PA’PUDIAN 23:3 - Sura' Madatu

³ Ia umpamatana deatangku, sia ussolanna’ lako mintu’ lalan malolo, diona sanganNa.

PA’PUDIAN 23:3 Iomraidhean Croise

YESAYA 42:16

AngKu rendenni tu to buta dio lu lalan tang natandai, sia la Kupopa’lingka dio lu batatta tang nalesepa; la Kupopembali masiang tu malillin dio tingayona sia la Kurantean lalan. Mintu’na apa iate, la Kupadadi sia tae’ Kula tang umpogau’i.

PA’PUDIAN 31:3

Tanannina’ talinga, sia rampananna’ madomi’, sangapaoi angku pobuntu batu pentirerungangKomi,

PA’PUDIAN 19:7

Iatu kadellekanna dio mai randan langi’, sia kamenggulilinganna landa’ lako randan sangbalinna, na moi misa’ apa tae’ kalalunan dio mai kamapannanganna.

PA’PUDIAN 51:10

Parangii polena’ kasendean sia kaparannuan, anna sila’tekan tu mintu’ buku lampa mangka Minisak-nisak.

PA’PUDIAN 5:8

Apa aku te la tamana’ banuamMi, belanna pa’kamasean kapuaMi, sia la tukkuna’ umpennoloi banua kabusungamMi situang kamatakuran mati’ Kalemi.

PA’PUDIAN 51:12

Pakombonganna’ lan ba’tengku tu misa’ penaa masero, o Puang Matua, sia ba’rui lan kaleku tu misa’ penaa kalebu.

AYUB 33:30

iamotu umpasule deatanna tau dio mai panglamunan, naurungan naarrangi arrang katuoan.

SARAMBU PEADA’ 8:20

Umpolalanna’ lalan malolo, dio tangnga batatta kamalamburan,

KADA OMBO’ LAKO RASULU’ YOHANES 3:19

Samami to Kupakaboro’, Kutarru’i sia Kuada’; iamoto pengkullei sia mengkatoba’ko.

PA’PUDIAN 79:9

Tunduikanni, o Puang Matua, oto’na kasalamarangki, tete dio kamala’biranna sangamMi; rampanangkanni sia basei tu mintu’ kasalangki, tu belanna sangamMi.

PA’PUDIAN 85:13

Sia la umbengan duka kameloan tu PUANG, anna kendek burana tu padangta.

SARAMBU PEADA’ 4:11

Kuada’iko tu diona lalan kakinaan, kupalingkako dio lu lalan malolo.

PA’PUDIAN 119:176

Pusamo’ susi domba natampe solana, daka’i te taumMi; belanna tae’ angku kalupai tu mai pepasanMi.

YEHEZKIEL 20:14

Apa Kupalalomo tu penggaurangKu belanna sangangKu, kumua da nadipamatuna dio pentirona mintu’ bangsa, tu dio pentirona Kunii umpatassu’i tu tau iato mai.

YEREMIA 31:8

Manassa la Kusolan tu tau iato mai lan mai tondok daa ulunna salu sia Kurampun dio mai mintu’ biring langi’; dio lu tau iato mai den to buta sia to kupi’, to ma’tambuk sia to kianak; iamo misa’ kasirampunan kapua tu sangke’deran la sule dio mai.

EFESUS 1:6

la umpabu’tuanni kadipudian tu kamala’biran pa’kamaseanNa, tu Napa’kamasean lako kaleta lan Pa’kaboro’Na.

PA’PUDIAN 34:3

Iatu deatangku massattuan dio PUANG, sangapaoi anna rangii to umpamadiongan penaanna anna parannu-rannu!

PA’PUDIAN 31:4

Belanna Kamumo buntu batungku sia tambakukungku, iamoto rendenna’ sia solanna’ tete dio sangamMi.

PA’PUDIAN 106:8

Apa Nalendokan Puang tete dio sanganNa. Nanii umpa’peissanan kuasanNa,

PA’PUDIAN 109:21

Apa iatu Kamu, o PUANG Puangku, alanna’ sara’ tete dio sangamMi sia rampananna’ belanna tang tore tu kamasokanamMi.

YEREMIA 31:25

belanna Kupamatana tu penaa bonnong sia Kupamalapu’ tongan tu mintu’ penaa puru’.