PA’PUDIAN 81:5 - Sura' Madatu

⁵ Belanna iatu iannato iamo aluk dipondokan to Israel, sia atoranna Kapenombanna Yakub.

PA’PUDIAN 81:5 Iomraidhean Croise

PA’PUDIAN 114:1

Iatonna tassu’ tu to Israel lan mai Mesir. Sia tonna tipoli’ tu bati’na Yakub lan mai bangsa ma’laen basa,

PA’PUDIAN 77:15

Kamumo tu Puang umpogau’ apa kalle-kallean, sia mangka Mipapayan tu kuasamMi dio lu mintu’ bangsa.

PA’PUDIAN 78:6

Anna issanni taruk undinna, iamotu mintu’ bati’ la didadiampa tu la tulangdan anna ulelean pole’i lako bati’na:

KATASSURAN 11:4

Sia nakuapa Musa: Nakua kadanNa PUANG: Agi-agi ma’tangnga bongi, angKu salongi te tondok Mesir.

KATASSURAN 12:12

Bongi ia dukamote angKu la ussalongi tondok Mesir sia la umpata’pai lima tu mintu’ anak pa’bunga’ lan Mesir, la to lino sia olo’-olo’; sia la Kupaolai salunna tu mintu’ deatanna to Mesir, tonganna Akumo tu PUANG.

KATASSURAN 12:27

La mikua mebali: Iamote tu pemala’ Pa’pasa dipemalaran lako PUANG, tu lendu’ mana’pa dio mintu’ banuanna to Israel dio tondok Mesir tonna dipata’pai lima tu to Mesir, Nakatirinnai tu mintu’ banuanta. Sangtukkuammi tu to buda, anna menomba:

KATASSURAN 12:29

Iatonna ma’tangngamo bongi Napata’paimi lima PUANG tu mintu’ anak pa’bunga’ lan tondok Mesir randuk dio mai anak pa’bunga’na Firaun, tu la unnisung dao isungan kapayunganna sae lako anak pa’bunga’na to dipattang lan pa’tarungkuan sia anak patuoan.

YESAYA 28:11

Iamoto anna la ma’kada tu Puang lako bangsa iate unnoyong kada makalaen-laen sia basa to mambela.

YEREMIA 5:15

Tonganna la Kupasaeangkomi mintu’ bangsa mambela, e to Israel, kadanNa PUANG, iamo misa’ bangsa matontongan tu inang den dolona, misa’ bangsa tang mutandai basana sia tang mupebuyu’ tu kadanna.

YEHEZKIEL 20:20

Pamadatui tu allo katorroangKu, nadadi misa’ tanda lan alla’Ku na kamu, ammi tandai, kumua Akumo, tu PUANG, Kapenombammu.

AMOS 6:6

Tu unniru’ uai anggoro’ lan mai balubu sia umperruda’ minna’ tu mandu melo, apa tae’ mipalan penaai tu karo’pokanna Yusuf!

PA’TOLE 28:49

PUANG la umpasae misa’ bangsa ullaoiko, tu sae dio mai tondok mambela, dio mai randan langi’, susito langkan maega mettia’, iamotu misa’ bangsa tae’ mitandai basana,

PA’TOLE 4:45

Iamote tu apa dipamanassa, aluk dipondok sia atoran, tu mangka napokada Musa lako to Israel dio kalingkanna, tonna tassu’ lan mai Mesir,