me.

1 Kotindi 4:1

Ikana꞉ma꞉ niki pa꞉ta꞉ hone witolo hata꞉ hone dupa wia꞉pa꞉peke. Ikita꞉ Ketisona꞉ e pokaasoma꞉ haliweki hata꞉ta꞉ mo hande Koda꞉na꞉ a꞉mbao ula꞉ haumanu handeteke haleme haliwekie laa hone wia꞉pa꞉peke.

Hibulu 2:3

Kutu pimiki ekina꞉ta꞉ pa niki make mo Koda꞉ma꞉ niki pa꞉ta꞉ lolo ka꞉la꞉ da꞉ta꞉la꞉eki tiekena꞉ hone wopu na uma꞉ka꞉na꞉ta꞉ kota꞉ ekipa mo niki pa꞉ta꞉ kulu pa꞉la꞉ hoke yenki wenduluma꞉pe. Tekehalima꞉ kone do ka꞉la꞉ da꞉ta꞉la꞉eki peneme yaeyekeme. Koto ekita꞉ mo amba꞉ ipikana꞉ma꞉ leeke pi opimiki wanda꞉halima꞉ do pita꞉ ota꞉ la꞉la꞉ pie laa niki pa꞉ta꞉ wopu la kimime.

1 Pida 5:1

Iki ame̱le̱ hala꞉ you hali weki pa꞉ta꞉ I̱ make you hali hata꞉ iki pa꞉ta꞉ tikitiki yaasa꞉ pi alome I̱ta꞉ Ketisona꞉ tanda miekeeki handoa꞉ halie. Kutupa mo epolo pa꞉la꞉ pa̱a̱ pita꞉la꞉ ekita꞉ I̱ma꞉ make mulueke.

2 Pida 1:16

Mo hande nika꞉ Tekehali Yesu Ketisona꞉ wele pa꞉ta꞉ ipula꞉ ekita꞉ nikana꞉ma꞉ta꞉ pa ma꞉nda꞉ma꞉ ipika꞉ hone pa꞉ta꞉ wa꞉pa꞉la꞉ tameni manuna꞉ tilao hata꞉ iki pa꞉ta꞉ walolo na loma꞉me. Ota꞉ nika꞉ lekema꞉ ipika꞉ honkopu tieke handoma꞉me.