ZAKHARIA 9:2 - Sura' Madatu

² ondongpi ia duka tu Hamat, tu nasikandean sia iatu Tirus sola Sidon, moi nasangtumba madaona tu kapaissananna,

ZAKHARIA 9:2 Iomraidhean Croise

YEHEZKIEL 28:12

E ma’rupa tau, sa’buranni misa’ bating tu datunna Tirus sia ma’kadako lako kumua: Inde sia tu kadanNa Puangta PUANG: Iatu pa’kaleammu sundun garaganna, naponnoiko kapaissanan, sia sundun kamaballoammu.

YEREMIA 49:23

Diona Damsyik. Kasirisammo tu Hamat sola Arpad, belanna urrangimo kareba kadake; tigianggiangmo penaanna tu tau iato mai susi tasik mariak sia masussa tu penaanna na tae’mo narapa’ len.

OBAJA 1:20

Iatu sangtuntunanna to Israel, tu dipali’ la umpotondok tondok to Kanaan sae lako Zarfat; na iatu to dipali’ dio mai Yerusalem, tu dio Sefarad, la umpokotai tu mintu’ kota rampe Lo’na lu.

AMOS 6:14

Belanna tonganna la Kupake’de’ ullaoikomi, e bati’ Israel, kadanNa PUANG, Kapenombanna mintu’ ma’dandan maritik, tu misa’ bangsa, la umpandasakomi randuk dio mai lalan lako Hamat sae lako salu’-salu’ Araba.

2 DATU 25:21

Napesuammi datu Babel umpatei tu tau iato mai dio Ribla lan lili’na Hamat. Susimoto tu kadipaliranna to Yehuda lan mai tondokna.

2 DATU 23:33

Napattangmi Firaun Nekho dio Ribla dio tondok Hamat, kumua damo nama’parenta dio Yerusalem, sia nadosa tu tondok iato saratu’ talenta salaka na misa’ talenta bulaan.

1 DATU 17:9

Ke’de’ko mumale lako Sarfat, lili’na Sidon, ammu torro dio; den sia dio tu baine balu mangkamo Kusua la umparakaiko.

KADIBILANGAN 13:21

Ke’de’mi tu tau iato mai lao umparessa bunii randuk dio mai padang pangallaran Zin sae lako Rehob, tu nanii randuk lalan diola lako Hamat.

YEREMIA 25:22

sia mintu’ datunna Tirus, mintu’ datunna Sidon na mintu’ datunna lebukan lamban lianna tasik;

YEREMIA 47:4

ke saemi tu allo kadisangganganna mintu’ to Filistin sia iake disabu’i tu mintu’ to la untundui Tirus sola Sidon, tu torronapa; belanna PUANG la umpisanni tu to Filistin, iamotu to torropa dio lebukan Kaftor.

YEHEZKIEL 47:16

Hamat, Berota, Sibraim, tu naparitangnga lili’ Damsyik sola Hamat, na Hazar-Enon, lan tangnga, tu sidampi’ katonanna Hauran,

YEHEZKIEL 27:1

Rampomi tu kadanNa PUANG lako kaleku Nakua:

YEHEZKIEL 28:1

Rampomi tu kadanNa PUANG lako kaleku Nakua:

AMOS 1:3

Inde sia tu kadanNa PUANG Nakua: Belanna tallu tu kapatodo-tintinganna Damsyik, ondongpi belanna a’pa’, iamoto natae’ Kula undampai to. Belanna mangka napalullu’i panglulluran bassi tu Gilead,