PA’PUDIAN 102:2 - Sura' Madatu

² O PUANG, tananni talinga tu passambayangku, sia sangapaoi anna rampo mati’ Kalemi tu pengkamoyaku.

PA’PUDIAN 102:2 Iomraidhean Croise

AYUB 34:29

Iake ma’pakappai tu Puang, mindara la ma’pasala? Sia iake Nabunianni lindoNa tu misa’ tau, mindara la untiroi – la pada-pada tu misa’ bangsa ba’tu misa’ tau –

AYUB 7:21

Ma’apari amMi tang umpagarri’ri tu kapatodo-tintingangku? sia ma’apari amMi tang umpa’dei tu kakelokangku? Belanna madomi’na’ sumpandan lan to’ barra’-barra’; attu iato la Midaka’na’, apa ta’demo’.

PA’PUDIAN 104:29

IamMi buni lindoMi, tirambanmi, sia iamMi alami tu penaanna, matemi, anna sule lako litak.

PA’PUDIAN 13:1

Lu lakona pangala sengo. Pa’pudianna Daud.

PA’PUDIAN 143:7

O PUANG, madomi’Komi umbalina’, belanna sau’mo tu penaangku, da Mibunianna’ lindoMi, da angku ten to kabu’ rokko pa’tambunan.

PA’PUDIAN 17:1

Passambayangna Daud. Perangii tu malambu’na, o PUANG! sia palan ara’i tu pengkamoyaku, tananni talinga tu passambayangku tu nasa’bu’ randan puduk tang ma’bangko malute.

PA’PUDIAN 22:19

Nasitaa-taai tau iato mai tu tamangkaleku, sia nasire’tekki tu bayu lamba’ku.

PA’PUDIAN 27:9

Da Mibunianna’ tu lindoMi, sia da Misualei tu taumMi napobua’ kasengkeamMi. Kamumo tu kupopatunduan; da Mitibena’ sia da Mitampena’, o Puang Matua, oto’na kasalamarangku.

PA’PUDIAN 31:2

O PUANG, mati’ kunii mentirerung; da maro’ angku kasirisan! Rampananna’ tete dio kamaloloamMi.

PA’PUDIAN 40:13

Belanna ba’tu sangapamo kasanggangan tu tang dikemba’mo dibilang untikuina’; sia mintu’ kakadakeangku ullambirammo’. Naurunganni tang kukemba’ kutiro; mandu buda ia na mintu’ lamba’ beluakku, naurungan ranggangmo tu penaangku.

PA’PUDIAN 69:17

Tanding talingana’ dikka’, o PUANG, belanna marampa’ tu kamasokanamMi. Sailena’ sitinaya kamamasean kapuaMi.

PA’PUDIAN 70:1

Lu lakona pangala sengo. Pa’pudianna Daud. Ke dipennoloanni tu pemala’ kapengkilalan.

PA’PUDIAN 71:2

Rampananna’ sia lendokanna’ tete dio kamaloloamMi; tanannina’ talinga, sia rinding pala’na’.

KATASSURAN 2:23

Masaipa alla’na to namane mate tu datu Mesir; iatu to Israel tontong bang sumarro belanna magasa pa’diamanna sia silallakan, naurunganni iatu pengkamoyana diona pa’diamanna rampomo lako oloNa Puang Matua.

KATASSURAN 2:24

Naperangiimi Puang Matua tu sarrona tau iato mai, sia Nakilalaimo tu basseNa sola Abraham, Ishak na Yakub.

YESAYA 43:2

Iake ussassangko uai, la Kurondongko, sia iake ullambanko salu, tae’ anna la ungkabu’ko; iake unnolaiko to’ api, tae’ anna la ungkandeko sia tae’ anna la’poiko.

YESAYA 65:24

La dadi, iake tae’pi nameongli’ tu tau iato mai, la mebaliMo’ sia iake marassan bangsiai ma’kada, la Kutarimamo.

YESAYA 8:17

La kutayan tu PUANG, tu umpembuniammo bati’na Yakub, lako Kalena la kunii sande’.

1 KORINTUS 10:13

Belanna ia manna tu petoba biasa urrampoi tolino tu mangka urrampoikomi. Apa maruru’ tu Puang Matua, tae’ Napopa’elo’nakomi dipatondonni petoba, sangadinna la pada Napabu’tu petoba tu katilendokan, kumua ammi batta’ umpengkanannangi.