Luku 1:15 - Panake Pi La: Ula: Buka pita: Kine Pieke Buka

¹⁵ mo weki daeya hata꞉ta꞉ Koda꞉na꞉ leke popelekena꞉ hata꞉ hali tieke halieke laata꞉ Ipikana꞉ma꞉ta꞉ mo waini ikali make mo hoke ikali make na nelieke. Kutupa ipikita꞉ inkikina꞉ weleke pa꞉ta꞉ pitina꞉ kone mo Holi Sipitidi tumbaalieke.

Luku 1:15 Iomraidhean Croise

Kini Pieke 12:2

I̱ma꞉ta꞉ naka꞉ monduma꞉ monduma꞉ pilipi wekiwandikina꞉ wekiwandikita꞉ wopu kiaata꞉ ikita꞉ tutu tieke halimikie. Neketa꞉ wamo peaasa꞉ hali halena꞉ yeke I̱ma꞉ neke epealueke laata꞉ naka꞉ biki kende tupa꞉ wina꞉ lolueke.

Kini Pieke 48:19

Koto leekepate atekema꞉ ipika꞉ pi na opitolo hata꞉ alota꞉ Yaka wekio. I̱ma꞉ hone ulume. Ma꞉na꞉sa꞉na꞉ monduma꞉ monduma꞉ pilia꞉ wekiwandikina꞉ wekiwandiki make tapake tieke halo pa꞉la꞉pate pa ipika꞉ wetepe nane hamekema꞉ta꞉ ota꞉ ankulaota꞉ ipika꞉ monduma꞉ monduma꞉ pilia꞉ wekiwandikina꞉ wekiwandikita꞉ tutu tiekemanu halieke.

Luku 1:14

Nakana꞉ma꞉ make ta꞉na꞉ma꞉ homolo pelepateta꞉ mo weki mendia꞉ka꞉na꞉ta꞉ mandane wanda꞉hali wopuma꞉ make ta꞉na꞉ma꞉ wotu homilimikie. Kutupa

Luku 7:28

Yesuma꞉ iki pa꞉ta꞉ alota꞉ Opua꞉pe. Dioni ipikita꞉ amba꞉ haemeke haliweki paeyao lu ankulala꞉pate Koda꞉na꞉ Kilu Tombuao Hala꞉ alena꞉ oto pa꞉ta꞉ hala꞉ hali ipikita꞉ Dioni lu ankulao hala꞉me leekeme.

Luku 7:33

Mo hande bapitaisi peao hayeke hali Dionima꞉ hoto paeyaota꞉ hoto ma꞉nda꞉na꞉ nee pi wia꞉tiki piekeeki make waini ikali na na꞉tiki pieke ekina꞉ ikana꞉ma꞉ alota꞉ Ipikita꞉ hoke temoko pila꞉ halie lememe.

Dioni 5:35

Dionita꞉ hande ola꞉pake tupa꞉ ka꞉wa endialeke handaa pa̱a̱ wopu pu haya꞉me. Koto ekina꞉ ipika꞉ pa̱a̱ pa꞉la꞉eki pa꞉ta꞉ hosiki haluekema꞉ ikana꞉ma꞉ hone pia꞉me.

Aposolo 2:4

Kutupa mo Holi Sipitidima꞉ iki paeyao tumba pitina꞉ mo wanda꞉hali paeyaoma꞉ pi ta꞉ta꞉ ta꞉ta꞉ lena꞉ leekeme.

Ka꞉leisia 1:15

Kutu pua꞉pate Koda꞉ma꞉ a꞉ta꞉ma꞉ homa tamba꞉ mina꞉la꞉ hali hata꞉ I̱ma꞉ ipika꞉ e pokaano ya ama꞉na꞉ weleke pa꞉ta꞉ pitono kone I̱ ma̱leke liekeme. Kutupa wetepena꞉ I̱ma꞉ Yesuna꞉ Pi Seliapota꞉ mo Diu tapake na hake ta꞉ta꞉piki tapakemanu pa꞉ta꞉ walalo ponoyeke Koda꞉ ipika꞉ eiyeke I̱ handono waluekema꞉ hone pieke di opolo epeeketa꞉ I̱ta꞉ ma꞉nda꞉ yaapo pi hotuluekema꞉ na pu make

Epesese 5:18

Kutupa hoke ikali naa keaasa꞉ ekima꞉ iki hoeyaapa꞉na꞉ kotoeki na piki Koda꞉na꞉ Holi Sipitidima꞉ iki tumbaatiki pita꞉la꞉eki muemena꞉ ota꞉ pea꞉pa꞉peke.