Ma’kadami tu PUANG: Iatu PenaangKu tae’ na la tontong bang lan kale tolino, belanna patengkan sia inang pa’kalean siamo; la saratu’ duangpulomora taunna tempona tu tolino!
Belanna tae’ naperangii tau iato mai tu PUANG, Kapenombanna, sangadinna natengkai tu basseNa; iamotu mintu’ apa Napepasanan lako Musa, taunNa PUANG; tae’ naperangii sia tae’ napogau’i.
Upu’ allona tu mai pia pabali-bali, kadanNa PUANG, belanna tau iato mai untampa kasiturusan, apa tang bu’tu lu dio mai Kaleku, sia untanan basse unnea apa bu’tu lan PenaangKu, la untompokki kasalan tu kasalan.
Mindara ussorongi tu Yakub la dipangrampai sia Israel lako to manglo’do’i? Tang lakoraka PUANG tu tanii umpogau’ kasalan? Belanna tae’ namorai tu tau iato mai unnolai lalanNa sia tae’ anna perangii tu Sukaran alukNa?
Apa tang ma’perangi tu tau iato mai, sia tae’ napalidanni talinga, sangadinna makarra’ bang unturu’ lalan penaa kadakena; iatu tau iato mai sorong boko’, tae’ namennolo,
Apa nabali-baliNa’ sia noka umperangiiNa’; moi misa’ tae’ untibei tu apa megallian sia tae’ natampei tu rapang-rapang dipodeatanna to Mesir, Kuurungan untangnga’i la umbarrakan kare’dekan ara’Ku lako tau iato mai, sia umpaupu’ kasengkeangKu tu Kuparampoanni dio tondok Mesir.
Naboko’imi Puang Matua sia Napopa’elo’na tu tau la umpenombai mintu’ pentaunan dao langi’, susitu disura’ lan sura’na nabi, kumua: E to ma’rapu Israel, denmoraka mipemalaranni lako Kaleku tu pemala’ pangrere’ sia penomba, lan to patangpulo taunna dio padang pangallaran?