PA’PUDIAN 127:1 - Sura' Madatu

¹ Nanian Hamaa’lot. Pa’pudianna Salomo. Iake tae’i anNa PUANG umbangunni tu banua. Manassa tae’ gai’na tu kabo’yoranna pande; sia iake tae’i anNa PUANG ungkampai tu kota, manassa tae’ gai’na tu kamaroyanna to ma’kampa.

PA’PUDIAN 127:1 Iomraidhean Croise

1 DATU 5:12

Nakamaseimi PUANG kakinaan tu Salomo susitu Naallu’ lako kalena; denmi kasikaeloanna Hiram sola Salomo sia untanan duka misa’ basse sola duai.

1 OSSORANNA DATU 28:10

Pengkilalai meloi kumua Natonno’ko PUANG la umbangun misa’ banua dipoinan maindan; pabatta’i tu penaammu sia pogau’i to.

1 OSSORANNA DATU 28:20

Ma’kadami Daud lako Salomo, anakna, nakua: La matoto’ko sia batta’ko sia pogau’i to; da mumataku’ sia da mutiramban, belanna PUANG Kapenomban, iamotu KapenombangKu, la urrondongko. Tae’ Nala toyang dio mai kalemu sia tae’ Nala umpopa’elo’nako sae lako mangkanna tu mintu’ pengkarangan diona kamenomban lan banuanNa PUANG.

1 OSSORANNA DATU 29:19

Sia kamaseanni anakku Salomo tu penaa bulo lollong la ungkaritutui tu pepasanMi sia pangadaramMi sia iatu apa Mipondok sia la unturu’i tu mintu’na sia la umbangunni tu tambakuku, tu kupasakka’mo oonganna.

PA’PUDIAN 120:1

Nanian Hamaa’lot. Meongli’na’ langngan PUANG tongku lan kamaparrisan, natanannimo’ talinga.

PA’PUDIAN 121:1

Nanian Hamaa’lot. Kubangunan tu matangku untingara mintu’ buntu: Umbara la nanii bu’tu patunduangku?

PA’PUDIAN 122:1

Nanian Hamaa’lot’. Pa’pudianna Daud. Sende tu batu ba’tangku, tonna kuanna’ tau kumua: Maiko talao lako banuanNa PUANG.

PA’PUDIAN 123:1

Nanian Hamaa’lot. Mentingara mati’na’ Kalemi, o PUANG, unnisungi suruga.

PA’PUDIAN 124:1

Nanian Hamaa’lot. Pa’pudianna Daud. Iake la tang PUANG tu urrondongki’, Melo ke ma’kadai tu to Israel susite:

PA’PUDIAN 125:1

Nanian Hamaa’lot. Iatu mintu’ to umposande’ PUANG, sitinti buntu Sion, tang tibendon, sangadinna bantang sae lakona.

PA’PUDIAN 126:1

Nanian Hamaa’lot. Iatonna pasulei PUANG tu mintu’ to Sion dirampa, susikan to mangimpi.

PA’PUDIAN 72:1

Pa’pudianna Salomo. O Puang Matua ada’i katonganamMi tu datu, sia ada’i kamaloloamMi tu taruk bulaanna to kabarre-alloan.

PA’PUDIAN 78:69

AnNa bangunni tu inan maindanNa butung inan matande, sia butung lino tu Naparandanganni matoto’ tontong sae lakona.

SARAMBU PEADA’ 16:9

Iatu penaanna tolino untangnga’-tangnga’ lalanna, apa PUANG unnato’i tu tengkana.

TOMANGADA’ 9:11

Kutiro pole’omi lan naarrang matanna allo, kumua iatu polean disilombai tangia tomalinta’ tongan unnalai, sia iatu kapataloan lan kasirarian tangia to matoto’ tongan unnalai, sia iatu kande tangia tokinaa unnalai, sia iatu kasugiran tangia tomanarang unnalai, sia iatu pa’kamase tangia tounnampui tangnga’ kinaa unnalai, belanna attu sia upa’ urrampoi sola nasangi.

PA’TENDENG BALLO 3:3

Naapparanmo’ to ma’ronda’, tu sumalong lan lu kota iato, angku ma’kada kukua: Tae’raka mitiroi tu andi’ pa’kaboro’ inaangku?

PA’TENDENG BALLO 5:7

Naapparammo’ pa’ronda’, tu male sumalong lan lu kota, anna bambana’ sia nakambeina’, sia naalaina’ tu lullungku, iamotu to ma’kampa dao lu benteng tembo’.

YESAYA 27:3

Akumo PUANG, tu pakaduttu’na, la ussakka’i nenne’i; la Kupetayanni keallo kebongi, da narumbu lenni kakadakean lako.

YESAYA 56:10

Iatu mintu’ tu to ma’kampana tau iato mai buta, moi misa’ tae’ natandai, mintu’i susi asu mamang, tu tang naissan ma’buroro; tikkaru’du’ anna umbambang rokko, sia naporai bang mamma’.

YESAYA 62:6

E Yerusalem, Kupadaomo bentengmu tu pa’kampa, tu tang la ma’pakappa allo bongi tontong sae lakona. E kamu, tu umpakilalanna PUANG, da mimengkata’ka’len.

YEREMIA 51:12

Pabendanmi tu bandera la ullaoi tambakukunna Babel, pebudai tu to ma’kampa, pannii to ma’kampa dio lu tu mintu’ inan, pannii dukai to mangodo’; belanna PUANG la umparampo randannai tu tanan penaanNa, iamotu apa mangka Napokada diona to lan tondok Babel.

YEREMIA 51:31

Iatu to disua ma’dondo-dondo pada sitammu to disua sia to umbaa kareba pada sitammu duka la umparampoi lako datu Babel, kumua di talomo tu kotana tiku lao;

1 KORINTUS 15:14

Na iake tae’i Nadipamalimbangun tu Kristus, torro sala tu kipa’peissananna sia torro sala duka tu kapatonganammi.

1 KORINTUS 3:7

Iamoto, la to mantanan, la to ma’sakka’i tae’ battuananna, sangadinna Puang Matua Ia umpatuoi.

GALATIA 4:11

Kukaselangangkomi, kumua iamo ke la tae’ lenni bua’na tu kamara’tasangku lako kalemi.

PA’TOLE 8:18

Apa la mukilalai tu PUANG, Kapenombammu, belanna Iamo, tu ungkamaseangko kamatotoran la ungkabu’tui tu ianan, kumua anNa palanda’i tu basse, tu Natanan sola nene’ to dolomu Napalaoi sumpa, susitu a’ganna te allo iate.

YOSUA 2:2

Naparampomi tau lako datu Yerikho nakua: Manassa bongi iate den tau sae dio mai to Israel la usserre’i te tondok.