PA’PUDIAN 101:3 - Sura' Madatu

³ Tae’ angku la untangnga’ len penggauran megi’giran; sia kusayu pallan tu penggauranna to sorong boko’. Inang tae’ anna la’ka’ lako kaleku tu iannato.

PA’PUDIAN 101:3 Iomraidhean Croise

AYUB 31:1

Siallu’mo matangku, umbara kukua umpenniroi misa’ anak dara?

PA’PUDIAN 119:113

Kukabiri’ tu mai to ma’ranga’-ranga’ penaanna, apa kukamali’ tu sukaran alukMi.

PA’PUDIAN 119:37

Patipero’i tu matangku, da anna ta’pai tu mai apa tang kebattuan. Sia patuona’ diona lalanMi.

PA’PUDIAN 125:5

Apa mintu’ to sepang lako lalan kelokna, la Naroto’i nasang PUANG sibaa mintu’ to umpogau’ kakadakean. Sangapaoi anna rampoi kamarampasan to tu Israel!

PA’PUDIAN 139:22

Lendu’ kukabiri’na liu tu tau iato mai, sia kupasangtinti uali.

PA’PUDIAN 14:3

Pusa nasangmo tu tau iato mai, sia kelok nasangmo; tae’mo tau misa’ umpogau’ melo, moi misa’ tae’ dukamo.

PA’PUDIAN 36:3

Belanna naa’panmo ia kasalan tu penaanna, diona kaungkanassan, kumua sipatu la dikabiri’ tu kakadakeanna.

PA’PUDIAN 39:1

Lu lakona pangala sengo; lako Yedutun. Pa’pudianna Daud.

PA’PUDIAN 40:4

Ia umpabu’tu nanian ba’ru dio pudukku, misa’ pa’pudi-pudian lako Kapenombanta. Buda tau la untiroi tu iannato anna kabangnga’I sia umposande’ PUANG.

PA’PUDIAN 41:9

Le’ke’ misa’ saki tang dampi-dampian lako kalena, iamoto totemo mamma’mo anna tae’mo nala malimbangun sule.

PA’PUDIAN 78:41

sia ussandak poleopi Puang Matua, sia umparosso To masero pindanna to Israel.

PA’PUDIAN 78:57

Sangadinna sorong boko’ sia tang mana’pa’ susito dolona, sia tipero’ susi tinaran pasala.

PA’PUDIAN 97:10

E kamu, mintu’ to ungkamali’ PUANG, la mikabiri’ tu kakadakean. Iamo urrinding pala’ deatanna mintu’ to masallo’Na. Sia urrampananni lan mai lisu pala’na to tang mekaaluk.

KATASSURAN 20:17

Da’ mukailui banuanna padammu ma’rupa tau, da’ mukailui bainena padammu ma’rupa tau, ba’tu solana muane, ba’tu solana baine, ba’tu sapinna, ba’tu keledainna, ba’tu barang apanna padammu ma’rupa tau.

KATASSURAN 32:8

Madomi’ bang tu tau iato mai sepang dio mai lalan, tu Kupasan lako kalena: nagarammo kalena tu misa’ anak sapi dipati’no’, anna tukku umpenombai anna pemalaranni tu pemala’ lako, anna ma’kada nakua: E to Israel, iamote tu deatammu, tu ussolangko sun lan mai tondok Mesir.

SARAMBU PEADA’ 6:12

To bulituk sia to umpabu’tu kakadakean, iamotu to umbulang leko’ kada,

SARAMBU PEADA’ 6:13

napopa’kidi’-kidi’ tu matanna, sia napopassodo-sodo tu lette’na sia napopa’dullu-dullu tu tarunona,

SARAMBU PEADA’ 6:25

Da nabu’tu lan penaammu tu kamoraian lako pantarisan melona, sia da naalako kidi’ matanna.

SARAMBU PEADA’ 8:13

Iatu a’gan ungkataku’ PUANG iamotu ungkabiri’ kakadakean; kukabiri’ tu kamadaoan penaa, kamatampoan, penggauran bulituk sia sadang naponnoi pa’bulang leko’.

TOMANGADA’ 6:9

Melo iatu patiro mata na iatu kamailuan, tu tontong male ma’duttu’. Ia duka tu apa iato tae’ gai’na sia susito unnula’ angin.

YESAYA 30:11

Mallaikomi dio mai lalan, sepangkomi dio mai batatta; patoyangi tu To maserona to Israel dio mai tingayoki.

YESAYA 33:15

To umparri-parri kamaloloan sia umpokada apa tongan; tu untumpu saro bu’tu kadake tu lu dio mai pa’pakario-rio; tu tang tikarang limanna untarima pa’pappe’, tu untampun talinganna da narangii tu tangnga’ la papatean sia untutu’ matanna, da natiro apa kadake.

YEREMIA 22:17

Apa tae’ mikemata sia kepenaa dio kalemi, sangadinna ungkamoraikomi saro bu’tu kadake sia umpatibollo rarana to tang kasalan sia umpandasa sia umpakario-rio tau.

MIKHA 2:2

Iake ungkamorai pa’lak tu tau iato mai, narampa, sia banua, naala. Susimoto tu tau iato mai umpakario-rio tau sia narampa tu banuanna sia umpakario-rio to ma’mana’ sia narampa tu mana’na.

ZAKHARIA 8:17

sia da misitangnga’ kadake lan penaammi sia da miporai tu umpalao sumpa tang tongan, belanna Kukagi’gi’ te mintu’ apa iate, kadanNa PUANG.

MATIUS 5:28

Apa Aku Kukua mati’ kumua, minda-minda tu umpenunu misa’ baine anna sae kamoraianna lako, mangkamo ia pasandak salu lako rampanan kapa’ lan penaanna lako tu baine to.

ROMA 12:9

Iatu kasialamasean pasiolananni kamalamburan. Kagi’gi’i tu kadakena la’ka’ lakokomi melona.

GALATIA 4:9

Apa totemo, tu untandaimokomi Puang Matua, ontongpi Natandaimokomi Puang Matua, umba nakua ammi balik pole’o lako tu aluk lino dolo, tu langga’na sia kalala’na, naurunganni la umpopengkaola pole’omokomi kalemi lako?

PA’TOLE 13:17

Moi misa’ duka apa tu dipa’pemalii tae’ nama’din le’ke’ dio limammu, kumua Napamerei PUANG tu kare’dekan ara’Na, sia Napa’petiroan tu pa’kamaseanNa lako kalemu, Naka- maseiko sia Napopemba’ka’ko, susitu Naallu’ lako nene’ to dolomu Napa- laoan sumpa.

PA’TOLE 15:9

Kanandai tu kalemu, da nabu’tu tu tangnga’ magi’gi’mu lan penaammu, kumua mandappi’mo tu taun ma’pempitu, iamotu taun kadiseroian, – mupobannang tang mamase lako siulu’ kalala’mu, sia tae’ mubenni apa-apa, anna urunganni umposarroko lako PUANG, ammu pokasalanni.

IBRANI 10:39

Apa kita te tangiaki’ to tama bilangan to sorong boko’, taurunganni sanggang, sangadinna to ma’patongan, naurunganni makarimman tu deatanta.

YOSUA 23:6

Iamoto la mipabatta’ tongan tu penaammi ungkaritutui sia unturu’i tu mintu’ apa disura’ lan sura’ Sukaran alukna Musa, da misepang lako kanan ba’tu kairi.

2 PETRUS 2:21

Belanna mandu melo, iake tae’pi natandai tu lalan kamaloloan na iake natandaimi, namemboko’ dio mai atoran masallo’ disoronganni.

1 YOHANES 2:19

Messarakmo dio mai kaleta tu tau iato mai, apa inang tangia solata, belanna iake solatai tae’ nasalai tang mari’pi ussisolangki’; apa messarak ia anna payan kumua tae’ na ia nasang solata.

1 SAMUEL 15:11

MenassanNa’, belanna Kuangka’ tu Saul dadi datu, belanna toyangmo dio mai Kaleku sia tae’mo naturu’i tu parentaKu. Massengmi penaanna tu Samuel, anna meongli’ lako PUANG situ’turan bongi.