KADA OMBO’ LAKO RASULU’ YOHANES 11:12 - Sura' Madatu

¹² Tau iato mai mangka urrangi misa’ gamara kapua dao mai langi’ ungkuanni sola duai: Kendekkomi mai. Kendekmi sola duai langngan langi’ naputu’ gaun, sia mintu’ ualinna untiroi.

KADA OMBO’ LAKO RASULU’ YOHANES 11:12 Iomraidhean Croise

KADA OMBO’ LAKO RASULU’ YOHANES 4:1

Undinnato kutiromi tu misa’ ba’ba tibungka’ dao suruga, na iatu gamara bunga’-bunga’na susito oni tarompe’ pua ma’kada lako kaleku, Nakua: Kendekko mai, angKu pakitangko tu apa tae’ nasalai tang la dadi undinna.

PENGGAURANNA RASULU’ 1:9

Iatonna mangka ma’kada susito, tiangka’Mi tonna mentiro lako tinde tau, anNa tileak tama gaun, natae’mo natiro tinde tau.

2 DATU 2:11

Iatonna marassan lumingka sipa’ulelean, ta’kala denmi misa’ kareta api sola darang api umpasisarakki sola duai. Susimoto tu kakendekanna Elia langngan suruga naputu’ talimpuru’.

1 TESALONIKA 4:17

na undinna iatu kita tuonapa, te torronapa, la simpolo diangka’ tama gaun sisola tu tau iato untammui Puang lan masuanggana, na susimoto la tontongki’ sisola Puang.

KADA OMBO’ LAKO RASULU’ YOHANES 12:5

Undadiammi misa’ pia muane, tu dadi muane, la umparentai tekken bassi mintu’ to kapere’; ta’pa disintakmi tu Anakna nadibaa lako Puang Matua sia lako to’ isungan kapayunganNa.

KADA OMBO’ LAKO RASULU’ YOHANES 3:21

Na iatu to patalo, Kueloran unno’ko’ dio sa’deKu dao isungan kapayungangKu susi duka tu Aku pataloMo’ angKu unno’ko’ sola Ambe’Ku dao isunganNa.

LUKAS 16:23

Mate dukami tu to sugi’, nadipeliang. Iatonna lanmo naraka, maparri’mi nasa’ding, umbangunammi matanna, natiro mambelai tu Abraham sola Lazarus diong rianna.

YESAYA 60:8

Mindara tu mettia’ sae susi salebu’ sia ten to bu’ku’ mettia’ lako tobanna?

YESAYA 40:31

Apa iatu to untayan PUANG la umba’rui kamatotoranna, anna mettia’ kendek langngan susi langkan maega. Tau iato mai la lumingka tang mekaboyo’, la sumalong tang mekata’ka’.

2 DATU 2:5

Attu iato saemi tu mintu’ passikola nabi dio Yerikho lako Elisa sia mekutana lako nakua: Miissan sia raka, kumua allo iate la Naangka’ PUANG tu puangmi dao mai ulummi? Mebali nakua: Kuissan duka sia; kappakomi.

2 DATU 2:1

Den pissan, tonna la unnangka’mi PUANG tu Elia langngan suruga naputu’ talimpuru’, malemi tu Elia sola Elisa dio mai Gilgal.

MALEAKHI 3:18

Attu iato la balik tu penaammi, ammi tiroi tu kasisengaranna to malambu’ sia to kelok, sia kasisengaranna minda tu mengkaola lako Puang Matua na minda tu tae’ namengkaola lako Kalena.

YESAYA 14:13

Mukua lan penaammu susite: La kendekna’ langngan langi’, la umpalayukna’ isungangku dao mintu’ bintoenNa Puang Matua, kutongkon unnisung dao buntu pa’kombongan daa tiparitikna mata uai.

PA’PUDIAN 112:10

Iatu to tang mekaaluk rosso la untiroi tu iannato umpasisange’ isinna, anna poton; sia iatu kamaduanganna to tang mekaaluk tang lolo’.

PA’PUDIAN 86:17

Pogauranna’ misa’ tanda napotanda tasikna kameloan, kumua anna ta’pai matanna mintu’ to ungkabiri’na’ anna kasirisan, belanna Kamumo, o PUANG, tu mangka untunduina’ sia umpakatanana’.

PA’PUDIAN 24:3

Mindara tu ma’din kendek langngan buntunNa PUANG, sia mindara ma’din bendan dio inan maindanNa?

PA’PUDIAN 15:1

Pa’pudianna Daud. O PUANG mindara ma’din mentiruran lan tendaMi. Sia mindara ma’din torro dao buntu maindanMi?

2 DATU 2:7

Limangpuloi dio mai mintu’ passikola nabi male duka, anna bendan mambela dio mai tau iato mai, tonna bendan sola duai dio biring Yordan.

KATASSURAN 14:25

Napalammak tu mintu’ roda karetana tau iato mai, sia Napamale’lan lumingka, naurunganni ma’kada tu to Mesir, nakua: Melo ke mallaiki’ dio mai to Israel, belanna PUANG urrondongi tu tau iato mai urrarii to Mesir.