PA’PUDIAN 102:3 - Sura' Madatu

³ Da Mibunianna’ lindoMi ke nalambi’na’ attu kamandasan; tanannina’ talingamMi; sia perangiina’ madomi’, ke meongli’na’.

PA’PUDIAN 102:3 Iomraidhean Croise

AYUB 30:30

Malotong tu kuli’ku sia tilalek dio mai kaleku, dukku tu bukungku napobua’ kamalassuan kale;

PA’PUDIAN 119:83

Moi susimo’ to bila ditapai, apa tae’ duka sia angku kalupai tu mintu’ apa Mipondok.

PA’PUDIAN 27:9

Da Mibunianna’ tu lindoMi, sia da Misualei tu taumMi napobua’ kasengkeamMi. Kamumo tu kupopatunduan; da Mitibena’ sia da Mitampena’, o Puang Matua, oto’na kasalamarangku.

PA’PUDIAN 31:10

Kamaseina’, o PUANG, belanna lanna’ kamagiangan, belanna rosso inaa anna malanmo tu matangku, sia langga’ tu sumanga’ku, sia kaleku.

PA’PUDIAN 31:3

Tanannina’ talinga, sia rampananna’ madomi’, sangapaoi angku pobuntu batu pentirerungangKomi,

PA’PUDIAN 37:20

Apa iatu to tang mekaaluk la sanggang. Sia iatu mintu’ ualinNa PUANG la butung kamaballoanna riu dio lu padang; tau iato mai la pa’de poton, ondongpi la pa’de poton sola rambu.

PA’PUDIAN 38:3

Belanna iatu mintu’ tinaranMi lambun nasangmo tama kaleku, sia lendu’ nati’tinku tu limamMi.

BATING 1:13

Napasaemi tu api dao mai madaona; Napasonglo’mo sae tama bukungku; Natananni porro’ tu lentekku sia Naturrunna’ lako boko’; Napatorro to pussakmo’, mandasa situ’turan allo.

BATING 3:4

Napamarangkemo tu kaleku sia Napatingkurrungmo tu kuli’ku, Tappumo Narebong tu bukungku.

YAKOBUS 4:14

apa tae’ miissanni tu apa la dadi masiangna to. Umbara nakua tu katuoammi? Belanna susi bangrokomi to rambu, sattu’ri ditiro, anna pa’demo.