NEHEMIA 9:2 - Sura' Madatu

² Umpatoyangmo kalena tu bati’na Israel dio mai mintu’ to sae sia bendan unnaku kasalanna sia kakelokanna nene’ to dolona.

NEHEMIA 9:2 Iomraidhean Croise

1 DATU 8:47

sia iake napalan penaai tau iato mai tu apa iato lan tu tondok dinii male umpali’i, anna mengkatoba’ sia mengkamoya lako Kalemi lan tondokna tu to umpali’i sia ma’kada nakua: kasalammokan, umpogau’mokan kakadakean sia tang mekaalukmokan,

EZRA 10:11

Apa totemo pangke’i tu PUANG, Kapenombanna nene’ todolomi, sia pogau’i tu apa nakalo’ penaanNa sia toyangangkomi kalemi dio mai mintu’ bangsa lan tondok iate sia dio mai mintu’ baine senga’.

EZRA 6:21

Nakandemi mintu’ to Israel, tu sulemo dio mai pa’paliran, susi dukato tu to umpatoyang kalena dio mai kamaruttakanna to kapere’ lan tondok iato lu lako tau iato mai la undaka’ PUANG, Kapenombanna to Israel.

EZRA 9:1

Iatonna mangkamo tu mintu’ apa iato, saemi tu mintu’ pangulu lako kaleku sia ma’kada nakua: Iatu to Israel sia tominaa sia to Lewi tae’ natoyangan kalena dio mai mintu’ bangsa lan tondok diona tu apa megallian, iamotu dio mai to Kanaan, to Het, to Feris, to Yebus, to Amon, to Moab, to Mesir na to Amori.

EZRA 9:15

O PUANG, Kapenombanna to Israel, Kamumo tu malambu’, belanna torro siapakanni pira tu tilendokna, susite allo iate. Manassa bendankan dio oloMi nakabu’kan kasalangki. Tonganna moi misa’ tau tae’ nakullei torro bendan dio oloMi.

EZRA 9:2

Belanna naala tu anakna tau iato mai napobainei sia napasibali anakna muane, napobannangi iatu bati’ masero dipasirau mintu’ bangsa lan tondok iato, ondongpi iatu mai pangulu sia to paa undoloanni umpoka kamarurusan.

NEHEMIA 1:6

La Mitanding talinga sia la Mibidaran tu matamMi la umperangii passambayangna taumMi, tu kupennoloan lako Kalemi keallo sia kebongi diona to Israel, taumMi; kupangakuammo tu kasalanna to Israel, tu kipogau’ umbaliKomi; ia duka tu aku sia sangdadiangku umpogau’ nasangmokanni kasalan.

NEHEMIA 10:28

Iatu mintu’ to senga’, tominaa, to Lewi, to ma’kampa babangan, tomenani, to pabali-balian lan Banua Kabusungan sia minda-minda tu ussarakki kalena dio mai tu mai bangsa lan tondok iato la ungkaritutui Sukaran alukNa Puang Matua sia iatu bainena tau iato mai sia anakna muane sia anakna baine, minda-minda tu paissannamo,

NEHEMIA 10:29

nasituru’i mintu’ siulu’na, iamotu to mala’bi’na, anna takoi passanan tengkona menggata sia umpalao sumpa la lolang unturu’ Sukaran alukNa Puang Matua tu Napa’bengan Puang Matua nalopian Musa, taunNa Puang Matua sia la birisan ungkaritutui tu mintu’ pepasan, atoran sia apa Napondok PUANG, Puangta.

NEHEMIA 13:3

Iatonna rangimi tau iato mai tu Sukaran aluk, nasarakkimi tu mintu’ to tang massang Israel lan mai to Israel.

NEHEMIA 13:30

Kuseroimo tu tau iato mai dio mai mintu’ apa to senga’; sia kupamanassa tu toeanna mintu’ tominaa sia to Lewi, pada dipapatui pengkaranganna;

PA’PUDIAN 144:11

Lendokanna’ sia rampananna’ lan mai lisu pala’na to sae, tu tongka’ dililana ussa’bu’ mo’rang, sia iatu lima kananna lima bulituk.

PA’PUDIAN 144:7

Popengkorongi tu limamMi dao mai masuanggana, lendokanna’ sia endekanna’ diong mai to’ uai buda, sia dio mai lisu pala’na to sae,

SARAMBU PEADA’ 28:13

Minda-minda tu ussamboi kapatodo-tintinganna, tae’ nala maupa’, apa minda-minda unnakui sia umboko’i la ungkabu’tui kamaturu-turuan.

YESAYA 2:6

Apa Mitampemo tu taumMi, tu bati’na Yakub, belanna ponnomo aluk to rampe matallo sia umpogau’ balik mata susito Filistin sia sikadamak to salian lembang.

YEREMIA 14:20

O PUANG, kitandaimo tu katangmekaalukangki sia kakadakeanna nene’ to doloki, kumua kasalammokan lako Kalemi.

YEREMIA 3:13

Apa la mutandai tu kakadakeammu kumua mangkamoko sorong boko’ dio mai PUANG, Kapenombammu sia male punala bangko lako to sae diong lu garonto’ kayu maluna sia tae’ muperangii tu gamarangKu, kadanNa PUANG.

DANIEL 9:20

Marassan bangsiapa’ ma’kada sia massambayang sia unnaku kasalangku sia kasalanna bangsaku to Israel sia umbarrakan pengkamoyaku langngan PUANG, Kapenombangku, diona buntu maindanna Kapenombangku,

HOSEA 5:7

Umpogau’mo tang maruru’ tu tau iato mai lako PUANG, belanna kianak bule’mo. Iake nalambi’ (oi) bunga’ sombona bulan ma’din narampoi kasaburan sisola tu mai iananna.